Georg Häfner

Groblege und Gedenktafe in da Krypta vom Neimünsta 2010 (heit is s' mit eina modernen Skuiptur andas gstaltet)

Da Joseph Georg Simon Häfner (* 19. Oktoba 1900 in Würzburg; † 20. August 1942 im KZ Dachau) is a fränkischa Pfarra aus'm Bistum Würzburg und Märtyra gwen.

Da Häfner hod si scho friah bei da nationalsozialistischn Regierung unbeliebt gmacht, u. a. weil er si gweigat hod, 'n Hitlergruaß auszführn. Noch weitern Konfliktn is er 1941 nachad verhaft und no im söibm Jahr in 'n Pfarrablock vom KZ Dachau bracht worn, wo er im August 1942 gstorbm is.

Am 15. Mai 2011 is da Häfner im Würzburga Dom seliggsprocha worn.