George W. Bush
| Der Artikl is im Dialekt Owaöstareichisch gschrim worn. |
Da George Walker Bush (* 6. Juli 1946) woa da 43. US-amerikanische Präsident. Davoa woa'ra åb'm 94a-Joa da Gouverneur vu Texas.
Präsident woan is a im Joa 2001, nåchdem a de Wåih im Joa davoa extrem knåpp gwuna hot. Er håd sogår weniga Stimmen ghåbt åis sei Gengkanidat, da Al Gore, åwa auf dés kummts im Wåihrecht dortn ned ãu. 2004 is a bei da Wåih bestätigt woan, sei gfäahlichsta Gengkandidat woa da John Kerry.
Intanazional kritisiad is a woan, weu a de Kriage im Irak und in Afghanistan ãugfãnga hås, da Bush söba nennt des Kriag geng an Terrorismus. Dabei beziagt a si auf de Terroraunschläge vum 11. Septemba 2001 afs World Trade Center und afs Pentagon.
Innenpolitisch steht a ziemli rechts, sei Politik gheat zum Neokonservatismus und Neoliberalismus. Des haßt, ea beziagt si in seina Politik af (ãngebli) christliche Weate und stärkt de Wiatschåft, indem a ia vü Freiheitn låsst. Mid seina libaraln Wiatschåftspolitik in am Zusãmmenhãng stehd de Finanzkrise vu de Joa 2007 und -8. Kritisiat håd ma'n aa weng am z'lãngsãmen Krisnmanagement nåch'm Hurrican Katrina, bei dem vü Leit in New Orleans, darunta vü Afro-Amerikana, gstoam san.
Sei Nåchfoiga is im Jänna 2009 da Barack Obama woan, da Bush wieda håd in Bill Clinton åbglöst. Dem sei Voagänga wieda woa im Bush sei Papa, da George H. W. Bush
| Commons: George W. Bush – Buidl, Videos und/oda Audiodatein |
