Grateful Dead

Aus Wikipedia
Grateful Dead
The Grateful Dead 1980. Vo links no rechts: Jerry Garcia, Bill Kreutzmann, Bob Weir, Mickey Hart, Phil Lesh. Nicht auf dem Foto: Brent Mydland
The Grateful Dead 1980. Vo links no rechts: Jerry Garcia, Bill Kreutzmann, Bob Weir, Mickey Hart, Phil Lesh. Nicht auf dem Foto: Brent Mydland
The Grateful Dead 1980. Vo links no rechts: Jerry Garcia, Bill Kreutzmann, Bob Weir, Mickey Hart, Phil Lesh. Nicht auf dem Foto: Brent Mydland
Oigmoans
Richtung Rock, Folk Rock, Country-Rock, Bluesrock, Psychedelic Rock
Grindung 1965
Auflesung 1995
Hoamseitn www.dead.net
Grindungsmitglieda
Jerry García
Gitarre, Gsang
Bob Weir
Phil Lesh
Ron „Pigpen“ McKernan (bis 1973)
Bill Kreutzmann
Letzte Besetzung
Gitarre, Gsang
Jerry García
Gitarre, Gsang
Bob Weir
Bass, Gsang
Phil Lesh
Keyboard, Gsang
Vince Welnick (ab 1990)
Schlagzeug
Mickey Hart (1967–1971, ab 1975)
Schlagzeug
Bill Kreutzmann
Liadtexta
Robert Hunter
Liadtexta
John Perry Barlow
Ehemolige Mitglieda
Keyboard
Tom Constanten (1968–1970)
Keyboard
Keith Godchaux (1971–1979)
Gsang
Donna Godchaux (1972–1979)
Keyboard, Gsang
Brent Mydland (1979–1990)
Keyboard, Gsang
Bruce Hornsby (1990–1992)

Grateful Dead isa 1965 grinde US-amerikanische Rock-Band vo San Francisco um den Frontmo Jerry García, de a wichdege Roi in da US-amerikanischn Museszene und GengKuitua eignumma hod.

Grateful Dead is oane da easchdn Bands gwen, de an Psychedelic Rock gschbuid hom und a Jamband mit umara 3000 Live-Afdrid. Se san oane da easchdn Gruppm gwen, de de Zuaschaua s Midschnein vo Konzeate alaubt hom. Da Schwapunkt era Muse is da Country und Foikrock gwen, dens mid andare Richdunga kombiniad hom.

A nom Doud voum Bandleader Jerry Garcia is de Gruppm no aktiv und touat untam Nama The Dead unreglmasse duach d USA.

Bandgeschicht[Werkeln | Am Gwëntext werkeln]

1960a Joa[Werkeln | Am Gwëntext werkeln]

Da Uaschprung vo Grateful Dead ligt in da Band Zodiac, de da Jerry García 1963 zam mim Gitarristn Bob Weir, dem Perkussionskinstla und Keyboarder Ron „Pigpen“ McKernan und dem Schlogzeiga Bill Kreutzmann grind hod.[1]

Zodiac is 1964 in da Band Mother McCree’s Uptown Jug Champions afganga[2], owa des hod aned lang koitn, scho im Aprui 1965 is in Warlock umgnennd woan[3] und im Im Juni 1965 is da Bassist Phil Lesh fian Dana Morgan Jr. kumma..

Greizung Haight und Ashbury

Nodem da Phil Lesh fesdgstejd hod, das scho a Band mid Nama Warlock gem hod, is de Gruppm im Dezemba 1965 zan lezdn Moi, za Grateful Dead, umgnennd woan.

Grateful Dead hom se im Stodviatl Haight-Ashbury z San Francisco ogsiedld, wos bis heid a Oziaungspunkt fia d Hippie- und GengKuitua guit. Duat homs aa den LSD- Broduzentn und Tontechnika Owsley Stanley droffa, dea de Finanziarung vo da Band iwanumma hod und eana ois Toninschenöa za Seitn gstandn is. Mid seim Gejd is de Band in a eiganes Heisl zong, hand Inschtrumente kafft und fraie Konzerte gem woan, wos eana a grouße Fangmoa z San Francisco brochd hod.[4] Ois lezds Bandmidgliad is da zwoate Schlogzeiga Mickey Hart dazua kumma. In dera zeid hom de Bandmidgliada ara moi ba andare Gruppm im Schdudio auskoifa, wia ba Jefferson Airplane und Crosby, Stills, Nash & Young, ba dene da García s Pedal-Steel-Gitarrn-Intro vou Teach Your Children well gschpuid hod.

Grateful Dead (1970)

Infoige da Konzerte is MGM af de Band afmeaksam woan und hods fia Demoafnama ins Studio koid.Owa se hom zweng Studioeafahrunga kobt und des is nix woan.[4] Owa aa one an Blattnvodrog hod Grateful Dead weida af Festivals afgschbuid.1966 homs vo Warner Bros. Records an Vodrog griagt.1967 is ois Debüoibum The Grateful Dead aussa kumma, wos da Band sejm owa ned gfoin hod.

Im Juni 1967 sans bam Monterey Pop Festival afdren, wos de Gruppm no bekannta gmochd hod. Fia de nexdn Oim is da Keyboarder Tom Constanten 1968 ois zwoata Pianist za Band kumma. Bis 1969 hod Grateful Dead no zwoa Oim vaeffadlichd, Anthem of the Sun und Aoxomoxoa, wo da Robert Hunter (Songwriter, Lyrika) ois fesds Midgliad midgoawad hod.

Im Oktoba 1968 san da Bob Weir und Ron Pigpen kuazzeide ausgschdieng, weis efda ned zan Prom kumma san, hods da Garcia ausse gschmissn. De andan hom dawei in andare Brojekde goawad wia Mickey and the Heartbeats und Jerry García and Friends, bis no da Weir und Pigpen wida zruck kumma san.[5]

Nem zwoa Oim is Grateful Dead 1969 aa afn Woodstock-Festival afdren owa da Jerry hod se driwa gäagad. Ogebliche Monitorbrobläme und no da Reng, da Bob Weir hodan Schdromschlog voum Mikrofon griagd. Im Woodstock-Fuim dauchd Grateful Dead goa ned af, drum wissn des aa ned vui.[6]. Afan schbadan Woodstock-Bootleg is owa da ganze Afdrid draaf.

Im sejm Joa is no s Altamont Free Concert vo de Rolling Stones u. a. mid Grateful Dead und Jefferson Airplane gwen. Wei de Stones scho ba an Konzert im Hyde Park mid de bridischn Hells Angels ois Oadna guade Eafahrunga gmochd hom, woitns de New Yorka Hell’s Angels fia an Lasta voi Bia und Eis omiatn. Da Jerry García und da Deadmanager Rock Scully woitn eana des schnej wida ausren, owa se hom ned draaf kead. Ois dann za Schlägareian und es ano an Doudn gem hod, hod se Grateful Dead gweigad afzdren.[7]

1970a Joa[Werkeln | Am Gwëntext werkeln]

1970 san Grateful Dead mid de Oim Workingman’s Dead und American Beauty wida zruck za ere Folk und Bluegrasswuazln ganga.

In de nexdn Joa homs reglmasse Studiooim vaeffadlichd und umara 100 Konzerte im Joa gem.1972 sans af Europa Touanee ganga, Europe ’72 is s eafoigreichste Live -Oibum woan. 1973 is da Keyboarder Ron „Pigpen“ McKernan mid 27 Joa gschdoam. Ea is voum Keith Godchaux, dasezt woan.

1973 homs bam Summer Jam at Watkins Glen mid The Band und da Allman Brothers Band voa 600.000 Zuaschaua afgschbuid, des is fia lange Zeid a Bsuachrekoad gwen. Nodem da Vodrog mid Warner Bros. Records ausglaffa is, homs des Oibum Wake of the Flood unta am neia eigna Label Grateful Dead Records vaefadlichd. Da John Perry Barlow is ois zwoata Liadlschreiba za Band kumma[8].

Nom Oibum Grateful Dead from the Mars Hotel homs vo Oktoba 1974 bis Ofang 1976 a Auszeid gnumma und Solobrojekte gmochd. Mid Blues for Allah hod de Bausn gend. Dano homs mera Folk Rock und Jazzrock gschbuid. No is a neia Blattnvodrog mid Arista Records gmochd und s Oibum Terrapin Station vaeffadlicht gwen.1978 is Grateful Dead drei Dog ba de Püramidn vo Gizeh afdren und des Konzeat is easchd im Oktoba 2008 untan Nama Rocking the Cradle: Egypt 1978 ois Doppeoibum mid DVD afn Moakt kumma.

Brent Mydland is 1979 ois neia Keyboarder za Gruppm kumma und mid dera Bsezung sans 1981 bam Rockpalast-Konzeat z Essen afdren, wos eiropaweid iwadrong woan is.

1980a Joa[Werkeln | Am Gwëntext werkeln]

Jerry García und Mickey Hart 1987

In de 80a Joa is Grateful Dead owei pobulära woan, hod in de gräßtn Schdadien und Hoina gschbuid obwois zwischa 1980 und 1987 koa oanzigs Studiooibum vaeffadlichd hom. 1987 homs In the Dark afgnumma, nem dem Kompilationsoibum Skeletons from the Closet: The Best of Grateful Dead s kommaziell eafoigreichsde Oibum, und zan easchdn Moi in da zwoarazwanzgjarign Bandgschicht homs mid dem Liadl Touch of Grey a Top-Ten-Single kobt.

Ofang vo am Konzert 1987

Zwischa 1990 und 1992 hod a da Pianist Bruce Hornsby za Bsezung zejt, owa ned ois fesds Midgliad, ea woit unobhänge bleim. Ea hod an Brent Mydland dasezt dea im Juli 1990 ana Iwadosis gschdoam is. Wei da Hornsby ned meng hod, is da Vince Welnick vopflichd woan. No san Grateful Dead vo 1990 bis 1992 mid zwoa Schlogzeiga und zwoa Keyboarder afdren. Wia da Mydland no glebt hod is mid Built to Last s lezde Studiooibum afgnumma woan. Dano san neba Liveoim no sognennde Vault-Oim mid oide Konzeatafnama afn Moakt kumma.

1994 san 12 Midgliada vo Grateful Dead ind Rock and Roll Hall of Fame afgnumma woan.[9]

Grateful Dead hom insgsamd umara 3000 Konzeate gem,[10][11] und am 9. Juli 1995 sans am hisdorischn Soldier Field z Chicago zan lezdn Moi afdren. Des isa an Jerry García sei lezda Afdrid gwen, ea is am 9. August 1995 im Oidda vo 53 Joa an Heazinfakt gschdoam. Am 8. Dezemba im sejm Joa hod se Grateful Dead afglest.

Diskografia[Werkeln | Am Gwëntext werkeln]

  • The Grateful Dead (1967: Garcia/Weir/Lesh/Kreutzmann/McKernan)
  • Anthem of the Sun (1968: Garcia/Weir/Lesh/Kreutzmann/Hart/McKernan)
  • Two from the Vault (1968: Garcia/Weir/Lesh/Kreutzmann/Hart/McKernan)
  • Aoxomoxoa (1969: Garcia/Weir/Lesh/Kreutzmann/Hart/McKernan/Constanten)
  • Live/Dead (1969: Garcia/Weir/Lesh/Kreutzmann/Hart/McKernan/Constanten)
  • Workingman's Dead (1970: Garcia/Weir/Lesh/Kreutzmann/Hart/McKernan)
  • American Beauty (1970: Garcia/Weir/Lesh/Kreutzmann/Hart/McKernan)
  • Grateful Dead (noto anche come Skull & Roses) (1971: Garcia/Weir/Lesh/Kreutzmann/McKernan)
  • Hundred Year Hall (1972: Garcia/Weir/Lesh/Kreutzmann/McKernan/K.Godchaux/D.Godchaux)
  • Europe '72 (1972: Garcia/Weir/Lesh/Kreutzmann/McKernan/K.Godchaux/D.Godchaux)
  • History of the Grateful Dead, Volume One (Bear's Choice) (1973: Garcia/Weir/Lesh/Kreutzmann/Hart/McKernan)
  • Wake of the Flood (1973: Garcia/Weir/Lesh/Kreutzmann/K.Godchaux/D.Godchaux)
  • Skeletons from the Closet (Best of the Grateful Dead) (1974: raccolta)
  • Grateful Dead from the Mars Hotel (1974: Garcia/Weir/Lesh/Kreutzmann/K.Godchaux/D.Godchaux)
  • Steal Your Face (1974: Garcia/Weir/Lesh/Kreutzmann/K.Godchaux/D.Godchaux)
  • One from the Vault (1975: Garcia/Weir/Lesh/Kreutzmann/Hart/K.Godchaux/D.Godchaux)
  • Blues for Allah (1975: Garcia/Weir/Lesh/Kreutzmann/Hart/K.Godchaux/D.Godchaux)
  • Terrapin Station (1977: Garcia/Weir/Lesh/Kreutzmann/Hart/K.Godchaux/D.Godchaux)
  • What a Long Strange Trip It's Been (1977)
  • Shakedown Street (1978: Garcia/Weir/Lesh/Kreutzmann/Hart/K.Godchaux/D.Godchaux)
  • Go to Heaven (1980: Garcia/Weir/Lesh/Kreutzmann/Hart/Mydland)
  • Reckoning (1981: Garcia/Weir/Lesh/Kreutzmann/Hart/Mydland)
  • Dead Set (1981: Garcia/Weir/Lesh/Kreutzmann/Hart/Mydland)
  • In the Dark (1987: Garcia/Weir/Lesh/Kreutzmann/Hart/Mydland)
  • Built to Last (1989: Garcia/Weir/Lesh/Kreutzmann/Hart/Mydland)
  • Dylan & The Dead (live, con Bob Dylan) (1989: Garcia/Weir/Lesh/Kreutzmann/Hart/Mydland)
  • Dozin' at the Knick (1990: Garcia/Weir/Lesh/Kreutzmann/Hart/Mydland)
  • Without a Net (1990: Garcia/Weir/Lesh/Kreutzmann/Hart/Mydland)
  • Infrared Roses (1991 live)
  • Grayfolded (1996:live)
  • Grateful Dead 1977-1995
  • The Arista Year's (1996)
  • Fallout from the Phil Zone (1997)
  • So Many Roads 1965-1995
  • The Golden Road (2001)
  • Postcards of the Hanging (2002:live)
  • The Very Best of The Grateful Dead (2003)
  • Beyond Description (2004: Arista Records, 1973-1989)
  • Rare Cuts and Oddities 1966 (2005)
  • The Complete Fillmore West 1969(2005:)

Litaradua[Werkeln | Am Gwëntext werkeln]

  • Pasquale Di Bello: „Grateful Dead – It sure has been a long, strange trip … – In loving memory of Jerry García, 1942–1995“. Stampa Alternativa / Nuovi Equilibri, 1996. 120 Seiten, diverse s-w Fotos. ISBN 88-7226-298-4
  • David Dodd: The complete annotated „Grateful Dead“ Lyrics. Free Press, 2005. ISBN 0-7432-7747-3)
  • Phil Lesh: Searching for the Sound. Little, Brown and Co., 2005. ISBN 0-316-00998-9
  • Bill Graham und Robert Greenfield: „Bill Graham presents…“ – Ein Leben zwischen Rock and Roll. Zweitausendeins, 1996. ISBN 3-86150-156-2
  • Rock Scully & David Dalton: Amerikanische Odyssee – Die legendäre Reise von Jerry García und Grateful Dead (Titel der Originalausgabe: „Living with the Dead“, 1996. Deutsche Ausgabe: Übersetzung von Bernhard Schmid. Verlagsgruppe Koch-Hannibal, 2005. ISBN 3-85445-256-X

Im Netz[Werkeln | Am Gwëntext werkeln]

 Commons: Grateful Dead – Sammlung vo Buidl, Videos und Audiodateien

Beleg[Werkeln | Am Gwëntext werkeln]

  1. Zodiac bei Grateful Dead Time Capsule
  2. Mother McCree’s Uptown Jug Champions bei Grateful Dead Time Capsule
  3. Warlocks bei Grateful Dead Time Capsule
  4. 4,0 4,1
    • Grateful Dead ba Allmusic (englisch) ba Allmusic (englisch) Biografie auf All Music Guide
  5. Blair Jackson: Garcia: An American Life. Penguin Books 1999. Seite 156
  6. Eddie Kramer – Woodstock Interview
  7. Rock Scully & David Dalton: „Amerikanische Odyssee – Die legendäre Reise von Jerry García und Grateful Dead" 2005. Seite 201 bis 206
  8. Barlow bei Grateful Dead Time Capsule
  9. Eintrag bei Rock and Roll Hall of Fame
  10. Konzerte pro Jahr bei Dead.net (Memento des Originals [1] vom 24. Dezémber 2013 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/dead.net
  11. Konzerte pro Jahr bei Archive.org