Gretlfrog
Aus Wikipedia
| Der Artikl is im Dialekt Obaboarisch gschrim worn. |
A Gretlfrog (aa Gretchenfrog) is a Frog, wo an Kean vo oana Soch so trifft, dass de woarn Obsichtn vom Gfrogtn afdeckt wean kena. De Gretlfrog valangt a kloares Bekenntnis, wia ma zu oana Soch sted.
[drå werkln] Woatheakumft
Da Begriff kimmt ausm Faust I, Vers 3415, vom Goethe.
De Gretl is a jungs Diandl, wo vom oidn Professor Faust ogmocht wead. Se hom se scho efta troffa, wia de Gretl a - fia sie sea wichtige - Frog stejt:
- „Etz sog, wia hostes mit da Religion? Du bist a heazle guada Mo, alloa i glaab, du hoidst ned vui davo.“[1]
Da Gretl is damit natiale ned nua um de Religion ganga, se woit wissn wia Eanst s am Herrn Professor mit da Beziahung is. Und da Faust hod nua um an hoassn Brei umadumgred.[2]
[drå werkln] Beleg
- ↑ http://sciencesoft.at/book/book?book=Faust1&chapter=18&lang=de
- ↑ Blume: Die (kluge?) Gretchenfrage, 2007
[drå werkln] Im Netz
| Wiktionary: Gretchenfrage – Bedeitungserklärunga, Wortherkunft, Synonyme und Ibasetzunga |
