Gugaruz
| Gugaruz | ||||||||||||
|---|---|---|---|---|---|---|---|---|---|---|---|---|
Gugaruz |
||||||||||||
| Systemaatik | ||||||||||||
|
||||||||||||
| Wissenschoftlicher Naum | ||||||||||||
| Zea mays | ||||||||||||
| L. |
Da Gugaruz, aa Kukuruz oda Mais, is a oide Kuituapflonzn, wo zan Droad zejt wead. Wia de ondan Droadsortn is a Siassgros. Gugaruz is scho in prehistorischa Zeit in Middlamerika obaut worn und noch da "Entdeckung" vo Amerika af Eiropa kema. Heit wead da Gugaruz wejtweit obaut. Ea wead vor oim ois Fuadamiddl gnutzt, owa aa zua Energiegwinnung (Biosprit, Biogas) und ois Noarungsmiddl.
Inhoitsvazeichnis |
[drå werkln] Etymologie
Gugaruz (Kukuruz) is iwas Serbo-Krowodische kukùruz (kyrillisch: куку̀руз) meglichaweis ausm Tiakischn قوقوروز (kokoroz)[1] ins Boarische kema. Vialleicht hod des aa mit aufständischn Bauan im ungarischn Kenigreich z duan, de "Kuruzen" (Vabindate vo de Tiakn)[2].
Mais kimmt vom spanischn Wort maize, wo wiedarum aus oana oidn middlamerikanischn Indiana-Sproch (Arawakan bzw. Taino) kimmt und do mahiz ghoassn hod.[3]
[drå werkln] Nutzung
Da gresste Tei vom Gugaruz, wo wejtweit obaut wead, wead ois Fuadamittl (Silogugaruz, Keandlgugaruz) gnutzt; dees guit aa fia Bayern und Esterreich. A kloanara Tei wead fia de Energiegwinnung eigsetzt. Da Rest wead ois Lebmsmittl vawendd.
[drå werkln] Noarungsmiddl
Gugaruz zejt in vui Lendan vo da Wejt za de Grundnoarungsmiddl.
De oafochste Oart an Gugaruz z essn is glei vom Maiskoibm owa. Im unreifn Zuastand, wann de Keandln no woach san, ko da Mais roh vom Koibm gessn wean. Kocht, grest oda gruit is dees no bekemmlicha. Kochte, unreife Maiskeandln wean aa in Salodn, Suppm und Auflaifn vawendd oda ois Gmiasbeilog gessn. Aus Maiskeandln wean duach Quetschn de Cornflakes (Maisflockn) heagstejt. Aus Keandln vo speziejn Maissortn mocht ma Popcorn.
Nebm da Vawendung ois ganze Keandln wead da Gugaruz aa za Mej und Griass bzw. za Steakn weidavaorbat.
Aus Maisgrias wead zan Beispui da Polenta gmocht, a oide indianische Tradition, wo aa in Middleiropa a traditioneje Speisn vo Bauan und oarman Leit wor und no imma gean gessn wead. Ba da Heastejung vo Maisgrias foit ois Nebmprodukt s Maiskeimej o.
Maisbrod z bocha is emfois a oide indianische Tradition. Dees is a Fladnbrod, wo heit no in vuin vaschiedanan Variantn in de USA gessn wead.
A spezieje joartausendoide Vaorbatungstechnik fia Gugaruz ois Lebmsmittl is de Nixtamalisation. Des is a meastufiga Prozess, wo da Gugaruz mit Hoizoschn oda gleschtn Koich kocht, enthist und nacha noss zan Doag vamoin wead. Oschliassend weads za Endprodukt weida vaorbat oda drickat und glogat. Duach de Nixtamalisation wead da Gugaruz noarhofta und bekemmlicha.
Tortillas san a mexikanisches Fladnbrod, des wo aus Gugaruzmej gocht wead, wo duach Nixtamalisation heagstejt worn is.
[drå werkln] Fuadamiddl
De Haupvawendung vo Gugaruz ois Fuadamiddl is: Ois Maissilage (aus da gaunzn Gugaruzpflaunzn) fia Rindviecha, ois Corn-Cob-Mix (Silage nua ausm Koibm) fia Schweindln, ois Gugaruzkeandln und ois Maissteakn (Zuagob fia Proteinfuada).
[drå werkln] Nochhoitige Energiegwinnung
An Haffa Gugaruz wead aa ois nochwoxanda Rohstoff vawendd. Gugaruz wead ois Energiepflonzn zua Heastejung vo Biokroftstoffn gnutzt und ois Energiegugaruz in Biogasologn.
Zua Hestejung vo Biogas wead de ganze Gugaruzpflanzn gnutzt, wearend fia Bioethanol (Biosprit) nua da Maiskoibm vawendd wead.
[drå werkln] Industriella Rohstoff
De Gugaruzsteakn sea vuiseiti vawendd: Ois Ausgangsprodukt fia diverse Biokunststoff und ois Fermentationsrohstoff fia Feinchemikalien beispuisweis (fia Antibiotika oda Aspirin).
[drå werkln] Wiatschoftliche Bedeitung
Wei Gugaruz in vui Tein vo da Wejt a Grundnoarungsmiddl is, hoda a hohe wiatschoftliche Bedeitung. Dazua kimmt, dass Gugaruz zua nochhoitign Energiegwinnung (Biosprit, Biogas etc.) imma wichtiga wead. Ois Fuadamiddl is da Mais ebmfois wejtweit wichtig.
2009 is laut FAO wejtweit 817,1 Mio. t Gugaruz geantet worn. De foigende Tabejn gibt dazua a Iwasicht:
| Rang | Land | Menge (in t) |
Rang | Land | Menge (in t) |
|
|---|---|---|---|---|---|---|
| 1 |  Vaeinigte Staatn |
333.010.910 | 13 |  Italien |
7.877.700 | |
| 2 |  China |
163.118.097 | 14 |  Ungarn |
7.528.380 | |
| 3 |  Brasilien |
51.232.447 | 15 | Philippinen | 7.034.033 | |
| 4 |  Mexiko |
20.202.600 | 16 |  Ägypten |
6.800.000* | |
| 5 |  Indonesien |
17.629.740 | 17 |  Serbien |
6.396.262 | |
| 6 |  Indien |
17.300.000 | 18 |  Thailand |
4.616.119 | |
| 7 |  Frankreich |
15.299.900 | 19 |  Deitschland |
4.527.228 | |
| 8 |  Argentinien |
13.121.380 | 20 |  Vietnam |
4.381.800 | |
| 9 |  Südafrika |
12.050.000 | ... | |||
| 10 |  Ukraine |
10.486.300 | 30 |  Esterreich |
1.890.503 | |
| 11 |  Kanada |
9.561.200 | 72 |  Schweiz |
174.035 | |
| 12 |  Rumänien |
7.973.258 | Wejt | 817.110.509 |
*) Schätzwert FAO
[drå werkln] Zammasetzung im Vagleich
| Amaranth | Woazn | Reis | Gugaruz | Eadäpfen | |
|---|---|---|---|---|---|
| Bstondtei (per 100g) | Menge | Betrog | Betrog | Betrog | Betrog |
| Wossa (g) | 11 | 11 | 12 | 76 | 82 |
| Energie (kJ) | 1554 | 1506 | 1527 | 360 | 288 |
| Protein (g) | 14 | 23 | 7 | 3 | 1.7 |
| Fett (g) | 7 | 10 | 1 | 1 | 0.1 |
| Kohlenhydrat (g) | 65 | 52 | 79 | 19 | 16 |
| Ballaststoff (g) | 7 | 13 | 1 | 3 | 2.4 |
| Zucka (g) | 1.7 | 0.1 | >0.1 | 3 | 1.2 |
| Eisn (mg) | 7.6 | 6.3 | 0.8 | 0.5 | 0.5 |
| Mangan (mg) | 3.4 | 13.3 | 1.1 | 0.2 | 0.1 |
| Kalzium (mg) | 159 | 39 | 28 | 2 | 9 |
| Magnesium (mg) | 248 | 239 | 25 | 37 | 21 |
| Phosphor (mg) | 557 | 842 | 115 | 89 | 62 |
| Potoschn (mg) | 508 | 892 | 115 | 270 | 407 |
| Zink (mg) | 2.9 | 12.3 | 1.1 | 0.5 | 0.3 |
| Panthothesaire (mg) | 1.5 | 0.1 | 1.0 | 0.7 | 0.3 |
| Vitamin B6 (mg) | 0.6 | 1.3 | 0.2 | 0.1 | 0.2 |
| Folsaire (µg) | 82 | 281 | 8 | 42 | 18 |
| Thiamin (mg) | 0.1 | 1.9 | 0.1 | 0.2 | 0.1 |
| Riboflavin (mg) | 0.2 | 0.5 | >0.1 | 0.1 | >0.1 |
| Niacin (mg) | 0.9 | 6.8 | 1.6 | 1.8 | 1.1 |
[drå werkln] Kunst, Kuitua, Religion
Ois bedeitende Kuiturpflanzn spuit Gugaruz seit prähistorischa Zeit aa in da Kunst, Kuitua und Religion a wichtige Roin.
In da Moche-Kuitur in Peru san eppa um 300 n.Chr. goidane Maiskoibm nochweisli gfeatigt worn.
De middlamerikanischn Indiana (z.B. de Azteken) hom an Hauffa Maisgetta vaehrt. Da Mais wor ba eana aa a Symboi fia de Sun, fia de Wejt und fian Menschn. Im Buach Popol-Vuh wead gschriebm, dass da "dritte Mensch" aus Mais gschoffa worn is.
In Amerika is Mais heit a Symboi fia landwirtschoftliche Produktivität und Kuitua. Da Wossaturm z Rochester is dafir genau so a Beispui wia da Corn Palace z Mitchell in Sid-Dakota oda a boa Sain im Capitol z Washington.
[drå werkln] Beleg
- ↑ Wiktionary on kukuruz
- ↑ Wörterbuch der donauschwäbischen Lebensformen
- ↑ etymonline.com on maize
- ↑ FAO, Faostat Statistik vo da FAO 2009, afgruafa am 1. Oktoba 2010
[drå werkln] Biacha
- Mais. Geschichte und Nutzung einer Kulturpflanze, hrg. von Daniela Ingruber und Martina Kaller-Dietrich, Frankfurt am Main: Brandes & Apsel, 2001.
- J.P. Gay: Maïs, mythe et réalité, Atlantica, 1999, ISBN 2-84394-128-8}.
- Maryse Carraretto: Histoires de maïs, d’une divinité amérindienne à ses avatars transgéniques,CTHS, 2005, ISBN 2-7355-0577-4.
[drå werkln] Im Netz
| Commons: Gugaruz – Buidl, Videos und/oda Audiodatein |
- "Tracking the Ancestry of Corn Back 9,000 Years," New York Times, May 25, 2010
- Deutsches Maiskomitee e.V.
- Gugaruz ba Proplanta.de
- Informationen der Cereal Knowledge Bank: Maize
