Aus Wikipedia
Da Söllner Hans (amtli Johann Michael Söllner * 24. Dezember 1955 z'Reichahoi in Bayern) is a Liadamocha, der wo af Boarisch singt. Seine bissign Liadln trogta aloa mit da Gitarrn und mitm Fotznhobe vor. Er spuit oba aa zamma mit seine Bands boarischn Reggae. Da Söllner Hanse is a Ohänga vom Rastafari-Glaam und Kämpfa fia d'Legalisierung vo Marihuana auf da Grundlag vo da frein Religionsausübung. Wegn seine systemkritischn Texte und wegn Politikabeleidigunga werd sei Musi kaam im Radio und im Fernseng gspuit, er is aba trotzdem weithi bekannt. Bsundas wegn seine Politikabeleidigunga is a scho zu mehr ois 150.000 Euro Gäidstrofn vaurteit worn.
Da Söllner is am 24. Dezember 1955 ois Sohn vom Johann und vo da Therese Söllner z'Reichahoi born word. Mit drei Joarn isa in an katholischn Kindagoartn St. Zeno kema. Vo 1961 bis 1970 hoda de Hauptschui z'Reichahoi besucht. Vom 10. bis 14. Lebensjoar wora Mitglied im Trachtenvarein Marzoll. Zweng seine langan Hoor hoda den nacha valossn miassn. Vom 15. - 18. Lebmsjoar hoda a Lehre ois Koch eafoigreich absolviat. Nacha wora a Joar arbatslos bis a z'Füssen sein Wehrdienst otreten hod miassn. Nach drei Monat Grundausbuidung is a zum Zivuideanst gwechslt.
- 1982 - Nachdenkliches zum Schmunzeln - Endlich eine Arbeit - LIVE!
- 1986 - Für Marianne und Ludwig
- 1987 - Wos reimt se scho auf Nicki ...
- 1988 - Endlich eine Arbeit! »... sogar der Wind liagt«
- 1989 - Hey Staat!
- 1990 - Bayerman Vibration
- 1991 - »Live« mit Bayerman Vibration
- 1992 - ...Ungehörtes und Unerhörtes
- 1992 - ...Unerhörtes
- 1992 - ...der Charlie
- 1993 - Fang ma do o wo ma neilich aufg'heat ham
- 1994 - Endlich eine Arbeit - Die "Erste" neu aufgenommen
- 1995 - Grea Göib Roud
- 1997 - A jeda
- 1998 - Endlich eine Arbeit (Neuauflage)
- 1998 - Für Marianne und Ludwig (Neuauflage)
- 1998 - Wos reimt se scho auf Nicki ... (Neuauflage)
- 2000 - 241255
- 2001 - Babylon - mit Bayaman'Sissdem
- 2004 - Oiwei I - mit Bayaman'Sissdem
- 2005 - Im Regen (Live) - mit Bayaman'Sissdem
- 2007 - Viet Nam - mit Bayaman'Sissdem
- 1995 - Wer bloss lacht, is ned frei!
- 2004 - Wer bloss lacht, is ned frei!
- 2004 - Der bayerische Rebell
- 2005 - Live im Regen - mit Bayaman'Sissdem
