Håsn

Aus Wikipedia

D Håsn (Leporidae) sand a Säugetierfamilie vo de Håsnoatign (Lagomorpha). Vo de rund 55 Soatn sand wahrscheinlich da Faidhås, den wos bei uns gibt, und s Waidkanickl oder des, wos draus zücht ham, d Hauskanickl, de bekanntesten. A Teil von de Håsn sand de Echtn Håsn.

[dro werkln] Vorkumma

Ursprünglich wans af da ganzn Wait dahoam, grod ned im südlichen Südamerika, in Australien, im ozeanischen Raum und af a boa Inseln, wo ma niamois ned hikimmt. Heitzutogs gibt's es überoi, grod ned af da Antarktis, wei d'Leid hams a do hibrocht, wos eigentlich ned dahoam san.

[dro werkln] Aussehn

Vom Schell bis zum Rumpf weans 25 bis 70 Zantimeter lang und se weand 0,4 bis 7 Kilo schwar. S Fai hod owei a andere Foab vo weiß üba grau bis braun. Ned olle Hosn ham de langa Waschln, de wo ma vo de Echtn Håsn hea kennt.