Heinz Zemanek

Aus Wikipedia
Der Artikl is im Dialekt Ost-Östareichisch gschriem worn.
Des is da Heinz Zemanek im Septemba 2007

Da Heinz Zemanek (* 1. Jenna 1920 in Wean; † 16. Juli 2014 a do) woar a östareichischer Uni-Professa, dea wos an vo de easchtn voiständig aus Transistoan aufbautn Computa baut hot.

Ea hot on da Technischn Hochschui in Wean (de wos heit Technische Universität haast) Nochrichtntechnik studiat und is daun duatn Professa woan. Bis 2006 hot a jeds Joa no zwa Vualesungen khoidn. In de Fuffzga-Joahr hot a mit no a poa Leit es Mailüfterl baut. Des is ana vo de easchtn Computa gwesn, wo kane Elektronenreahn mea eibaut woan, sondan dea scho voiständig mit Transistoan gwerklt hot. In Namen Mailüfterl hot a deshoib gnomma, weu es vuahea scho an Computa mitn Namen Whirlwind (des is englisch und haaßt Wirwesturm) gebm hot und a gmant hot, so an stoakn Computa kemma net baun, oba fia a Mailüfterl weadsscho reichn.

Es Mailüfterl komma se jetzn in Technischn Museum in Wean anschaugn.