Herakles

Aus Wikipedia
Herakles (remische Kopie vom griachischn Original, eppa 320 v. Kr.), oane vo de berihmtastn Statuen vo da Antikn

Da Herakles oda Herkules (griachisch Ἡρακλῆς): „Dea, wo si an da Hera Ruhm eaworbm hod“, klass. Latein Hercules) is a oidgriachischa Hejd, wo in Olymp afgnomma und zan God worn is. Ea is da Heil- und Oraklgod, da Beschiama vo de Sportsteddn und vo de Paleste. Ea wor a Schitzling vo da Athene. Wiar a God worn is, hod a de Hebe zua Frau griagt.

Da Herakles wor da Sohn vom Zeus und vo da Alkmene und unhoamle stoark. S Fej vom Nemëischen Lewen, de Kein, da Bogn und da Kecha worn seine Attribute.

De 12 Orbatn[Werkeln | Am Gwëntext werkeln]

De zwejf Orbatn vom Herakles
Buid Nr. Afgob Omeakunga
1. In Nemëischen Lewen ealegn. Ea hod eam de Kejn zuadruckt und eam so dastickt. Sei Fej hod a eam obzogn und nacha imma trogn. Dees hod eam fost unvawundbor gmocht. unverwundbar.
2. De neinkepfige Hydra (Lernäischn Schlanga) umbringa Ea hod ia de nein Schedl obgschlogn. De Hois hod a ausbrennt, damit nix mea nochwoxa ko. Ian Rumpf hod a in zwoa Tei gspoitn. In ia Gift hod a seine Pfei eintunkt. Vo do o hom seine Pfei unheibore Wundn gschlogn.
3. De Kerynitischen Hiaschkua einfanga Ea hod de Hiaschkua a ganz Joar lang gjogt, bis a se endli mit an Netz eingfanga ghobt hod.
4. In Erymanthischen Eba einfanga Ea hod eam ausn Woid ausse in a Schneefejd eine triebm. Do is da Eba schnej miad worn.
5. As Ausmistn vom Stoi vo de Rindviecha vom Augias Da Herakles hod si ned de Hend drecki mocha deafn, deshoib hod a zwoa Fliss duachn Stoi gleidd.
6. De Stymphalischen Vegl ausrottn Vo da Athene hod a dazua zwoa grosse metoiane Kloppan griagt. So hod a de Vegl afscheicha kena und oanzlm mit seine vagiftetn Pfei umbringa.
7. In Kretischen Stia einfanga Da Herakles hod in Stia gfanga und zan Eurystheus brocht. Wia a eam in Stia zoagt ghobt hod, hodan glei wieda freiglossa.
8. De menschnfressendn Ressa vom Diomedes zahm mocha Ea hod eana ian Herrn Diomedes zan Fressn gebm und wias eam gfressn ghobt hom, sans zahm worn.
9. In Giatl vo da Amazonakinigin Hippolyte heaschaffa De Hippolyte hod eam in Giatl ohne Kampf ibagebm. Oba wegn ana Intrign vo da Hera is nacha trotzdem zan Kampf keman und da Herakles hod de Amazonakinigin umbrocht.
10. De Rindaheadn vom Riesen Geryon stejn Da Herakles hod in Geryon mit an Giftpfei daschossn. De Hera, de wo keman is, um in Geryon z untastitzn, is vom Herakles vawundd und in in de Flucht gschlogn worn.
11. De goidnan Epfe vo de Hesperiden brocka Dazua hod a za de Sain vom Herakles af Gibraltar roasn miassn. Duach a List hod a in Atlas, in Vodan vo de Hesperiden dazua brocht, eam de Epfe z brocka.
12. In Kerberos, in Wochhund vo da Untawejd, an de Obawejd bringa Da Hades hod in Herakles dalaubt, in Hejnhund a Zeitl wegzbringa. Da Herakles hod in Kerberos nua mit de Hend niadagrunga und eam zan Eurystheus brocht.

Im Netz[Werkeln | Am Gwëntext werkeln]

 Commons: Herakles – Sammlung vo Buidl, Videos und Audiodateien
Herakles der Neugeborne | Die Erziehung des Herakles | Herakles am Scheidewege | Des Herakles erste Taten | Herakles im Gigantenkampfe | Herakles und Eurystheus | Herakles und Eurytos | Herakles bei Admetos | Herakles im Dienste der Omphale | Die späteren Heldentaten des Herakles | Herakles und Deïanira | Herakles und Nessos | Herakles, Iole und Deïanira. Sein Ende