Hickory Goif
Aus Wikipedia
| Der Artikl is im Dialekt Weanarisch gschrim worn. |
Hickory Goif (Hickory Golf) is de traditionölle Variantn vom Goifspü. Do wiad mit Schläga ausm Hoiz vum Hickorybam gspüt. Des is a Nussbamoat aus Noadamerika. Voa 100 Joa woan de Schläga dea Standard beim Goifspü und san bis in de dreissiga Joa vawendet woan.
Hickory-Goif is inzwischn zua an Begriff fia Goif im Stü dea oidn Zeitn woan und hot wödweit vü Aunhänga. In Bayern wiad Hickory Goif zum Beispü im Würzburger Goifclub gspüt. Dea legendäre Herzogliche Golf-Club Oberhof wü se auf Hickory Goif spezialisirn.
Inhoitsvazeichnis |
[dro werkln] Andre Nam
Hickory Golf, Hickory-Golf, Hickorygolf, Hickorygoif, History Goif, Vintage Goif.
[dro werkln] Wos ma dazua braucht
Gspüt wiad mit Schläga aus Hickory-Hoiz mit Ledagriff. Ois Goifboin wean de klassischn „Guttys“ gnumma, de aus kautschukoatign Guttapercha gfeatigt wean. De haundgmochtn Schlega kumman fost olle aus dea letztn echtn Schlega-Manufaktua in St. Andrews/Schottlaund, do wean a no Guttys hergstöd. A stüechta Hickory-Goifer muass si a bsondas aunziagn. De Herrn mit Schiabakoppn, Knickerbocka, Kniastriampf im Rautenmusta und an Flochmaun in da Westntoschn, de Damen mit laungan Reckn und viktorianischn Hiat.
[dro werkln] Dea Untaschied
Hickory Goif is schwieriga zum Spün ois moderns Goif. De oidn Schlägamodölle erlaubn kan Föhla. Dea sog. Sweet Point, dea Punkt aufm Schläga mit dem dea Goifboi troffn wean muass, is vü klaner. Und weu Hoiz elastisch is, muass ma mit meah Gfüh schwingan. Wea vü Hickory Goif spüt, wiad deshoib a bessera Spüla sogn Profis.
[dro werkln] Schau aa
[dro werkln] Biacha und Zeitschriftn
- Deutscher Golf Verband e. V. (Hrsg.): 100 Jahre Golf in Deutschland. Albrecht Golf Verlag, Oberhaching 2007, ISBN 978-3-87014-274-2
- Tillmann Prüfer, Die Schlägertruppe | in: DIE ZEIT Nr.33 vom 9. August 2007, S.M18, ISSN 0044-2070
