Hitradio Ö3
Da Hitradio Ö3 is a östarreichischa Radiosenda und as dritte Höafunkprogramm vom ORF. Ea is da meistkhorchte Radiosenda vo Östarreich und da Programmcheef is da Georg Spatt. Ö3 is am Foamat Contemporary Hit Radio (auf deitsch: Zeitgmäßes Hitradio) zuaz'oadnen.
Inhoitsvazeichnis |
Åiigemeines [dro werkln]
Hitradio Ö3 spüüt Hits da Åchzga, da Neinzga und die aktuelln Hits vo heit. Außadem sen a ötare Rockklassika z'horchn. Hitradio Ö3 håt mit an Mårktånteil vo iwa 40% an greßtn Horchaånteil in Östarreich. Da Ö3 is in Östarreich, Sidtiroul und in toala vo di Ånrainastååtn empfångbår.
Gschichtn [dro werkln]
Ö3 is am 1. Oktoba 1967 iwan Ätha gånga. Zudem håd Ö3 an Austropop gfördat.
Seit 1977 sendet Ö3 rund um di Ua und im Jåhr 1984 san ålle Musiktitl digital åågspeichat woan.
Im Jåhr 1996 is Ö3 in a reins Foamatradio umgwåndlt woan, die Kultua und as åitanative Programm wead seitdem Ö1 und FM4 iwalåssn. Außadem is Ö3 aus'm ORF-Funkhaus auszoochn und håd seitdem a neis Studio in da Argentinierstråssn.
Ö3-Programmcheefs [dro werkln]
- 1967: Hermann Egger & Ernst Grissemann
- 1979: Rudi Klausnitzer
- 1987: Dieter Dorner
- 1991: Edgar Böhm
- 1994: Bogdan Roscic
- 2002: Georg Spatt
Infoamationssendungen [dro werkln]
Ö3-Nåchrichtn [dro werkln]
Jede volle Stund kemman die Ö3-Nåchrichtn, außadem gibs vo 05:00 - 09:00 Uhr und vo 16:00 - 19:00 Uhr die Ö3-Schlågzeiln.
Ö3-Wetter [dro werkln]
Jede voie Stund nåch die Ö3-Nåchrichtn kimmb as Ö3-Wetter.
Ö3-Vakeahrsservice [dro werkln]
Jede håiwe Stund kimmb da Ö3-Vakeahrsservice, außadem gibs a Untabrechungen, z. B. bei Geistafåhramödungen. Vo 05:00 bis 19:00 Uhr afoigt die Modaration vo die Vakeahrsredakteure (am Wochnende vo 06:00 bis 19:00 Uhr).
Aktuelle Sendungen [dro werkln]
Ö3-Wecka [dro werkln]
Da Ö3-Wecka is die berihmteste und die meistghorchteste Sendung vo Hitradio Ö3 und vo Östarreich. Ea lafft oiwend vo Muutåg bis Freitåg vo 05:00 bis 09:00 Uhr. Åb 06:00 Uhr gibs a vüü Information und a oft die Ö3-Comedy.
Ö3 Austria Top 40 [dro werkln]
Die Ö3 Austria Top 40 lafft oiwend am Freitag Åbnd vo 19:00 bis 22:00 Uhr und wead vom Gustav Götz modariad. Då wean die bestn viazg Liada vo die östarreichischn Charts präsentiad.
Frühstück bei mir [dro werkln]
As Frühstück bei mir lafft oiwend am Sunntåg vo 09:00 bis 11:00 Uhr und wead vo da Claudia Stöckl modariad, dee dabei bekånnte Pasönlichkeitn intaviewt.
Ö3-Dabei, Die Info- und Serviceshow [dro werkln]
Ö3-Dabei lafft oiwend vo Muutåg bis Freitåg vo 16:00 Uhr bis 19:00 Uhr.
Treffpunkt Ö3 [dro werkln]
Da Treffpunkt Ö3 lafft oiwend vo Muutåg is Donnaståg vo 19:00 bis 00:00 Uhr. Då laffn hauptsächlich aktuelle Liada.
Forchers Friday Music Club [dro werkln]
Da Forchers Friday Music Club lafft oiwend am Freitåg vo 22:00 bis 00:00 Uhr und wead vom Eberhard Forcher modariad.
Ö3 Solid Gold [dro werkln]
Ö3 Solid Gold lafft oiwend am Sunntåg vo 19:00 bis 22:00 Uhr und wead vom Eberhard Forcher modariad. Gspüüd wean do hauptsächlich ötare Klassika und nua söötn aktuelle Hits.
Ö3 Steanstundn - Die Ö3-Astroshow [dro werkln]
Die Ö3 Steanstundn laffn oiwend am Sunntåg vo 22:00 bis 00:00 Uhr und wean vo da Gerda Rogers modariad.
Ö3-Wunschnåcht [dro werkln]
Die Ö3-Wunschnåcht lafft oiwend in da Nåcht vo 00:00 bis 05:00 Uhr (am Wochnende vo 00:00 bis 06:00 Uhr) und håm im Novemba 2011 an Ö3-Nåchtflug asetzt. Då wean vüü Musikwinsche vo die Höra gspüüd und somit a die fixe Playlist ååg'ändat.
Ö3 Hörerplaylist [dro werkln]
Die Ö3-Hörerplaylist lafft oiwend vo Muutåg bis Freitåg vo 14:00 bis 16:00 Uhr. Då kuu emfåis wia in da Ö3-Wunschnåcht die fixe Playlist durch Musikwinsche vo die Höra ååg'ändat wean.
Ö3-Heute [dro werkln]
Ö3-Heute lafft oiwend vo Muutåg bis Freitåg vo 12:00 bis 14:00 Uhr. Då wean Expeatn vom Andi Knoll und vom Peter L. Eppinger intaviewt.
Ö3-Eingvaonståitunga [dro werkln]
Hitradio Ö3 organisiad jäalich 150 Events, dee vo da Eventmarketingåbteilung vom Radiosenda durchgfiad. Di Palettn reicht dåå vo Freiluftvaonståitunga im Summa und im Winta, Privatkonzeate, Discos, Clubbings, etc.
Ö3-MountainMania [dro werkln]
Seit 1999 gibbs di Ö3-MountainMania, a Freiluftvaonståitung, wo Ö3 durch Schigebiete vo Östarreich tourt. Si findt imma im Råhmn vo a Groaßvaonståitung, wia zum Beispüü an Åipinen Schiwödcup oda ois Oanzlvaonståitung stått. Ö3-DJs, Modaradoan und Ö3-Tänza san live voa Oat. Vaonståitungsoate wårn, unta Åndam scho di Flochau, Soiboch-Hintaglemm, Söldn, Åidnmårkt-Zauchnsee und Groaßarl.
Ö3-BeachMania [dro werkln]
De Konzeattour is as Pendant zua MountainMania im Summa. Si måcht an vüün östarreichischn Bådeseen Station.
Ö3-Disco [dro werkln]
Di Ö3-Disco wead seit 20 Jåhrn in Vaonståitungshåin, Zöttn und Diskothekn vaonståitet, wo di Ö3-DJs as Musikångebot vom Senda spüün. Di Ö3-Disco wead buucht und kimmb nåch Teaminvaeibåårung zum jeweilign Vaonståitungsort.
Ö3-Privatkonzeat [dro werkln]
Fia's Ö3-Privatkonzeat wean intanationale Topstars wia z.B. Bryan Adams oda Juanes nåch Östarreich bråcht. Si spüün dånn in an intimn Råhmn voa ebba 200 Zuahorcha. Fia Kårtn kuu ma si auf da Intanetseitn vom Senda uumöddn. Weitare Kårtn wean in Gewinnspüün valost.
