Homosexualität

Aus Wikipedia
Homosexualität

Homosexualität is a sexuelle Orientiarung, bei dea wo de Liab, Romantik und as sexuelle Begeahrn ausschliasslich oda vuawiengd fir Leid vom eiganen Gschlecht empfundn wead. Homosexuelle Fraun wern aa ois „Lesbm“ (friara: „Lesbiarinnen“) und homosexuelle Manna aa ois „Schwule“ (in Wean songs „Woame“) bezeichnet. As Adjektiv homosexuell wead aa auf sexuelle Hondlungen zwischn Leid vom gleichn Gschlecht ogwendt, de ned schwui oda lesbisch san.