Huitzilopochtli

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
A Büdl vom Huitzilopochtli ausn Kodex Telleriano-Remensis
Menschnopfarung za Eah vom Huitzilopochtli
Da Hutzilopochtli ausm Kodex Borbonicus

Da Huitzilopochtli (da Kolibri zua Linkn), oda aa Uitzilopochtli oda Vitzliputzli, woa da Stammgod vo de Mexica (Aztekn) aus Tenochtitlan. Aungebli hods ea af eana launge Roas gschikt. Und eam homs aa af dea Roas de moastn Bresln zfadaunga ghobt. Wegn Eam homs a so vü Leid opfan miassn, damid ea jo gnua Noahrung griagt hod. Ea woa ois God a fian Kriag und fia de Menschopfa. Ea woa a de Sunn und da Stodgod vo Tenochtitlan.

Wea woa da Huitzilopochtli[VE | Weakln]

Im Mythos vo de Mexi´ca wiad bschrim das da Huitzilopochtli in Coatepec gbuan woan wa. Owa da Chronist Chimalpahin hod afgschrim das da Huizzilopochtli a Stammfira vo de Mexi´ca woa und zwischn 1116 und 1122 in Coatepec vaschtuam wa. Deswegn nimmt ma heid au das Ea a domoliga Pristafira gwest wa, dea noch sein Tod vo de nochfuigandn Genarazionan in den Göddahümmi ghom wuan is. Den de ödan Vöka in Middlamerika woa ea voahea ned bkaunt oda ea wa nua a unbdeitenda God gwest. De Mexica hom eanan God af iara Roas in an Binkal midtrog. Wos do in dem Binkal drin woa, was ma nimma. Owa bei jeda Rost homs eam an kloan Oitoa earicht wos daun des Binkal affiglegt hom.

De Legend vo seina Gbuat[VE | Weakln]

Sei Muadda woa de Coatlicue (de midm Schlaunganrock). Se is owa aa Teoteoinan, de Muadda da Gödda oda Tonantzin, insare liabe Muadda, gnennt wuan. Se woa owa a de Eadgeddin und is aa ois Toci (Großmuadda) oda Cihuacoatli (weiblige Schlaung) bkaunt gwen. Owa se woa aa fia de im Kindbett vaschtuama Frowen zuaschtendi. Den fia de Aztekn woa aa a im Kindbett vaschtuame Schwaungare gnauso topfa, wia a im Kriag gfoina Kempfa. Se is a zwegn ian bsundan Tod direkt in de Owawöd kema.

Noch vaschidanen Lesoatn is entweda in de Beag Vuarät saummin gaunga oda se hod an Tömpöploz zaumkeaht. Auf jeden Foi soi ia a kloana Kolibrifedankneial in ian Schoß gfoin sei und dea soids bfrucht hom. A aundare Deitung woa, das vom Mixcoatl, dem toitekischn God vo da Jogd und dea woa a denen eana Kriagsgod, gschwengad wuan sei soi. Ea soi se a in oa Fedakneial vawaundlt und se so bfrucht hom.

Ia Tochta de Coyolxauhqui is zwegn da Schaund vo da Schwaungaschoft vo iara Muadda gaunz narrisch ausn Haisl gwen. Oiso hods iare 400 Briada, de Centzon Huitznahua augschtift de Muadda saumt den Fötus umzbringa. De Coatlicue hod vo dem Vuahom eafoan und is uadandli daschrockn. Draf hods ia nu ungboans Kindl trest und dea hod ia zuagsogt das a des scho vahindan wuit.

Ois de Coatlicue mid ire 400 Briada zua Schaundtod kema san, soi da Huitzilopochtli, in da voin Kriagsristung ausn Bauch vo da Muadda gschprunga sei und de 400 Briada mid seim Maquahuitli (Obsidianschweat) daschlogn hom. Nochand hod a nu sei Schwesta zaschticklt. De Zalegung vo da Schwesta woa a spada des Vuabüd fia de Zaschticklung da spadan Opfa nochn eanan Tod am Oitoaschtoa.

De viahundat, daschlogna Briada und in Kopf da Schwesta hod a daun in Hümmi afigwuaffa. De Briada san za Schtean und da Schedl vo da Schwesta is zan Mond wuan.

Sei Afgob[VE | Weakln]

A Modönochbau vom grossn Tempö. Links obn da Tempö vom Tlaloc (Regngod) und rechts da Tömpö vom Huitzilopochtli. Und vuan da Tempö vom Quetzalcoatl.

Ois da Tlahtoani Izcoatl de Ritn und a de Gsöschoft nei refoamiad und guadnt hod, is a da Huitzilopochtli afgweat wuan.

Do ea tägli gegn de Dunköheid aukempft hod, das jo de Sunn jedn Tog wida nei afgeht, hod a vü Kroft und dahea a vü Noahrung braucht. Dahea san eam a so vü Opfa gweiht gwest.

De große Tömpöpyramidn in Tenochtitlan is obn mid zwoa Tempön krent gwest. Da Linke hod dem wichtign Regngod Tlaloc zuagheat, und da Rechte woa in Huitzilopochtli seina. Da kloanane, hoibrunde Tömpö davua hod in Quetzalcoatl zuagheat.

Schau aa[VE | Weakln]

Litaradua[VE | Weakln]

  • Boone, Elizabeth Hill (1989). Incarnations of the Aztec Supernatural: The Image of Huitzilopochtli in Mexico and Europe. Transactions of the American Philosophical Society, vol. 79 part 2. Philadelphia, PA: American Philosophical Society. ISBN 0-87169-792-0. OCLC 20141678.
  • Brinton, Daniel G.; (Ed.) (1890). Rig Veda Americanus. Sacred Songs of the Ancient Mexicans, with a Gloss in Nahuatl (Project Gutenberg EBook #14993, online reproduction). Brinton's Library of Aboriginal American Literature, No. VIII. Philadelphia: D.G. Brinton. OCLC 6979651.(English) (Nahuatl)
  • Carrasco, David (1982). Quetzalcoatl and the Irony of Empire: Myths and Prophecies in the Aztec Tradition. Chicago, IL: University of Chicago Press. ISBN 0-226-09487-1. OCLC 0226094871.
  • Díaz del Castillo, Bernal (1963) [1632]. The Conquest of New Spain. Penguin Classics. J. M. Cohen (trans.) (6th printing (1973) ed.). Harmondsworth, England: Penguin Books. ISBN 0-14-044123-9. OCLC 162351797.
  • Miller, Mary; and Karl Taube (1993). The Gods and Symbols of Ancient Mexico and the Maya: An Illustrated Dictionary of Mesoamerican Religion. London: Thames & Hudson. ISBN 0-500-05068-6. OCLC 27667317.
  • Quiñones Keber, Eloise (1995). Codex Telleriano-Remensis: Ritual, Divination, and History in a Pictorial Aztec Manuscript. Michel Besson (illus.). Austin: University of Texas Press. ISBN 0-292-76901-6. OCLC 29600936.
  • Read, Kay Almere (1998). Time and Sacrifice in the Aztec Cosmos. Bloomington: Indiana University Press. ISBN 0-253-33400-4. OCLC 37909790.
  • Read, Kay Almere; and Jason J. González (2002). Handbook of Mesoamerican Mythology: A Guide to the Gods, Heroes, Rituals, and Beliefs of Mexico and Central Ameriuma Oxford and New York: Oxford University Press. ISBN 0-19-514909-2. OCLC 77857686.
  • Sahagún, Bernardino de (1950–82) [uma 1540–85]. Florentine Codex: General History of the Things of New Spain, 13 vols. in 12. vols. I-XII. Charles E. Dibble and Arthur J.O. Anderson (eds., trans., notes and illus.) (translation of Historia General de las Cosas de la Nueva España ed.). Santa Fe, NM and Salt Lake City: School of American Resea

Im Netz[VE | Weakln]

 Commons: Huitzilopochtli – Sammlung vo Buidl, Videos und Audiodateien

Interwiki-Notiz[VE | Weakln]