Hyperfokale Distanz

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.

De Hyperfokale Distanz is a Begriff aus da Photographie. Es is de Entfernung, auf de ma Objektiv bei na bstimmtn Blendn scharf stelln muaß, damit nach de Überlegunga vo da Schärfndiaf ois im Unendlichen a no scharf gnua obbuid werd. Domit dehnt ma den Bereich vo da Schärfndiaf aufs maximal mögliche aus. In dem Foi reicht de Schärfndiaf dann vo da hoibn hyperfokalen Distanz bis ins unendliche.

Beispui[VE | Weakln]

Bei am 50mm-Objektiv (Kloabuild-Format) mit na Blendnzoi vo 11 liagt de hyperfokale Distanz bei 7,6 Meta. Domit hod ma ois vo 3,8 Meta bis ins unendliche ausreichend scharf auf'm fertign Buidl.

Brechnung[VE | Weakln]

Es guid: s_h = \frac{f^2}{N \cdot d_u}

  • s_h: hyperfokale Distanz
  • f: d' Brennweitn (aba ned as Kloabuidl-Äquivalent)
  • N: da Blendnwert: f/2,8 → N = 2,8
  • d_u: da erlaubte Unschärfnkreis-Durchmesser

Ois erlaubtn Unschärfekreis-Durchmesser setzt ma 1/1500 vo da Buiddiagonalen ei, des han bei Kloabuid-Fuim 30 µm. Bei digitale Sensorn geht ma vo da doppedn Pixelgräß aus.

Owendung[VE | Weakln]

De Iabalegung vo da hyperfokalen Distanz bnutzt ma bei da Konstruktion vo Fixfokus-Objektive. Wei ma ko se as Scharfstelln komplett sparn, wenn ma a leichts Weitwinkl-Objektiv mit na eha schlechtn Liachtstärkn fest auf sei hyperfokale Distanz eistellt. Des wurd friara bei am Haffa oafache Schnapp-Schuß-Kameras gnutzt. A de Kameras fia Internet-Video-Konfernzn (Webcams) und die Kameras in Mobiltelephone bnutzn iabawiegend Fixfokus-Objektive. Aba a mit na hochwertign Ausrüstung macht as Wissn um de hyperfokale Distanz an Sinn. Zum oana wenn ma zum Beispui in am Landschaftsbuidl ois vom recht nahn Vordergrund bis zum Hintergrund scharf kriang mecht. Zum andan wenn ma fia Schnapp-Schüss aufs Scharfstelln vazichtn mecht. De großn Moasta vo da sognantn Street-Photographie hom se dadurch de Zeit zum Scharf-Stelln gspart. A ko ma so Buidl macha, ohne duach an Suacha schaung zum miaßn. Und as Ned-Scharf-Stelln is ollawei schneller ois da schnellste und deierste Auto-Fokus.

Nachteile[VE | Weakln]

Recht wichtig fia de Brechnung vo da hyperfokaln Distanz is des Wörterl "ausreichend". Es gehd drum, wos no ois ausreichnd scharf ogseng werd. As maximal Mögliche an Schärfn hoid ma so ned aus am Objektiv raus. A ko ma nua gnua obblenden, wenns gnua Liacht gibt, oda ma a ausreichnd empfindlichs Medium mit oi seine Nachteile eisetzt.