Induschtrie-PC

A Induschtrie-PC is a vojschtändiga Computer, der wo fir induschtrielle Anwendunga hergnumma weard. Des bedeit, dass a Induschtrie-PC meischtens in der Produkzion zum Einsatz kimmt. A Induschtrie-PC definiert se durch sein Anwendungsbereich und setzt se damit vo de konfenzionellen Computer ab, de wo ma „Office-PCs“ hoast, um de Untascheidung deitlich zum macha. Wia jeda anderne Computer aa, hod a Induschdrie-PC in da Regl a Fesdplattn, an Prozessa, a Motherboard und Anschlussmäglichkeitn fir Periferiegeräde. Was aba vui mehra zäjd is, dass a Induschdrie-PC alloans funktioniern ko und koane andan Geräde brachd, vo dene ea obhängig is.

Je noch Fawendung san de Induschdrie-PCs in a andane Maschina eibaud, manchmoj sogar im Innan vo dera Maschin – na hoaßt ma s ‚embedded’ Induschdrie-PC – aba moaschdns stenga s aloans und san nur iba Kabej oda Funk mit dera Maschin und da EDV vom Untanehma vabundn. Waj ma an Induschdrie-PC in Fabindung mit Maschina und Produkzionsanlong eisetzd, ia a Induschdrie-PC oft vui gressane Belaschdunga ausgsetzt. Desweng san Induschtrie-PCs ofd aso konschdruierd, dass mit dene Belaschdunga ferdig wern. Des bedeit zum Beischbui dass

- d’Fesdplattn, da Prozessa und olle anderna empfindlichn Baudeile aso fixierd san, dass se se aa bei grässane Fibrationa und Schläg ned vo eanare Faongkarunga lösn.

- Koa Wassa und koa Staub ned eidringa ko

- Ea exdreme Temperadurn ashojd

- Ea aa bei grässane elegdromagnedische Strohlunga no funkzionierd

Wiavui dass a Induschtrie-PC ashojt is durch de IP-Schutzklassn ogem. Waj ma vui hochwerdigare Baudeile fir an Induschtrie-PC hernimmt, is ea in da Regl aa vui deiriger ois a normaler Office-PC.

Eisatz vo Induschtrie-PCs

Eigsädzd wead a Induschtrie-PC

- zur Schdeiarung vo Maschina

- zum Erfassn vo Maschinadotn, wia zum Beischbui Rüstzeitn, Pausn, Vabrauch vo Enagie, Produkzionsleischdung

- zum Erfassn vo Betriebsdotn

- in da Lagahojtung und da Logischdigg (Ofd san Induschdrie-PCs afa m Goblstapler montierd und untaschdüzn de Leid im Laga beim Kommissioniern.)

- beim Bau

- und aa vastäakd in da Londwiadschafd

Ois Bedriebssisdema laffand in da Regl Windows, Unix oda a Unix-Derifat wia Linux oda QNX af de Rechna.