J-Pop
Aus Wikipedia
| Der Artikl is im Dialekt Nordboarisch gschrim worn. |
Ajs J-Pop (jap. ジェイポップ jeipoppu, Kuazfoam vu Japanese Pop-Music oda Japan Pop) vaschdeihd ma in Japan d'ainhaimische Popmusik.
Baim Inhajt geihd's, waj in da westlichen Popmusik aa, maisdns um Liebe und Beziehungen. Oft wern in die Text aa énglische Weater ajs oanzlne Begriff oda ganze Phrasn naigmischt.
Stilistisch geihd J-Pop vu R'n'B-beainflusste Songs íwa schnöün Eurobeat bis zu trancige Lieda. J-Pop konn se åwa aa mit J-Rock vamischn. J-Pop hot a gråuße Éhnlichkeit mit da koreanischen Popmusik (K-Pop), sodass Laid, daj wåu se ned damid auskenna, de zwoa Richtunga kamm ausanandhajdn kìnna.
Im daidschschbråuchign Raum is J-Pop vorajm bai Anime-Fans populér. Des ligt dåu dro, dass Komponistn und Gruppm, wåu in Japan bekannt san, aa bai da Musik von Animeserien mitaawadn und dass vü prominente Anime-Synchronschbrecha aa ajs J-Pop-Künstla aftretn. Daj Sortn vu J-Pop nennt ma in Japan a oft Idol-Pop.
Vum J-Pop untaschaidn se daj im traditionöün japanischen Musiggstil komponiertn japanischn Schlaga, d'Enka.
[dro werkln] Bekannte J-Pop-Künstla
(Waj im Japanischen schdeihd da Familiennama vorm Vornama)
