Japanische Musik

Aus Wikipedia

In da tradionelln Japanischn Musik wern vaschiedene Oatn vo pentatonischen Tonleitan (onkai 音階 „Tonleita“ bzw. chōshi/jōshi 調子 „Musikalische Stimmung“) vawendt.

Auf da oanen Seit wern Tonleitan vawendt, de aus Ganztönen bestengan und in zwoa Modi voakeman, voa oim in da Gagaku-Musik:

	Naum in da Umschrift	Kanji	Formö	Beispü
„männlicha“ Modus	ryosen	呂旋	1, 2, 3, 5, 6	c d e g a c'
„weiblicha“ Modus	ritsusen	律旋	1, 2, 4, 5, b7/6	c d f g b c'/c' a g f d c

Auf da aundan Seit wern d'KotoTonleitern mid Hoibtöne vawendt, de keman in drei Modi vor:

Naum in da Umschrift	Kanji	Formö	Beispü
hira-jōshi	平調子	1, 2, b3, 5, b6	c d es g as c'
iwato-jōshi	岩戸調子	1, b2, 4, b5, b7	c des f ges b c'
kumoi-jōshi	雲井調子	1, b2, 4, 5, b6	c des f g as c'

Hira-jōshi is im 17. Jåhrhundat vom blindn Koto-Moasta Yatsuhashi Kengyō (八橋検校) entwückit worn.

In da traditionelln Volksmusik gibts a boa Modi, de nåch Yin und Yang benaunt san:

Naum in da Umschrift	Kanji	Formö	Beispü
insen	陰旋	1, b2, 4, 5, b7/b6	c des f g b c'/c' as g f des c
yōsen	陽旋	1, b3, 4, 5, b7	c es f g b c'

Auf Ryūkyū (Okinawa) wiad in da Voiksmusi a Modus mid da Formö 1, 3, 4, 5, 7 (z. B. c e f g h c') vawendt.

[dro werkln] Gagaku

Gagaku (jap. 雅楽, dt. elegante Musik) wiad in da japanischn Musik de Musikårt gnennt, de vom 7. Jåhrhundat bis zum 9. Jåhrhundat (Heian-Zeid) am japanischn Kaisahof gspüt worn is.

Ursprünglich is de Musikårt ausm Kaisareich China kema. Se besteht aus da Kammamusik und aus da Orchestamusik. Teijweis håd de Musik in Japan kultische Aufgåbn.

[dro werkln] Årtn

• Bu no mai (武の舞): „Kriegataunz“; a Kategorie vo a boa schnöle und wüde Tänze vom bugaku.
• Bugaku (舞楽): „Daunz und Musik“; Daunztheata mid ana Musikbegleitung.
• Bun no mai (文の舞): „zivüla Daunz“; Kategorie vo laungsaumare Tänze.
• Chinkon (鎮魂): „Geista besänftign“; Shintō-Ritual
• Dōbu (童舞): Kindadaunz
• Enkyoku (宴曲): Bankettmusik, spöttisch a enzui gnennt.
• Gagaku (雅楽): „elegante Musik“; Übabegriff fia a japanische Konzert- und Hofmusik
• Gigaku (伎楽): Chinesische Maskntänze, de um 600 Japan erreicht hom.
• Hashiri-mai (走り舞): „rennenda Daunz“
• Hira-mai (平舞): „gleichmäßiga Daunz“
• Imayōuta (今様歌): „zeitgenössische Liada“
• Kagura (神楽) „Sakralmusik“
• Kangen (管絃): „Blåsinstrumente und Saitninstrumente“
• Komagaku (高麗楽): Spädara Naum fia d'koreanische Musik, benånt nochn Königreich Koma (Goryeo)
• Wagaku (和楽): „japanische Musik“

[dro werkln] Weblinks

• Japanische Tonleitan (englisch)
• Pentatonische Tonleitern (japanisch)