Kölna Wirrn
De Kölna Wirrn oda as Kölna Ereignis bezeichnen an Hehpunkt vom Konflikt zwischn da katholischn Kirch und am preißischn Staat in de Westprovinzn vo Preißen in da Zeit vom Vormärz. De Integration vo de Westgebietn Rheinland und Westfalen, de 1815 an Preißn ogschlossn worn san, hot zu Spannungen zwischn da katholischn Kirch und da preißischn Regierung gführt. De wichtigstn Streitpunkte san dabei da Hermesianismus und as Problem vo de konfessionsverschiednen Ehen gwesn. De preißische Regierung is vo eina staatskirchlichn Tradition geprägt gwesn und hot deswegn gmoant, se kannt aa de katholischn Kirch kontrollian und de katholischn Priestan und Bischefn vorschreibm, wia se eahnare Ämta auszuführn hom.
Da Konflikt hot schliaßlich dazu gführt, dass da Erzbischof vo Köln, da Clemens August Droste zu Vischering, im Jahr 1837 wegn seim Widastond gegn de staatliche Eimischung in kirchlichn Angelegnheitn verhaft worn is. Des hot bei da katholischn Bevöikarung a antipreißische Stimmung gfördat.