Kōhaku Uta Gassen

Da Kōhaku Uta Gassen (jap. 紅白歌合戦, dt./bar. „Rot-weiße Liedschlacht“) meistens bloß „Kōhaku“ gnannt, is a Musikprogramm, wo seit 1951 jeds Joah an Süvesta im Fernseh und Radio afm öffntlichn japanischn Sender NHK zeigt werd. Außa am Radio und im Fernseh wiad die Sendung àà intanazionăi duachs NHK-Netzweak und einige Senda im Kawenetz zeigt. Die Sendung geht bis ungefähr a Viatlstund vor Zwööfe af d'Nocht. Danauch zeigt NHK Neijoahsgrăis aus ganz Japan.

Die beliebtestn Künstla aus Pop und Enka wern in zwoa Gruppm mit jewăis mehr ăis 25 Künstler afdoid, und zwoa die rode akagumi (赤組 oda 紅組) und die weiße shirogumi (白組). Die Mitglieda vo da akagumi san ålle weiblich oda Gruppm mit weibliche Sängarinnen und die Mitglieda vo da shirogumi san ålle ménnlich oda Gruppm mit ménnliche Sänga. Beim Kōhaku derf ma nua àftretn, wenn ma dazua eiglån werd; bloß erfolgreiche Küstla ausm jeweilign Joah oder beliebte Künstla derfa àftretn. A Àftritt beim Kōhaku gütt imma nó ăis Ehre und Karrieresprungbrééd.

Oft wern die weniga seriösn Künstla - des san meistns J-Pop-Künstla, wo in dem Joah guade Vakàfszoin erreicht hom und bei de junga Leid beliebt san - in de erstn Minutn vom Kōhaku „abgoawad“.