Kakadu-Zwergbuntbarsch

Aus Wikipedia
Wexln zua: Navigation, Suach
Der Artikl is im Dialekt Pongaurisch gschrim worn.
Kakadu-Zwergbuntbarsch/schrotz
Apistogramma cacatuoides.jpg

Kakadu-Zwergbuntschrotzner, a boitzerschts Mannai

Systematik
Ordnung: Barschartige (Perciformes)
Untaordnung: Lippfischartige (Labroidei)
Famij: Buntbarsche (Cichlidae)
Unterfamij: Geophaginae
Gattung: Apistogramma
Oart: Kakadu-Zwergbuntbarsch/schrotz
Wissnschaftlicha Nama
Apistogramma cacatuoides
Hoedeman, 1951

Da Kakadu-Zwergbuntschrotz (Apistogramma cacatuoides) is a Oart aus da Familie vo de Buntbarsch. Er zäit zua de wäidwaid beliabastn Aquarienfiisch. Sai Furschtbestond ois Oart is im Geengsoutz zua onnerne Oartn aus da Gottung vo de Apistogramma gsicherscht, wai er vijfäitig in Aquarien nochezichtt werscht. Oierdings waisnd de mittlerwai in zoiraiche Genarazionan zychterschtn Aquarienfiisch daitlich onnerne Fourm ois wia d' Wijdform auf.

Merkmoie[VE | Weakln]

s Mannai vo dia Kakadu-Zwergbuntbarsch darraicht a Kerperleng vo oucht Zantimeter. De Waiwai blaim weesntlich kleaner und darraichnd ausgwouggsn nur a Leng vo fymbf Zantimeter, zuadem homds nid so longe auszogane Flossn wia de Mannai.[1] De Fiisch hom an weng longgstecktn und nur mässig hochn Kerper. s Maj is im Vahäitniss zan Kerper voäitnissmässig grooss und houd auffäiige wuistige Lippm. Kennzaichnds Merkmoi sand droi bis vir wäinfermige Stroafm am Unterbauch. Se treetn ba boade Gschlechter auf.

Virkemma[VE | Weakln]

Wia oie Buntbarsch vo da Gottung vo de Apistogramma houd aa de Oart nur a ser kloas Vabraitungsgebiat. Bis hiazant sands a netter juust in da Nachant vo da peruanischn Stoud Pucallpa am Rio Ucayali nouchgwiisn wourn. Sai Leemsraum sand kloane, flouche Wousserlaaf oder lagunenourtige Wousseroosommlungan im Reengwoid. De Fiisch hoidn se bevurzug in ser flouche Wousserzonan mid ner Temparatur vo eppa 24 und 28 °C auf. Typisch is a dicke Laabschicht auf'm Boon vom Gwasser, zwischn de se d' Fiisch aufhoidn. Aa Unterwousserpflonzna und Stoaner wernd ois Vasteck gnytzt.

Furschtpflonzung[VE | Weakln]

As Waiwai leeg d' Oar an da Deckn vo ner Häin oder unter Blaadluntersaitn ou. s kymmerscht se alloa um d' Bruat, wärnds Mannai s Bruatrevir vataidig.

Aquaristik[VE | Weakln]

An natyrlichn Leemsraum waisnd de Gwasser, in de dia Oart bis hiazant gfundn wourn is, a woachs bis mittlhourts und laicht basischs Wousser auf. Mannai sand revirbijdand, desweeng soid netter a Por, oder a Mannai mid zwoo Waiwai ghoidn wern. De voäitnissmässig schaichn Fiisch soind netter mid ser ruige Baifiisch gmoasom ghoidn wern.

Zuchtforman[VE | Weakln]

  • Wijdform: houd netter glai a gonz laichte Färwung
  • Albino: häier Kerper mid laichter Mustarung und rode Aung
  • Dopperod: Rycknflossn und Schwonzflossn sand rod-schworschz gmustert.
  • Droifochrod: Ryckn, Schwonz und Afterflossn sand rod-schworschz gmustert
  • Orange Flash: Orange Ryckn, Schwonz, Afterflossn

Beleg[VE | Weakln]

  1. Wally Kahl / Burkard Kahl / Dieter Vogt, Kosmos Atlas Aquarienfische, Seite 220, Franckh-Kosmos Verlags-GmbH & Co Stuttgart 2003

Literadua[VE | Weakln]

  • Horst Linke, Wolfgang Staeck: Kleine Buntbarsche - Ein Handbuch für Bestimmung, Pflege und Zucht. Tetra Verlag, Bissendorf 2001, ISBN 3-89745-100-X.

Im Netz[VE | Weakln]

 Commons: Kakadu-Zwergbuntbarsch – Sammlung vo Buidl, Videos und Audiodateien