Karwendl

Blick afs Karwendl

'S Karwendl is a Gebirgsgruppn von de Nördlichn Kalkalpn. Es liegt geographisch zwischn Tirol und Bayern, wobei da greßere Teil vom Gebirge af'm tirolerischm Gebiet is. De Grenzn zwischn Bayern und Tirol verlaft üba de Nördliche Karwendlkettn und durchs Vorkarwendl. Vier Gebirgskettn ziahng si von West noch Ost; hinzu kumma zohlreiche Seitnkettn und -gruppn und noch Nordn a weitlafigs Vorgebirge.