Knédl
Aus Wikipedia
| Der Artikl is im Dialekt Hausrukfiatlarisch gschrim worn. |
Knédl (Plural: Knédln), in da noadöstlichen Obapfaiz Schboudzn und auf hochdaisch a "Knödel", "Klösse" oda "Klopse" gnénd, san a dipisch boarisch und ésdaraichisch Schbais, de entweda aus Eadepfi-Doag, aus Mø oda aus Sømibrod gmåcht wean, siass oda såizig sâi kinan und so wia s san ois Zuaschbais géssn wean, oda gfüd ois Hauptschbais. Knédl gibt s a in da bemisch Küch, doat hoassns "Knedlíky".
Inhoitsvazeichnis |
[dro werkln] Oatn fu Knédl
Es gibt an gãnzn Haufn fu faschidane Knédl, in jeda Region gibt s an gãnzn Haufn fu untaschiadliche Rezept, fu Diaroi, iwa Baian, bis Ost-Ésdaraich und Bemen und déswéng gibt s a olahãnd fü faschidane Knédl. Dé bekãntasdn han:
[dro werkln] Såizige Knédl
- Eadepfi-Knédl
- Sømi-Knédl
- Bemische-Knédl
- Seavietn-Knédl
- Kas-Bress-Knédl
- gresde Knédl
[dro werkln] Gfüde Knédl
- Schbég-Knédl
- Hasche-Knédl
- Brak-Knédl
- Grami-Knédl
[dro werkln] Siasse Knédl
- Marün-Knédl
- Zwétschgn-Knédl
- Eadbea-Knédl
- Dopfnknédl
- Dãmpf-Nudln
- Geam-Knédl
[dro werkln] Supn-Knédl
- Lewa-Knédl
- Kas-Bress-Knédl
[dro werkln] Knédl intanazional
A aussahåib fu da boarisch-ésdaraichischn-bemischn Region gibt s Knédl. Auf Englisch hoasst ma Knedl a Dumplings".
Baischbü:
- Matzah Kneydl: Bai de jidisch rédadn Judn gibts de Matzah Kneydel (Plural: Kneydlach), de aus Mø, aus Oa, Schmåiz und Pfefa gmåcht wean. Bain Schmåiz muas ma åwa Héndl-Schmåiz nema und es deaf a kõa Buta dabai sâi, sunst san s nemli néd koscha.
- Thüringer Aschkloß
- Sächsischer Wickelkloß
- Lausitzer Kloß
- Holsteiner Buchweizenkloß
- Italienische Gnocci, des san kloane flachäide Katoffeknedln ois Beilag oda Hauptgricht wia Nudln. In Welschtirol hoaßen de Speckknödel canederli
Intanationale Vawandtschaft vo de Knedl san z.B. de echtn Puddings, wia da Englische Plumpudding.
[dro werkln] Wås a nu intresant is
In Ésdaraich und Sid-Diaroi nend ma a Hauswiatschåfts-Schui in da Umgãngsschbråch a Knédlakademi.
Des virtuelle Knedlmuseum im Intanet. [1]
