Kreischgebiet

Der Artikl is im Dialekt Nordboarisch gschrim worn.

Rumänischa Deu vum Kreischgebiet

Rumänisch-ungarische Grenz im Kreischgebiet

As Kreischgebiet (aa Kreischland oda Kreischgau, rum. Crişana, ung. Körösvidék) is a historische Provinz im Ostn vu Ungan und im Noadwestn vu Rumänien. Daj Landschaft grenzt im Südn an n Fluss Mieresch, im Ostn an s Apuseni-Gebiach und im Westn an d'Theiß.

Sei Nama kummt wascheinlich vum Fluss Kreisch (rum. Criş, ung. Körös) und seine Zouflüss, da Schnellen Kreisch (rum. Crişul Repede, ung. Sebes-Körös), da Weißen Kreisch (rum. Crişul Alb, ung. Fehér-Körös) und da Schwarzen Kreisch (rum. Crişul Negru, ung. Fekete Körös). Daj flajsn richtung Westn nåuch Ungan und und flajsn zam zua Kreisch.

D'wichtigste Ståd („Haaptståd“) im Kreischgebiet is Oradea (dt. Großwardein, ung. Nagyvárad). Andane grejßane Steed san u.a. Arad, Aleşd, Beiuş, Salonta und Ineu z'Rumänien und Békéscsaba, Debrecen und Gyula z'Ungan.

Daj Region woa a Deu vu da historischn Provinz Partium und woa genauso waj s Banat, d'Südbukowina, d'Region Sathmar und d'Maramuresch koa Deu vum hisroischn Simbüang, wead åwa heindzdåch (bsundas z'Ungan) oft dazougreachat.