Landkroas

Der Artikl is im Dialekt Obaboarisch gschrim worn.

Verwoitungsgliaderung vo Deitschland

A Landkroas (obkiazt Lk oder Lkr) oda aa Kroas (in Nordrhein-Westfalen und Schleswig-Holstein), is nach deitschm Kommunalrecht a Gmoaverband und a Gebietskeapaschaft gleichzeite. Ea vawoit sei Gebiet noch de Grundsätz vo da gmoandlichn Sejbstvawoitung.

Wia schaugt sowos aus?

A jeder Landkroas bestähd aus mehrane Gmoana. S gibt Landkroas de ham blos 6 Gmoana, es gibt aber a Landkroas, de ham glei 235 Gmoana.

Vawoit wead da Lankroas vo seine Organ:

• da gibts an Kroasdog, des is de Voiksvadretung vom Kreis, de alle fimf (im Freistaat Bayern olle 5 Joah) gwäiht werd,
• an Landrat, der is je noch Bundesland da Voasitznde vom Kroasdog bzw. Kroasausschuß' und vo da Kroasverwaltung
• in a boor Länder da Kroasausschuss'.

Damits z Geid kemman woins heut z dog a Kroasumlage vo olle de wo dem Kroas zugehörig san.

Alle 295 Landkroas ham sich in 13 Landesvabänden und auf da Bundesebene im Deutschen Landkroasdog (DLT) zammado.

Afgobm vom Landkroas

Landkroas in Deitschland. Kroasfreie Städt orange.

• Effentlicha Personennahvakea
• Eirichtung und Pflege vo Natur- und Landschaftsschutzgebiete
• Obfoibeseitigung
• Brandschutz, Feiawehr
• Katastrophnschutz, THW (Technisches Huifswerk)
• S Gsundheitswesen
• Lebmsmittliwawochung
• Tiarschutz und Tiarseichnbekämpfung
• Fihrascheinwesn, KFZ-Zualossung, Kroasstroßn-Bau und -Pflege
• Berufsbuidande Schuin und Sondaschuin
• Bauaufsicht

Wo kimmt des nachad her?

S Wort Kreis hod ma gnumma um damit a politische Einrichtung mit Verwoitungsafgaben bissl kiaza zum sprecha. Soweit ma woas warn de Tschechn de erstn, do gibts a Wort kraj (=Land) und des kimmt soch ausm Mitteloida.

Im 19. Joahundat und bis zum I. Wejdkriag hods in ganz Deitschland ungefäah 1000 Landkroas gebm; de Gräß wor a so ausgrechnet, dass da Landrat zur weidesten Gmoa vo seim Kroas, am gleichigen Dog mit seim Fihrwerk und seine Ross dafahren ko.

Kroasfreie Stodt

A kroasfreie Stodt gheat zu koan Landkroas, sondan buidt an eiganan Stodtkroas.

Belege

Netzseitn

• Hoamseitn vom Deitschen Landkroastag
• De Afgobm vo de Landkroas.