Lateinische Phrasn/S

Lateinische Phrasn A B C D E H M S V

Sera

Sera parsimonia in fundo est.

„Zum Sparn is zspaad, wennsd grad no an Noagal hast.“ Und dann gehds a so waeda: „Wae ganz undt is grad no a wengal A(bgstandns.“

Den Spruch lestma beim Filosofm Seneca, und zwar sogda, es waar des an oeds remischs Sprichwoat. Ea nimmds dadafia hea, das a dem junga Lucilius eaklärt, wiara mit saena Lebmszaed umgeh(n soe: Wenn da Voarad aufbraucht is, kannst nimma sparn.

Sero

Sero nimis vita est crastina. Vive hodie!

„Spaad, sauwa z spaad is s Lebm morgn eascht. Lebm soest haed!“ (Martial)

Des Zitat ghead in de lange Rae vo antikn (griachischn wia remischn) Auffoadarunga, das ma d Lebmszaed ausnutzn muass, wae s so kuaz is. De bekannteste davo(n deaffad „Carpe diem!“ sae(n.