Ledger Art

Aus Wikipedia
Da tradtioneje Lakota-Gruppndanz vom Black Hawk
A Dunnawesn (Geistwesn), vom Black Hawk

Ledger Art is a grafische Kunstrichtung vo de Prärie-Indiana, eppa zwischen 1865 und 1935. Es gibt oba indigene Kinstla, de wo den Stui bis heit pflegn. Es san moast Zoachnunga af Papia mid Bleistift, Tintn, Buntstift oda Kreidn, sejtn aa Molarein mid Wossafoarbm.

Da Nam kimmt vom englischn Woat ledger books, des wo sovui wia Kontobiachl hoasst. Kontobiachln vo de easchtn Siedla und vo da US-Army worn fia de indigene Bevejkarung dozmois de wichtigste Quejn fia Schreibpapia.

Ledger Art is voa oim vo indianischn Kriagsgfanganan vo da US-Army zua Bliah brocht worn. Voa oim vo dena, de wo nochm Red River Kriag (1874) im Fort Marion in Florida eigspeat worn. De Motive und da Stui is oba a direkte Weidaentwicklung vo da traditionejn indianischn Molarei: da Bemolung vo Tipis, Schuidan, Drummen, Leggins und Gwanda.

De voistendigste Sammlung vo am Ledger Art Kinstla gibts vom Black Hawk, an berimtn Medizinmo vo de Lakota. Vo eam san 76 Buidln dahoidn.

Literatua[Werkeln | Am Gwëntext werkeln]

  • Karen D. Petersen: Plains Indian Art from Fort Marion, University of Oklahoma Press, 1971
  • J. Berlo, ed., Harry N. Abrams: Plains Indian Drawings 1865-1935: Pages from a Visual History, New York, 1976
  • Greene, Candace S. Silver Horn: Master Illustrator of the Kiowas. Norman: University of Oklahoma Press, 2001. ISBN 0-8061-3307-4.
  • Hansen, Emma I. Memory and Vision: Arts, Cultures, and Lives of Plains Indian People. Cody, WY: Buffalo Bill Historical Center, 2007. ISBN 0-295-98580-1.
  • Swan, Daniel C. Peyote Religious Art: Symbols of Faith and Belief. Jackson: University of Mississippi Press, 1999. ISBN 1-57806-096-6.
  • Szabo, Joyce M. Art from Fort Marion: The Silberman Collection. Norman: University of Oklahoma Press, 2007. ISBN 978-0-8061-3883-1.

Im Netz[Werkeln | Am Gwëntext werkeln]

 Commons: Ledger Art – Sammlung vo Buidl, Videos und Audiodateien