Leonding

Aus Wikipedia

Leonding is a Ståd im Traunviertl in da Mittn vo Owaöstareich, wo ungefähr 24.000 Leid wohnan. Damid is's de viertgresste Ståd vo Owaöstareich. Leonding liegd im Bezirk Linz-Lånd und gherd zan Grichtsbezirk Draun. Im Ostn von Leonding is Linz, im Südn Draun, im Südwestn Basching, im Westn Wüllaring und im Nordn, drenta da Doana, Buchenau. Leonding gherd, genau a so åis wia de Nåchbagemeindn Draun und Basching à, zur Agglomarazion Linz.

In de Franzosngriag gengan Napoléon wår Leonding da Schaublåtz vo ana wichtign Schlåcht. Vo 1898 bis 1905 håd da Hitler Adoif åis Bua mid seine Öitan in Leonding gwohnt. Heid is Leonding vor åim åis Wohngéngd und åis Industrie-, Gewerbe- und Håndlsståndort wichtig. Unta åndam håd in Leonding da Rosenbauer sein Sitz, der wås Feiawehrautos baud.