Limp Bizkit

Aus Wikipedia

Wexln zua: Navigazion, Suach
Der Artikl is im Dialekt Såizkãmmaguadlarisch gschrim worn.
Limp Bizkit
Limp Bizkit live
Limp Bizkit live
Gründung 1994
Genre Nu Metal, Rapcore
Website http://www.limpbizkit.com
Gründungsmitglieder
Gesang Fred Durst
Schlagzeug John Otto
Bass Sam Rivers
Aktuelle Besetzung
Gesang Fred Durst
Schlagzeug John Otto
Bass Sam Rivers
Turntables DJ Lethal
Gitarr Wes Borland
Ehemalige Mitglieder
Gitarre Rob Waters (1994-1996)
Keyboard Scott Borland (inoffiziells Mitglied, 1996-2001)
Gitarre Wes Borland (1996-2001, 2004-06)
Gitarr Mike Smith (2003-2004)
Schlagzeug Sammy Siegler (saisonial, 2005)

Limp Bizkit (limp biscut, limpbizkit, auf deitsch hoaßts sovü wia kloans, woachs Brod (oda Keks)) is a US-amerikanische Nu Metal und Rapcore Band. Se is oane vo de kommerziell eafoigreichstn Bands vom Crossover. De Band bestehd deazeid ausm Front Sänga Fred Durst, an John Otto, an Sam Rivers, an Wes Borland und an DJ Lethal. Limp Bizkit håd in da USA alloa 17 millionen [1] und wödweid mea wia 50 millionen Åibn vakauft.

Inhoitsvazeichnis

[dro werkln] Da Nãm

Die Band is 1994 in Jacksonville, Florida (USA) gründt worn. Damois hod de Band east 3 Mitglieda ghåbt: An Fred Durst, an Bassistn Sam Rivers und an Rivers sei Cousin, da John Otto am Schlågzeig. Olladings hamse damois nu ned gwusst wia sa se nena soitn. Do is da Zuafoi dazuakema: A Freind vom Durst håd amoi gsågt, sei Hirn fühd se au wia a „limp biscuit“ (Ledschada Keks). Oiso is aus „biscuit“ zeast „biscut“ und midn Einstieg vom Wes Borlands zu „Bizkit“ worn. So is damois da Naum entstaundn.

[dro werkln] De eastn drei Åibn

Eana am 1. Juli 1997 vaöffntlichts Debütåibum Three Dollar Bill, Y'All hod se bis jiatzt 6 Millionen moi vakauft. S'zweite, 1999 vaöffntlichte Åibum Significant Other is zu an nu gréßan Vakaufseafoig woan wias Debutåibum. Mid ana stårkn Untastützung vom KoRn-Sänga Jonathan Davis, an Wu-Tang Clan sei Method Man und an Stone Temple Pilots-Sänga Scott Weiland hod se dés Åibum alloa in da eastn Wochà 684.000 vakaufd und hod Limp Bizkit damois in de easte Liga vo de Metalband bråcht. Fian 4. Juli 2000 is dãn des neiche Ålbum midn Nãm Limpdependence ãkündigt woan. Unta an großn Eafoigsdruck hod de Band ãn de neichn Songs gårweit. Da Eafoigswille hod dazua gfiaht, dass da Release-Termin aufn 16. Oktoba 2000 váschom woan is und des Ålbum auf Chocolate Starfish and the Hot Dog Flavored Water umgnennt woan is. Limp Bizkit ham olle bsiherign Vakaufsrekorde mid 1.054.511 vakaufte Åibn in da eastn Wochà üwabotn. Gleichzeitig hod de Gruppn wieda ãgfãngt zum tourn.

[dro werkln] Anger Management Tour & Pacific Rim Tour

Auf da Anger Management Tour hams mid Eminem, Papa Roach und an DMX gspüüd. Direkt im Åschluss hams de Pacific Rim Tour, eana easte Wödtournee åis Headliner in Japan, Neuseelãnd und Australien ghåbt. Bei an Konzeat am 26. Jänna 2001 in Australien hods an tragischn Todesfoi duach a fuchzehn jahrigs Diandl des an Herzånfoi griagt hod und gstoam is gém. Se ham owa trotz da offnkundig geeissatn Traua („really nothing can describe the sadness and anguish we are feeling“, af boarisch: „Wirkli nix ko de Traua beschreim, de ma empfindn“) üwa den Voafåi, mid eanara 'Anger Management Tour weidagmochd. Gigs in Deitschlãnd und in Ialãnd san wéng ana Rücknvaletzung vom Fred Durst abgsågt woan.

Fia 2001 is de Vaöffntlichung vo an neichn Åibum, Limp Remizkit ãkündigt woan, dés nei gmischte – owa bekãnte – Songs drin håm soidad. Im Heabst/Winta 2001 is dãns Åibum untam Nãm New Old Songs aufn Moakt kema. Vor da Vaöffntlichung vom neichn Åibum is dãn owa da Gittarnspüla Wes Borland bei Limp Bizkit ausgstiegn. Da Borland hod min Musiksenda MTV damois üwa sein Ausstieg gmant, dass a bei LB neta nu wengan Göd midgmochd häd, owa weis eam umd Musi gãnga is hod a mid Kollegn aus seina Zweitbänd Big Dumb Face de Bänd Eat The Day gründt, de se owa boid wieda aufgléßt hod, weis koan Sänga gfundn ham.

[dro werkln] Put Your Guitar Where Your Mouth Is

Limp Bizkit hamse déswegn an neichn Gitarristn suachà miassn. De Fans hãm da „Tour“ Put Your Guitar Where Your Mouth Is de Chance griagt, se in ana 60-sekündign Session z'beweisn. Wia de Tour am 11. Februar 2002 in Los Angeles aufghead hod, hams imma nu koan Easåzt fian Wes Borland gfundn. Wei de Produktion vum viatn Åibum boid drãkema is, ham da Durst und da Rivers entschlossn zeast söwa de Gitarrnparts z'mochà. Bei a boa Songs is de Gitarr vom Mitproduzentn und Sound-Engineer Elvis Baskette eigspüüd woan. Kuaz voam End vo de Aufnãhmen zu Results May Vary is da Ex-Snot Mike Smith, dea a Nu Metal erfåhrena Musiker wår ind Band eigstiegn. In da Mittn vo 2002 hod se da Fred Durst wieda gmödt. Da Fred häd woin, dass da Wes zruckkimmt. Auf dés auffé hoda dem sei E-Mail-Adressn bekãnt gém. Da Wes Borland hod darauf gsågt, dass a dé Mailüwaschriftn gléesn hod und se aussagstöd hod dass 75% geng a Comeback gwén san.

[dro werkln] Results May Vary (2003 bis August 2004)

Am 16. Septemba 2003 is mid „Eat You Alive“ de easte Singl vo „Results May Vary“, des wås a Wochà späda ind'Gschäfta kéma is easchienen. De zweite Singl is des The Who Cover „Behind Blue Eyes“, dés a gleichzeitig åis Soundtrack fian Füm „Gothika“ gnumma woan is kema. „Behind Blue Eyes“ wår da chartmäßig grèßte Eafoig fia Limp Bizkit in Eiropa, unta aundam hod dea Song Plåtz zwoa in de deitschn bzw. Plåtz drei in de Éstarraischischn Singlecharts earreichd. De Hauptroin im dazuagherign Musikvideo håd de Halle Berry gspüd, de ma doatn min Fred Durst gsègn håd. Vom 1. Juni bis zum 10. August 2004 san Limp Bizkit ois Support gemeinsãm mid Mudvayne, de Deftones, Linkin Park und und Metallica aufd Summer Sanitarium Tour gãnga. Im Herbst håds dãn de Back To Basics Tour gemeinsãm mid Korn gém. Vom Februar bis zum Aprü 2004 wårn Limp Bizkit in Eiropa auf da Tour.

[dro werkln] Da Wiedaeinstieg vom Wes Borland

Am 13. August 2004 is da oide Limp-Bizkit-Gitarrist Wes Borland wieda ind Bänd zruckghoid woan. Es hod owa schã länga Gerüchte gém, dass de Band fia a neichs Oibum probn woit, wofias dãn a am 13. August 2004 a offizielle Bestätigung vo Limp Bizkit gém hod. Mitanãnd hod de oide Bésetzung de Aufnãhmen fia The Unquestionable Truth (Part I) ãgfãngt. Ãfãng 2005 hod se da Schlågzeiga John Otto weng seine Drognprobleme söbst in a Reha-Klinik glégt. Fia eam is da Samy Siegler am Schlågzeig eigsprunga. De Vaöffntlichung vo The Unquestionable Truth (Part I) is ohne a jegliche Medienuntastützung eafoigt und es is koa Single vaöffntlichd woan. Gmessn ãn de Vakaufszåin vo Chocolate Starfish And The Hot Dog Flavored Water wår The Unquestionable Truth (Part I) a Flop. Des Åibum hod se in da eastn Wochà neta ca. 250.000 Mal vakauft.

[dro werkln] Greatest Hitz

Ende 2005 is dés Greatest-Hits-Album Greatest Hitz vaöffetlichd woan, des nèm de bekãntestn und eafoigreichstn Liadln vo da Band a den ois Singl vaöffntlichtn Song „Home Sweet Home/Bittersweet Symphony“ enthoit, dea a Mischung (Mash-Up) zwischn an Mötley Crüe eanan „Home Sweet Home“ und The Verves „Bitter Sweet Symphony“ is. Émfois gibts auf dera CD zwoa ãndere Tracks, de „Why“ und „Lean On Me“ hoassn, und aus da Results-may-Vary-Zeit keman. Gleichzeitig is a de DVD „Greatest Videoz“ vaöffntlicht woan, auf deas vü Musikvideos zu de easchienanen Singles gibd. Des Åibum bzw. dé DVD is vo da Plåttnfiama gfoadat und ned vo Limp Bizkit söwa.

[dro werkln] An Wes' sei Projekt

Da Gitarrist Wes Borland håd 2005 beschlossn, se da Band „Black Light Burns“ ois Leadsänga ãzschliassn, de aus bekãnte Mitglieda vo ãndare Bands bestèhd: (Wes Borland (Limp Bizkit), Danny Lohner (Nine Inch Nails), Drummer Josh Freese (A Perfect Circle) und da Keyboarda Josh Eustis (Telefon Tel Aviv)). Es is zu Gerüchtn kema, nåch denen da Wes de Band Limp Bizkit wieda valossn häd, wei sowoi sei neiche Band owa a Limp Bizkit 2006 auf Tour gãnga wan. Gründe dafia wårn, dass mid da Zeid ruahiga um Limp Bizkit woan is, und de Bändmitglieda koan engen Kontakt zuanãnda ghåbt ham.

[dro werkln] MySpace

Åis Reaktion auf a Intaview min Wes Borland im März 2006, in dem a de Auflösung vo Limp Bizkit vakündt håd, hod da Fred Durst gsågt, dass Limp Bizkit se ned aufgléßt hod, sundan ãn an neichn Sound órweit und dass LB gród an Ersåtz fian Wes Borland suachn. Seidn End vom Streit zwischn an Wes Borland und an Fred Durst, hod da Fred a påår ned vaöffntlichte Songs ins MySpace-Poatal gstöd. U.a hoda When it Rains (zu koana Albumzeid), Crack Addict, Relentless, Cowgirls from Hell, Masterbation, Press Your Luck, Fool's Game, Poison Ivy (ålle aus da „Results May Vary“-Zeid), Until the End, Unacceptableinterlude, Space Invader und Say Something Sayable iwa sei MySpace-Seitn vaöffndlicht, um „de Wårtezeid aufs neiche Åibum z'vakiazn“.

[dro werkln] De Zeid voam Comeback (2007 - 2009)

Im März 2007 hod da Fred Durst iwas MySpace-Portal eaneit gschriem, dass a se gean wieda min Wes Borland ãfreindn dad um mideinãnd a Tour z'mochà. Da Wes hod owa drauf gsògt, dass a se neta nu auf Black Light Burns konzentrian wü. Nåchdem lãng nix neichs mear vo da Band vaöffntlichd woan is, ham mehrare Fanseitn im Mai 2007 a große Protestaktion weng da Infomationspolitik vo Limp Bizkit gstart. Auf dés auffe is auf da MySpace-Seite vo Limp Bizkit a neichs Freestyle-Lied wås „Summer of Bipolar Love“ ghoassn håd, vom Fred Durst vaöffntlicht woan.

Im Februar 2008 hods a Pressemitteilung weng an Release vo ana Live-DVD vom LB Konzeat beim Rock im Park vo 2001 gém. De DVD is in Deitschlãnd am 25. April 2008 (Englãnd: 31. März 2008 ; USA: 15. Mai 2008) vaöffntlichd woan, wobei's zwoa vaschiedane Versionen vo da DVD gém hod. A CD/DVD-Veasion und a DVD-Veasion. Auf da DVD is dés komplette Konzeat, a Intaview midn DJ Lethal und a Remix-Veasion vom Konzert drauf. Auf da DVD vo da CD/DVD-Version gibts neta a Remix-Veasion vom Konzeat.

Im Jänna 2009 hod de Band dãn auf eanara offizielln Homepage a neichs Büdl vaöffntlicht, duach des san neiche Spekulationen üwa a båidigs Comeback aufkema limpbizkit.com.

Kuaz drauf is bekãntgém woan, dass möglichaweise a neichs Studioalbum kimmt, wahrscheinlich wår The Unquestionable Truth (Part 2).

Ãfang Februar dãn, ham Limp Bizkit eana Teilnahme bei de zwoa Deitschn Mainstream Rock Festivals Rock Am Ring und Rock Im Park 2009 zuagsogt ghåbt. [2]

[dro werkln] S'Comeback (2009-jiatzt)

Am 12. Februar 2009 ham Limp Bizkit in eanam Blog Eitråg bekãnt gém, dass in da Zukunft wida in da Originalbesetzung aufspün. Aus dem Eitråg låsst se entnehma, dass nem de schã bekãnten Auftritt bei Rock am Ring und Rock im Park [3] im Friajåhr a Wöd-Tournee, de Unicorns n'Rainbow Tour, mid zåihreiche Headliner-Auftrittn auf gréßane Festivals, u.a as Download Festival in Großbritanien, Rock am Ring/Rock im Park in Deitschlãnd und an Nova Rock in Éstarreich gibt sowia a neichs Åibum pland is.

Da Borland Wes hod de foignde Nåchricht bestätigt:

"We decided we were more disgusted and bored with the state of heavy popular music than we were with each other. Regardless of where our separate paths have taken us, we recognize there is a powerful and unique energy with this particular group of people we have not found anywhere else. This is why Limp Bizkit is back." [4] [5].

Am 20. Mai 2009 ham Limp Bizkit s'easte moi seid 8 Jåhr im originaln Lineup (Fred Durst, Wes Borland, Sam Rivers, John Otto DJ Lethal) auf eanara "Unicorns n' Rainbows" Tour in Riga, Lettlãnd gspüd. Da Auftirtt wår a gscheida Eafoig. Deazeid san Limp Bizkit auf Tour quer duach Eiropa.

Da 24. August 2009 wår da easte offizielle Tåg vo de Aufnãhmen fias neiche Åibum. Oa Monad späda hod da Fred Durst schã iwa Twitter bekãnt gém, dass de Instrumental-Aufnãhmen fertig san. Es is a bekãnt gém woan, dass aufn neichn Åibum da Tom Green und da Christopher Boykin middan.

[dro werkln] Diskografie

[dro werkln] Albn

Da Borland Wes
Jåhr Titl Chart-Positionen
DE AT CH US UK
1997 Three Dollar Bill, Yall$ - - - 22 -
1999 Significant Other 13 7 38 1 10
2000 Chocolate Starfish And The Hot Dog Flavored Water 1 1 4 1 1
2001 New Old Songs 10 12 32 26 -
2003 Results May Vary 1 1 6 3 7
2005 The Unquestionable Truth (Part 1) 4 17 8 24 -
2005 Greatest Hitz 20 27 41 47 -
2008 Rock im Park 2001 - - - - -
2008 Collected - - - - -
2010 neichs Studioåibum

[dro werkln] Singls

Jåhr Liad Hèchste Chartposition Åibum
US

[6]

 US
Main

[6]

 US
Mod

[6]

 AUS

[7]

 AUT

[8]

 D

[9]

 NLD

[10]

 NZ

[11]

 SU]

[12]

 UK

[13]
1997 "Counterfeit" — — — — — — — — — — Three Dollar Bill, Yall$
"Sour" — — — — — — — — — —
1998 "Faith" — 33 28 — — — — — — —
1999 "Nookie " 80 6 3 13 — — 36 — — — Significant Other
"Re-Arranged" 75 8 1 35 — — — — — —
"N 2 Gether Now" (feat. Method Man) 70 — — — — — — — — 184
2000 "Break Stuff" 123
[14]		 19 14 41 — 42 28 — 95 —
"Take a Look Around" 115
[14]		 15 8 28 4 4 7 29 7 3 Mission: Impossible II
Chocolate Starfish...
"Rollin' (Air Raid Vehicle)" 65 10 4 11 10 10 18 14 21 1 Chocolate Starfish...
"My Generation" — 33 18 31 19 23 14 14 23 15
2001 "My Way" 75 4 3 — 51 38 56 41 99 6
"Boiler" — 30 — — 44 50 68 68 57 18
2003 "Eat You Alive" — 16 20 30 16 13 36 — 31 10 Results May Vary
"Behind Blue Eyes" 71 11 18 4 3 2 5 5 5 18
"Red Light-Green Light" (feat. Snoop Dogg — — — — — — — — — —
2005 "Home Sweet Home/Bittersweet Symphony" — — — — 44 45 96 — — — Greatest Hitz
"—" zoagt a vaöffntlichung ã, des ned in de Charts gschåfft hod.
Da Fred Durst

[dro werkln] Demos

  • 1995: Mental Aquaducts (ois Limp Biscut)
  • 1996: Three Dollar Bill Y'all

[dro werkln] DVDs

  • 2005: Greatest Videoz
  • 2008: Rock Im Park 2001
Da John Otto mid seine Drums

[dro werkln] Soundtracks

[dro werkln] Videografie

  • 1997: Counterfeit (Version 1)
  • 1997: Counterfeit (Version 2)
  • 1998: Sour
  • 1998: Counterfeit (Lethal Dose Remix)
  • 1998: Faith
  • 1998: Faith (Australische Version)
  • 1999: Nookie
  • 1999: Re-Arranged
  • 1999: N 2 Gether Now
  • 2000: Break Stuff
  • 2000: Take A Look Around
  • 2000: My Generation
  • 2000: Rollin'
  • 2001: My Way
  • 2001: My Way (William Orbit Remix)
  • 2001: Boiler
  • 2001: Faith/Fame (Remix)
  • 2001: Nookie (Androids vs. Las Putas Remix)
  • 2001: Nookie (Neptunes Remix)
  • 2001: N 2 Gether Now (Neptunes Remix)
  • 2001: Re-Arranged (Timbaland Remix)
  • 2003: Eat You ALive
  • 2003: Behind Blue Eyes
  • 2003: Behind Blue Eyes (US-Veasion)
  • 2003: Behind Blue Eyes (US-Veasion - Edition 2)
  • 2005: The Truth
  • 2005: Home Sweet Home / Bittersweet Symphony

[dro werkln] Auszeichnungen

  • MTV Video Music Awards: bésts Rock Video (Break Stuff; 2000)
  • MTV Video Music Awards: bésts Rock Video (Rollin; 2001)
  • Billboard Video Music Awards: bésts Video vom Jåhr (Break Stuff; 2000)
  • Billboard Video Music Awards: Maximum Award Vision (Nookie; 2001)
  • Orvill J.Gibson Award: besta Bassist: Sam Rivers (2000)
  • Blockbuster Awards: béste „Modern Rock Group“ (2000)
  • Billboard End-Year Charts: béste Rockband (2000)
  • MTV Europe Music Awards: béste Webseitn (2001)
  • MTV Europe Music Awards: béste Gruppm (2001)
  • MTV Europe Music Awards: bésts Åibum (Chocolate Starfish and the Hot Dog Flavoured Water; 2001)
  • American Music Awards: béste „Altanative Group“ (2001)
  • Blockbuster Award: béste Rockband (2001)
  • Echo: beste intanationale Metalband (2001)
  • American Music Award: bésta „alternative Artist“ (2002)
  • The K-Rock Awards: bésts Cova vom Jåhres (2003)
  • The K-Rock Awards: bésta „screaming vocal“ (2003)

[dro werkln] Weblinks


Referenz-Fehler: <ref>-Tags existieren, jedoch wurde kein <references />-Tag gefunden.

Vu „http://bar.wikipedia.org/wiki/Limp_Bizkit“
Peasönliche Weakzeig