Luxnbuag

Aus Wikipedia
(Weidagloadt vo Luxmburg)
Wexln zua: Navigation, Suach
Grousheazogtum Luxnbuag
Grand-Duché de Luxembourg • Großherzogtum Luxemburg
Groussherzogtum Lëtzebuerg
Flag of Luxembourg.svg
Coat of arms of Luxembourg.svg
Woispruch: Mir wëlle bleiwe wat mir sinn

(boarisch: Wir woi ma bleim wos ma san.)

Amtssproch Franzesisch, Deitsch und Luxnbuagisch; Nationalsprach is Luxnbuagisch; Legislativsprache is Franzesisch (laut Gsetz vom 24. Feba 1984)
Haptstod Luxemburg (Stod)
Stootsform Konstitutionäie Monarchie
Stootsobahapt Grousheazog Henri von Luxemburg
Regiarungschef Premieminista Jean-Claude Juncker
Fläch (166.) 2586 km²
Eiwohna (162.) 474.413 (Juli 2006)
Dichtn (45.) 181 Eiwohna pro km²
Bruttoinlandsprodukt

- Total (Nominal)
- Total (PPP)
- BIP/Einw. (Nom.)
- BIP/Einw. (PPP)

2006

(65.)$42,87 Mrd
(94.) $34,800 Mrd
(1.) $80.288 (2006)
(1.) $69.800 (2006)

Währung Eiro
Unobhängigkeit nimma im Deitschen Bund seit 1867 (laut Londoner Votrog), schaug aa: Deitscha Bund).
Nationalhymne Ons Heemecht
Nationalfeiadog is da 23. Juni
Zeitzone UTC+1
Kfz-Kennzoachn L
Internet-TLD .lu
Telefonvoawoi +352
EU location LUX.png
Luxemburg.png

Luxnbuag (dt. Luxemburg) is a Grousheazogtum und Midglid vo da Eiropäischn Union. Es buit zamma mid de Kenigreicha Bäigien und Holland de Beneluxstootn.

Eadkund[VE | Weakln]

Luxnburg grenzt an Frankreich (Grenzleng: 73 km), Bäigien (Grenzleng: 148 km) wia a an de deitschn Lenda Rheinland-Pfoiz und Saarland o (Grenzleng midanand: 138 km). Luxnbuag is mit ana Flächn vo 2586 km² da zwoatgleanste Stoot vo da EU. Es is blos 14 km² greßa ais des Saarland, und damid deitle kleana wia de zwoa boarischn Landkroas Rousnam und Traunstoa midanand.

Gschicht[VE | Weakln]

Da Nam vom Groußheazogtum leit si vom mittlhouchdboarischn Lucilinburhuc, speda Lützelburg ob, wos nix andas wia „kloane Buag“ hoaßt, de bei da Hauptstod Luxnbuag entstana is. De Grafschoft Luxnbuag is 963 as erschte Moi urkundle afdaucht. 1354 is' Heazogtum woan. Im 14. Joarhundert hot de Dinastie vo de "Luxemburger" via deitsche Kaiser gstäit. 1441 is des Land ans Haus Burgund kemma, vo doat 1477 an de Habsbuaga, seit 1522 an de spanische Linie. Mit'n Spanischn Eabfoigekriag is a Dal vo de Esterreichischn Niederlande worn und 1795 an Frankreich kemma. Afm Weana Kongress is 1815 zu oam mit de Holland in Personalunion verbundna Groußheazogtum worn. 1839 hot Luxnbuag mea ois de Häilftn vo seim Terretorium an Bäigien verlorn. De voistendige Unabhengigkeit is 1867 erklärt worn. Nochdem Luxnbuag in zwoa Wäitkriag vo de deitschn Truppn ibarennt worn is, is des Land seit 1948 mitn Eitritt in de Benelux-Zollunion und 1949 zua NATO nimma neitral wia davoa. Luxnbuag is oans vo de sechs Grindungsmitglida vo da EU. Es is heit des oanzig ibalime suvaräne Groußheazogtum ibahaupt.

Verwoitungsgliederung[VE | Weakln]

Gliederung vo Luxnbuag in 3 Distrikta, 12 Kantona und 116 Gmoana

Des Land werd untagliedat in de drei Distrikta Grevenmacher, Luxemburg und Diekirch mit zwäif Kantona und 116 Gmoana. 12 vo de Gmoana hams Stodrecht. De Gmoana san wia bei uns Säibstvawoitungskeapaschaftn.

De Sproch in Luxmburg[VE | Weakln]

De Sprachnsituation is a bissl kompliziad. De Muattasprach vo de Luxnbuaga ist Luxnbuagisch („Lëtzebuergesch“), a mitteldeitscha Dialekt ("moselftänkisch"). Sie is seit 1984 Nationalsprach und a Amtssprach. Franzesisch und as Houchdeitsche san oba a offizäie Amtssprochn. De Gsetza san oba in franzesisch ghoitn.

Prominenz[VE | Weakln]

  • Johann da Blinde (1296-1346), Kine vo Bäihma und Graf vo Luxnbuag
  • Gabriel Lippmann (1845-1921), vo franz. Eltern in Luxnbuag gborn, Nobelpreistrega in Physik 1908
  • Norbert Jacques (1880-1954), Autor, Erfinda vom Dr. Mabuse
  • Ranga Yogeshwar (*1959), Fernsehmoderata, Physika, Wissenschaftsjournalist
  • Henri Tudor (1859-1928), Inenschinea, Eafinda vom Bleiakku
  • Nikolaus Welter (1871-1951), Schriftstäia, Dramatika, Lirika, Germanist, Romanist, Professa und Staatsmo
  • Joseph Tockert (1875-1950), Professa, Grinda vo da erschtn Pfadfindergruppn in Luxenbuag
  • Robert Schuman (1886-1963), franzesischer Politika aus Luxnbuag
  • Albert Wehrer (1895-1967), Politika
  • Lucien Wercollier (1908-2002), Buidhaua
  • Pierre Werner (1913-2002), Politika
  • Camillo Felgen (1920-2005), Senga, Radio- und Fernsehmoderater
  • Jean (Luxemburg) (*1921), Grousheazog vo Luxembuag von 1964 bis 2000
  • Jean-Claude Juncker (*1954), Politika
  • Lea Linster (*1955), Spitznkechin
  • Marco Serafini (*1956), Fernsehresischea
  • Georges Christen (*1962), Kraftjongleur
  • Desiree Nosbusch (*1965), Schauspuierin und Moderatorin
  • Jeff Strasser (*1974), Fuaßboiprofi (u.a. Borussia Mönchengladbach, 1. FC Kaiserslautern)

Im Netz[VE | Weakln]

 Commons: Lëtzebuerg – Oibum mit Buidl, Videos und Audiodateien

Koordinaten: 49° 47' 37" N, 6° 6' 23" O