Mühlenkopfschanze

Mühlenkopfschanze im Jåhr 2007

Die Mühlenkopfschanze is a Skisprungschånzn in Willingen. Seit an Umbau im Jåhr 2000 is sie mit an K-Punkt vo 130 Meta und a Hillsize vo 145 Meta die greaßte Großschånzn da Wöd. 2 Kilometa nöadlich stean am Orenberg drei weitare Schånzn (K12, K20, K45), wöche mit Mattn b'legt san.

Gschichtn

Die Mühlenkopfschanze is im Jåhr 1951 abaut woan. In 1995, 1997 und seit 1999 findn auf dea Schånzn Weltcupspringen stått, wöche an groaßn Zuschaugazuaspruch håm.

Umbau

Nåchdem as Schånznzeatifikat nimma valängat woan is, wår a Umbau nötig. Im Fruajåhr 2000 håms die boadn oidn Schånzn (K89, K120) ågrissn und die K120 is vagreßat woan. Da Umbau håt 10 Millionen D-Mark kostet. Die Tribünenflächn sen auf 38.000 Plätz aweitat woan. Insgsåmt san 3.300 Meta Vasorgungsleitunga, voa ållem fi di Kunstschneevasorgung, valegt woan. Außadem is a neis Funktionsgebäude arrichtet woan. Da Architekt des Umbaus wor da Burkhard Pahl.

Außadem kinnan die Skispringer die Schånzn mit a Kabinenbåhn und mit an Aufzug. Im Februar 2001 håt zum eastn Måi a Weltcupspringen auf da nein Schånzn ståttgfundn.

Ållgemeine und technische Datn

• Zuaschaugakapazität: 38.000
• Baujåhr: 1951
• Umbau: 2000
• Varein: SC Willingen

• K-Punkt: 130 m
• Hillsize: 145 m
• Schånznrekord: 152,0 m (Janne Ahonen, 09.01.2005)
• Ulauflängn: 107 m
• Ulaufneigung: 35°
• Tischlängn: 6,7 m
• Tischneigung: 11°
• Tischheachnd: 3,25 m
• Ulaufgschwindigkeit: 94 km/h
• Aufsprungneigung: 35°

Weblinks

Commons: Mühlenkopfschanze – Buidl, Videos und/oda Audiodatein

• Umfångreiches Skisprungschånznarchiv
• Offizielle Homepage