Münchener Ratsch-Kathl

Aus Wikipedia
Wexln zua: Navigation, Suach
Der Artikl is im Dialekt Mingarisch gschrim worn.

De Münchener Ratsch-Kathl war 1889 bis 1921 a mingara Wochnzeitung, de se säim ois „Unterhaltungsblatt für gemüthlichen Verkehr“ bschrim hot. Ratschkathl war damois scho a oigmoana Begriff fia ra gschwatzigs Weibsbuid, oiso fia ra Weibaleit wos gern ratscht. In da Erschtausgob vom 11. Mai 1889 hot se de Zeidung in a Sejbstvorstellung mid am Ratschkattl vaglicha.

De erschte Ausgob hot 10 Pfenning kost und is vom D. Mämert am Platzl 5 rausgem und in da Westermühlstraß 4 valegt worn. [1] Ob da drittn Ausgab hod de Zeidung nur no a Fimfal kost.[2] Scho am Ofang vo 1890 war a Auflogzoi vo 5000 Stick dareicht.[3] Urspringli hots de nur am Samsdog z'kaffa gem, awa weis recht guad okemma is, hods as boid aa am Midwoch gem. 1907 is' um an Münchner Stadtanzeiger erweitat worn. Da Stodonzeiga is 1950 im Süddeitschn Verlog und 1997 in de täglichn Stodviartelseitn vo da Süddeitschn Zeitung aufganga.[4] Letztmalig hots de Ratsch-Kathl 1921 gem wos na eigstejt worn is.

Inhoitle hot se de Zeidung schwerpunktmassig mid erdliche Neiigkeitn, Gschichtal, Fortsetzungsromane, Rätsl, Witze und Insaraten beschäftigt. Einige Exemplare san heit in da Bayerischen Staatsbibliothek.[5]

Im Netz[VE | Weakln]

Beleg[VE | Weakln]

  1. Titlseitn vo da der Erschtausgab
  2. Titlblatt I. Jg. / Ausgab 3
  3. Titlblatt II. Jg / Ausgab 5
  4. Geschicht vom Süddeitschn Valog, Siddeitscha Valog.
  5. Münchener Ratsch-Kathl. Unterhaltungsblatt für gemütlichen Verkehr., Feardera und Freind von da Bayerischen Staatsbibliothek.
→ Dea Artikl basiad auf ara frein Ibasetzung vom säim Artike in da Wikipedia af deitsch.