Magdi Rúzsa

D'Magdi Rúzsa bain Songcontest in Helsinki, wo's in Blods 9 gwunga håd

Magdolna Rúzsa (bei ihre Spezln kiaza Magdi Rúzsa) (* 28. November 1985 in Titov Vrbas, Vojvodina, Jugoslawien) is a ungarischs Deandl, des wo gern singa tuat.

Lém

D'Rúzsa Magdolna schdãmt aus da ungarischn Mindahaid in Serbien und is in Mali Iđoš aufgwågsn, ana klõan Schdåd in da Vojvodina, de af Ungarisch Kishegyes hoast. Schbéda is's nåch Subotica zogn und håd doat a Ausbüdung ois Krãnkschwésda gmåcht. Im Joa 2006 håd si si bai da Castingshow Megasztár fum ungarischn Feanseng ãngmöt, was so vui is wia in Deitschland Deutschland sucht den Superstar und in Ésdaraich Starmania. Se is zan Foasinga nåch Budapest gfoan und glai gnuma woan.

Sie is båid zan Libling fum Feansehpublikum woan und am Schlus fu deara Show zum naichn ungarischn Megasztár gwäiht wordn. De Liada, dé wås bai deara Casting-Show gsunga håd, san im söbn Joa ois CD aussa kema, de in Ungarn 80.000 måi fakaft woan is und draifåch Platin gwunga håd. Bsondas guad gfåin håd de Laid dabai des Liad „Ederlezi“, a balkanisches Zignainaliad, wås's håibads auf Ungarisch und håibads auf Serbisch gsunga håd. Im Intanet hãm si õanahåib Millionen Laid des Liadl ãngschaud Auf dés håd's ia easchts Album mid oagane Liada aussabråcht. Des hoast Ördögi Angyal (Daiflischa Öngi) und is genau an iam Gebuatsdåg am 28. Nofemba 2006 aussa kema. Am End fu dém Joa håd's a noo an Titl kriagt, nämlich ois "Newcomer of the Year".

2007 hods für Ungoarn beim Grand Prix Eurovision de la Chanson in Helsinki gsunga, wo's mid iam Liadl Unsubstantial Blues (Aprócska blues) an naintn Blåz gwunga håd. Des Liad håd's söwa gschrim ghåbt und håd baim Songcontest dafia in easchdn Brais kriagt, in Best Composer Award. Manchane Leid sång, das si ia Stimm anhoacht wia wãn's de kloane Schwesta von da Janis Joplin wa.

Im Septemba 2009 håd's de ungarische Schdådsbiagaschåft ãgnuma.

Beleg

 Commons: Magdi Rúzsa – Oibum mit Buidl, Videos und Audiodateien