Malakoff-Tuatn
| Der Artikl is im Dialekt Weanarisch gschriem worn. |
De Malakoff-Tuatn (hochdeitsch: Malakofftorte, Charlotte Malakoff) is a - bsundas in Estareich - sea bekaunte Bischgodntuatn.
De Grundlog vo ana Malakoff-Tuatn is aa Tuatnbodn aus an Biskwit, den ma owa a weggalossn kaun. Auf den kumman daun Schicht auf Schicht in Rum eitunkte Bischgodn und a bsundare Malakoff-Krem. Fia de Krem gibz untaschiedliche Rezept, owa heit is des meistns a Schlogobaskrem, de wos aus Schlogobas und Müüch gmocht und no mit ana Gelatin odar ana Stäakn bundn wiad.[1]
Wauns fertig aufgschicht is, wiad de Möhspeis iwa mehrare Stundn küüht, so dass fest wiad.
De Malakoff-Tuatn is in Fraunkreich eafundn und nochn Duc de Malakoff benaunt wuan. Dea Grof hod den Odlstitl aufgrund vo da Schlocht vo Malakov im Krimkriag kriagt. Populäa is de Malkoff-Tuatn owa voa oim in Wean und in da gsaumtn Donaumonarchie wuan.[1]
De Aunfordarungan an de Malakoff-Tuatn san wia a bei da Sacher-Tuantn und aundaran prominentn Möhspeisn im Österreichischen Lebensmittelbuch festghoidn wuan.[2] Wäu de Malakoff-Tuatn in Deitschland weniga bekaunt is, gibts dortn ka Regelung.
Vawaundte Möhspeisn[Werkeln | Am Gwëntext werkeln]
Beleg[Werkeln | Am Gwëntext werkeln]
- ↑ 1,0 1,1 Friedrich Kunz: Malakoff, ein (Torten-) Kurier des Zaren? (S.5ff). Archiviert vom Original [1] am 21. Jenna 2012; abgerufen am 2. Mai 2009.
- ↑ Bundesministerium für Gesundheit: Österreichisches Lebensmittelbuch
Literatua[Werkeln | Am Gwëntext werkeln]
- E. Mayer, K. Schuhmacher: Wiener Süßspeisen, 7. Aufl., Rudolf Trauner Verlag, Linz 1986. ISBN 3-85320-359-0