Marc-André Hamelin
Da Hamelin Marc-André (* 5. September 1961 in Montréal) is a kanadischer Pianist und Komponist.
Da Hamelin håd in Philadelphia bei da Hubert Yvonne, am Wedeen Harvey und am Sherman Russell glernt. D'Leid sång, dåss da Hamelin oana vo de greßdn Pianistn heitztåg is, s'werd a gred, dåssa in technische Såchan da beste Pianist vo da Wejd is.
Spuin deada vor oim Stickl vo Komponistn ausm neinzehntn und am zwånzigstn Jåhrhundert, wo ma ned so guad kennt, åber de Standardstickl vom wejdwoatn Konzertrepertoire håda a drauf. Bsunders gern spuida saggrisch schware Musi, wia zum Boaspui da Godowsky Leopold, da Ornstein Leo, da Roslawetz Nikolai, da Ives Charles oder da Sorabji Kaikhosru wejche gschriam ham. Wiara de Stickl vom Alkan Charles Valentin und am Dukas Paul vorgfiehrt håd, wårs a bsunders große Gschicht.
Da Hamelin håd an Haufn Oim fas Lebl Hyperion afgnumma, ned bloß vo de Komponisten, wo om stengan, sundern a vom Albeniz Isaac, am Brahms Johannes, am Busoni Ferruccio, am Chopin Frédéric, da Eckhardt-Gramatté Sophie-Carmen, am Grainger Percy, am Haydn Joseph, am Kapustin Nikolai, am Liszt Franz, am Korngold Erich Woifgang, am Marx Joseph, am Medtner Nikolai, am Reger Max, am Schtschedrin Rodion, am Schostakowitsch Dmitri, am Schumann Robert, am Skrjabin Alexander, am Szymanowski Karol und am Villa-Lobos Heitor.
Komponiern deadta aa, in da Hauptsåch Klavierstickln, wo a sejba spuin dead. Jetz gråd issa drå, an großn Zyklus vo zwejf Etidn z'schreim, zehn håda scho.
An Haufn Preis håms eahm gem:
- 1985 - 1. Plåtz bei da Carnegie Hall American Music Competition
- 1989 - Virginia-Parker Preis (Kanada)
- 1992 - Preis vo da deitschn Schoiplåttenkritik
- 1994 - Preis vo da deitschn Schoiplåttenkritik
- 1996 - Juno Award
- 1996 - Cannes Classical Award
- 1996 - Preis vo da deitschn Schoiplåttenkritik
- 1997 - Juno Award
- 1997 - Preis vo da deitschn Schoiplåttenkritik
- 1998 - Preis vo da deitschn Schoiplåttenkritik
- 1998 - Juno Award
- 1998 - Opus Award (Kanada), Musikant vum Jåhr
- 1999 - Juno Award
- 1999 - Opus Award, Bursch vum Jåhr
- 2000 - Preis vo da deitschn Schoiplåttenkritik
- 2002 - Grammophone Award
- 2002 - Australian Soundscape Award
- 2002 - Preis vo da deitschn Schoiplåttenkritik
- 2003 - Wejdwoata Großer Preis vo da Liszt-Franz-Åkademie
- 2003 - Officer vum Order of Canada (d'heckste Auszeichnung vo Kanada fa Zivuileid)
- 2004 - Chevalier (Ritter) vum Ordre national du Québec
- 2004 - Wejdwoater Schoiplåttnpreis in Cannes
- 2005 - Echo Klåssik
- 2005 - Preis vo da deitschn Schoiplåttenkritik
- 2006 - Ehrnurkund (Heckste Auszeichnung) vo da deitschn Schoiplåttenkritik
- 2008 - Juno Award
- Ehrndoktorwird vo da Laval-Universität, Québec
Literadua [dro werkln]
- Robert Rimm: The Composer-Pianists: Hamelin and The Eight. New York 2002 (engl.) ISBN 1-57467-072-7
Im Netz [dro werkln]
- Diskographie affn Hyperion Records (englisch)
- Voistandige Diskographie (englisch)
