Maria (Muatta vom Jesus)

D Maria, a Buidl vom Albrecht Dürer

De Maria is noch'm Neia Testament (Bibl) de Muatta vom Jesus vo Nazareth. In mehrare Evangelien, aba a im Koran werd erwähnt, dass de Entstehung vom Jesus in da Maria net von am menschlichn Mo ausgäht, sondan vom Herrgott:

Sie sprach: "Mein Herr, woher soll mir ein Sohn werden, wo mich kein Mann berührte?" Er [Da Engl] sprach: "Also schafft Allah, was er will; wenn er ein Ding beschlossen hat, spricht er nur zu ihm: Sei! und es ist."

Am deitlichstn werd des Ganze im so genanntn Protoevangelium des Jakobus beschriem.

Bedeitung für Baiern

D Jungfrau is in Baiern vo olle Heilign de am meistn vaehrte, wos se in da Anzahl da Kirchn zoagt, de zu Ehrn vo da Jungfrau benannt worn san. Des san alloa im Erzbistum Minga und Freising mehra ois 400. Aa hod da Herzog (seit 1623 Kurfürst) Maximilian I. (1597-1651), ders sehr vaehrt hod, d'Jungfrau zur Patrona Bavariae, da Patronin und Schutzheilign vo Baiern ausgruafa.

Quäiin

• Ausm Koran
• Protoevangelium des Jakobus
• Patrona Bavariae