Miguel Torga

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.
Miguel Torga (vom Bottelho)

Da Miguel Torga, amtle: Adolfo Correira Rocha, (* 12. August 1907 z Trás-os-Montes, Portugal; † 17. Jenna 1995 z Coimbra, Portugal) wor a portugiesischa Schriftsteja, Oarzt und Lyrika.

Priestaseminar und Brasilien[VE | Weakln]

Miguel Torga is ois Adolfo Correira Rocha in da Provinz Trás-os-Montes geborn. Sei Voda Francisco Correira Rocha, a oafocha Orbata, hod ned woin, dass sei Sohn aa no "de Hogg schwinga" muass. Ea hod an Miguel dewegn vor de Alternativn gstejt, in a remisch-katholischs Priestaseminar eiztretn oda noch Brasilien z geh. Da Torga is deshoib 1918 in a Priestaseminar ganga. Mit da Zeit hoda owa gmeakt, dass a koa Priesta wean mechat und is 1920 af Brasilien ausgwandat, wora af da Fazenda vo seim Onks gorbat hod. Dea hod an Miguel in a brasilianischs Gymnasium gschickt.

Medizinstudium z Coimbra[VE | Weakln]

1925 is da Torga af Portugal zruggkema, hod do dees Gymnasium obgschlossn und a Medizinstudium an da Uni Coimbra ogfongt, wora 1933 promoviat hod. 1928 is sei easchta Gedichtband Ansiedade (Angst) vaeffetlicht word und ea hod ogfongt, bei da literarischn Zeitschrift Presença mitzorbatn. Noch seina Promotion hoida in seine Hoamat ois Landoarzt gorbat.

Schriftsteja und Oppositionäia[VE | Weakln]

1934 hoda A Terceira Voz (De dritte Stimm) aussagebm – de easchte Vaeffentlichung unta am Pseudonym, wora vo do o imma gnutzt hod: Miguel Torga. Miguel in Olehnung an Miguel de Cervantes und Miguel de Unamuno und Torga nach am robustn Hoadkraut, wo in de Beag woxt. 1936 is a in vaschiedane eiropejische Lenda greist, hod si z Leiria ois Oartz niedaglossn und is nacha af Coimbra szogn, wora de Literaturwissenschoftlsrin Andrée Crabbé gheirat hod. Ois Oppositionella is a ins Vesia vom Salazar-Regimes grotn, is 1939 vahofdd word und is fia drei Monat ins Gfengnis kema. Spada san weidane Vahoftungen gfoigt. Fost oi Biacha vom Torga san im Sejbstvalog easchiena. Ea hod Gedichte, Gschichtn sowia Romane gschriem und is aa ois Dogebuachschreiba bekonnt. 1989 isa fia sei Weak mitm ogsegnan Prémio Camões auszeichnet worn.

Auszeichnung[VE | Weakln]

  • Prémio Diário de Notícias (1969)
  • Prémio Internacional de Poesia (1977)
  • Montaigne Preis (1981)
  • Prémio Camões (1989)
  • Prémio Vida Literária da Associação Portuguesa de Escritores (1992)
  • Prémio da Crítica, fias Gsamtweak (1993)

Weake[VE | Weakln]

Lyrik[VE | Weakln]

  • Rampa. (1930)
  • Tributo. (1931)
  • Abismo. (1932)
  • O Outro Livro de Job. (1936)
  • Lamentação. (1943)
  • Libertação. (1944)
  • Odes. (1946)
  • Nihil Sibi. (1948)

Romane und Novelln[VE | Weakln]

  • O Senhor Ventura. Novelle (1943, dt. Senhor Ventura, 1992. Ausm Portug. vo Curt Meyer-Clason)
  • Vindima. Roman (1945, dt. Weinlese, 2. Aufl., 1997. Ausm Portug. vo Erika Farny)

Kuazgschichtn[VE | Weakln]

  • Bichos. (1940, dt. Tiere, 1989. Ausm Portug. vo Curt Meyer-Clason)
  • Contos da Montanha. (1941)
  • Novos Contos da Montanha. (1944, dt. Neue Erzählungen aus dem Gebirge, 1990. Ausm Portug. vn Curt Meyer-Clason)

Dogebiachl[VE | Weakln]

  • Diário, Bde. I-VIII. (1941–1959)
  • Diário, Bde. IX-XVI. (1964–1993)

Autofiktion[VE | Weakln]

  • A Criação do Mundo. (1937–1981, dt. Die Erschaffung der Welt, 1991. Ausm Portug. vo Curt Meyer-Clason)

Dramen[VE | Weakln]

  • Terra firme. (1941)
  • Mar. (1941)
  • O Paraíso. (1949)

Zeitgschicht: Reisebeschreibungen, politische Essays[VE | Weakln]

  • Portugal. (1950)

Literatur[VE | Weakln]

  • Curt Meyer-Clason: Der Riese aus den Bergen – Miguel Torga. In: Henry Thorau (Hrsg.): Portugiesische Literatur. Frankfurt a.M. 1997.
  • Kian-Harald Karimi: Miguel Torga. In: Wolf-Dieter Lange (Hrsg.): Kritisches Lexikon der romanischen Gegenwartsliteraturen. 1992, 18 S.

Im Netz[VE | Weakln]