Mississippi River

Aus Wikipedia
Wexln zua: Navigation, Suach
Mississippi
Da Mississippi z New Orleans

Da Mississippi z New OrleansVorlage:Infobox Fluss/KARTE_fehlt

Datn
Gwassakennzoi US1629903
Log Vaeinigte Stoodn
Flusssystem Mississippi
Quäin Lake Itasca z Minnesota
47° 14′ 23″ N, 95° 12′ 27″ W47.239722222222-95.2075450
Quäihäh 450 mVorlage:Infobox Fluss/NACHWEISE_fehlen
Mindung Goif vo Mexiko (Atlantischer Ozean)29.153611111111-89.2508333333330Koordinaten: 29° 9′ 13″ N, 89° 15′ 3″ W
29° 9′ 13″ N, 89° 15′ 3″ W29.153611111111-89.2508333333330
Mündungshöhe mVorlage:Infobox Fluss/NACHWEISE_fehlen
Hächnuntaschied 450 m
Läng 3.778 kmVorlage:Infobox Fluss/NACHWEISE_fehlen
Eizugsgegnd 2.981.076 km²Vorlage:Infobox Fluss/NACHWEISE_fehlen
Abfluss[1] MQ
18.400 m³/s
Grousstädt * Minneapolis, Minnesota* St. Paul, Minnesota* Davenport, Iowa* St. Louis, Missouri* Memphis, Tennessee* Baton Rouge, Louisiana* New Orleans, Louisiana
Schiffbor Bis zum Coon Rapids Dam in Coon Rapids (Minnesota)[2]

f

f Da Mississippi[3] [ˌmɪsɪˈsɪpɪ] (engl.: Mississippi River) isa 3778 Kilometa langa Schdrom in de Vaeinigtn Stoodn. Ea kummt ausm Lake Itasca im nerdlichn Minnesota und mind umara 160 Kilometa siadle vo New Orleans in Goif vo Mexiko eine.

Da gräßte Nemfluss is da Missouri, dea lenga ois da Missisippi is, bisa in eam nei mind. Da Missouri und da Untalaaf voum Mississippi buidn ois Mississippi-Missouri mid 6051 Kilometan Leng, s fiatlengsde Flusssüstäm da Erdn.

Da Mississippi fliaßt voum Noadn in Siadn owe und kimmt duach acht Bundesstoodn: Minnesota, Illinois, Missouri, Kentucky, Arkansas, Tennessee, Mississippi, Louisiana und ea buid de Grenz vo Wisconsin und Iowa. Z St. Louis kummt a mim Missouri zam, nocha mim Meramec und ba Cairo, Illinois, mim Ohio.

Da Nama[VE | Weakln]

Da Nam fia Mississippi stamd wascheinsd vo da Sproch da Algonkin-Indiana o. Messe fia Grouß und 'sepe fia Wossa, homs gsogt. Haife song d Leid a „Voda da Gwässa“, des is owa mea a poedische Iwasetzung.[4] Vo da Sproch da Anishinabe kummt Messipi fia „groußa Fluss“, ara Meglekeid. De moastn song zan Missisippi „Old Man River“, vaewigt im Liadl Ol’ Man River voum Musikl Show Boat ausm Joa 1927.

Geografie[VE | Weakln]

Eizuagsgebiad und Flußsüstäm[VE | Weakln]

Eizuagsgebiad voum Mississippi
Nemfliß voum Mississippi

Da Mississippi entwossad de gräßdn Tei zwischa de Appalachen, estle und de Rocky Mountains im Westn, in Goif von Mexiko eine. Mid 3.220.000 Kwadradkilometa is des Eizuagsgebiad voum Mississippi s fiatgräßde da Wäid.

De wichdegstn Nemfliß voum Mississippi san:

Linke Nemfliß[VE | Weakln]

  • St. Croix River
  • Black River
  • Wisconsin River
  • Rock River
  • Illinois River
  • Kaskaskia River
  • Ohio
  • Hatchie River
  • Yazoo River
  • Big Black River

Rechde Nemfliß[VE | Weakln]

  • Minnesota River
  • Root River
  • Cannon River
  • Turkey River
  • Iowa River
  • Skunk River
  • Salt River
  • Missouri
  • Saint Francis River
  • White River
  • Arkansas
  • Red River

Flussobschnitte[VE | Weakln]

Kwäin voum Mississippi im Itasca Lake
Mississippi Lock and Dam Nr. 2 z Hastings, Minnesota

Da Owalaaf voum Mississippi[VE | Weakln]

D Kwäin voum Mississippi ligt nerdle im US-Bundesstood Minnesota im Itasca State Park. Da Itascasää sammed in 450m Hä merare Kwäibäch und losst an Mississippi ois finf Meta broadn Bo ausse.

Flußowäats fliaßt a duach zoireiche Sään,ois gräßtn an Lake Winnibigoshish. Untahoi voum Coon Rapids Damm ba Minneapolis is da Mississippi schiffboa.[5]

Saint-Anthony-Fäi

De Saint-Anthony-Fäi z Minneapolis und a bo gloane Wossafäi ba Little Falls in Minnesota woan de oanzign nadialichn Wossafäi am Owalaaf voum Mississippi. Heid san im Flußoschnied zwischa Minneapolis und St. Louis 29 Damm- und Schleisnbauweake, de wos in de 1940 Joa dabaud hom, mid dene 123 Hänmeta iwawundn wean.[6] S Zui vo dem ganzn Wergl is gwen, das ma Massnwoan voum Noadn da USA leichda in Goif vo Mexico owe bringd.

Nerdle vo St. Louis vabind se da Mississippi mim Missouri za an broadn Schdrom. Da gräßde Nemfluss, da Ohio, mind ba Cairo in Missisippi nei. De wichdegstn Zuafliß am Owalaaf san Minnesota River, Iowa River, Des Moines River, Illinois River, Missouri und Ohio.

Ogschniade Oidwossa voum Mississippis

Da Untalaaf[VE | Weakln]

Siadle vo da Eimindung voum Ohio lafft da Missisippi in a 80 km broade Inlandsbuchd nei. Wega da niadrign Reliefenagie und an gringa Hänundaschiad (96 m) vo Cairo bis za Mindung in Goif vo Mexico buid da Missisippi am Untalaaf weide Mäanda aus. Iwa de Joahundate hod se s Flussbett owei vaändat, drum san an de Flussufan vo odrennde Oidwossa, weidleifige Aunlandschoftn enschdandn [7].

Mississippidäida ausm Wäidoi

Im Siadn vo Louisiana mind da Schdrom in an weidleifign Däida (Delta) in Goif vo Mexico. Da lengsde Mindungsoam is da Atchafalaya River, dea umara 500 km vo da Haubdmindung ozwoagt und säim a Däida buid. Flußowäats vo New Orleans hod se mid da Zeid afgrund voum Sediment wos da Fluß mid bringd und dem gringa Gäzeitnhub voum Goif, a fingafeamigs Voglfuasdäida gfoamd, wos finf Haubdoam hod. Des is mid 28.600 km² oans da gräßdn Mindungsdäidas wäidweit. 1 bis 1,5 Milliona Tonna Sediment bringd da Fluss am Dog dahea[8]. Reglmassige Iwaschwemmunga hom a flachs Schwemmland gschaffa, wos umbande fruchtboa is. De houe Oatnvuifoit in de Gwässa beginstigd d Fischarei. Se eabringd a Million Tonna Fiesch im Joa und is de bedeidansde in de USA. In da Landwiadschoft wean haubdsechle Reis, Bamwoi, Zuckaroa und Sojaboona obaud.

Wichdege Zuafliß voum Untalaaf san White River, Arkansas, Yazoo River und Red River.

Gschicht[VE | Weakln]

Brähisdorische Zeid[VE | Weakln]

Uaschpringle is da Mississippi am Volaaf voum heidign Hennepin Canal, vo Rock Island no Hennepin und nocha an heidign Flussbett voum Illinois River bis za seina Mindung ba Alton gfoigt[9]. De voalezde Eiszeid (300.000 bis 132.000 Joa voa heid) hod an Owalaaf voum Missisippi grundlegand voändad. A gschlossane Eisdeck bam heidign Rock Island hod eam an Weg zua gmochd und an Fluss no Westn volagad.Im Breich voum Missisippi-Däita hod da Fluss oi dausnd Joa sei Bett gwexld und mid seim midgfiadn Sediment de gsamde Kistnlinie vo Louisiana gfoamd. In de leztn 5000 Joa hod se de Kistn vo Louisiana no uma 25 bis 80 km in Goif vo Mexiko nei gschom. De Oidoam voum Fluss, de wenga Wossa gfiad hom ois da Haubdschdrom, hom Sümbf und Aunlandschofdn buid, de ma heid Bayous nennd.

Indianische Bsiedlung[VE | Weakln]

S Toi voum Mississippi hom zeaschd vaschine indianische Schdämm bsiedld. Dazua zäin de Cheyenne, Sioux, Ojibwe, Potawatomi, Ho-Chunk, Fox, Kickapoo, Tamaroa, Moingwena, Quapaw und Chickasaw. Vo 700 bis uma 1600 woa do de Mississippi-Houkuidia, de ois oanzige Gsäischoft im Amerika nerdle vo Mexiko fesde Städ dabaud hod. De gräßde woa Cahokia, in da Nat voum heidign St. Louis, wos mid za. 20.000 Eiwona bis zan Joa 1800 de gräßde Stod z Nordamerika woa[10].

Airopäische Bsiedlung[VE | Weakln]

Am 8. Mai 1541 hod da schbanische Endecka Hernando de Soto ois easchda Airopäa den Fluß gfundn. Rio de Espiritu Santo hodan gnennd. 1673 san da Louis Joliet und da Jacques Marquette za a groußn Exbedition afn Missisippi afbrocha. Ois easchda Airopäa is da René-Robert Cavelier, Sieur de La Salle 1682 an da Mindung voum Fluss okumma. Ea hod ole Ländareian de am Fluss gleng san fia Frankreich in Bsiedz gnumma und hods zu Ean voum franzesischn Kine Ludwig XIV Louisiana gnennd.1699 hod ma s Fort La Balize zua Kontroi da Flusseifoat grind.

Wei se in de Aunlandschoftn Päiztia wia da Biba afkoitn hom, hod se s Mississippi-Toi boid zan Zändrum fian noadamerikanischn Päizhandl ausbuid[11].

Im 18. Joahundat hom de Ufa voum Fluß efda an Bsiza gwexld. Zeaschd woas ois Kolonie Louisiana voischdande in franzesischa Händ. No da Niadalog Frankreichs im simjarign Griag und dem Friadnsvodrog vo Baris 1763, is da Mississippi Grenz zwischn britischn und am 'schbanischn Kinereich woan. Sei rechds Ufa hom d Schbania griagt, s linke de Brietn. Bis 1783 homs de Brietn poitn. Nom Griag gega de Voeinigdn Stoodn hod England de Gebiade estle voum Mississippi an de Amerikana odren miassn. Easchd 1803 isa s westliche Ufa za USA kumma. Saidem is da Mississippi a reina amerikanischa Fluss und stäid koa Grenz mea zwischa vaschina suwaräna Stoodn doa.

Ära da Dambfschifffoat[VE | Weakln]

1810 hod afn Mississippi de Dampfschifffoat ogfangd, 1812 is da easchde Schauferaddambfa voum Robert Fulton im Linienvakea zwischa New Orleans und Natchez gfohn.1850 woans 740 Dampfschiff. De moastn san zwischa New Orleans und Louisville gfohn. Voa oim Bamwoi hod ma no New Orleans transboadiat und vo do no Airopa.[12][13].

Da Mississippi hod se za wiadschofdlichn Lemsoda gmausad und fia vui Siedla is St. Louis a wichdega Knodnpunkt gwen, weis vo do iwan California Trail oda Oregon Trail, no Westn ganga is. Memphis und New Orleans woan ned grod bedeidande Schdandoate fiad Wiadschofd, sundan a Zendren voum amerikanischn Sklafnhandl.

Im amerikanischn Biagagriag woa d Kontroi voum Mississippi a wichdegs Zui vo beide Patein gwen.

Jingsde Gschicht[VE | Weakln]

1927 hod da Fluss de gräßde Fluadkatasdrofa vauasacht, ois am Untalaaf za. 70.000 km² Land bis za 9 Meta hou iwaschwemmd und 700.000 Leid ewakuiad wean hom miassn[14]. 1993 hods wida a Joahundathouwossa gem, wou za. 80.000 km² Land unta wossa woan. 2011 woan de gräßdn Iwaschwemmunga seid 1927.

Im Netz[VE | Weakln]

 Commons: Mississippi River – Oibum mit Buidl, Videos und Audiodateien

Beleg[VE | Weakln]

  1. J.C. Kammerer: Largest Rivers in the United States, 1990. U.S. Geological Survey. (abgerufen am 2. September 2011)
  2. Jerry M. Hay: Mississippi River-Historic Sites & Interesting Places. S. 114, obgruafa am 2013-11-21.
  3. Duden, 25. Aufl., S.738
  4. F. L. Langstedt, Reisen nach Südamerika, Asien und Afrika, 1789
  5. Coon Rapids Dam, Coon Rapids, MN
  6. US Army Corps of Engineers. "Mississippi Locks and Dams". http://www.mvp.usace.army.mil/navigation/default.asp?pageid=145. Retrieved on 2010-04-10. 
  7. M. Niggemann (2002). "Der Mississippi und sein Delta" (PDF; 354 kB). http://www.ikzm-d.de/seminare/pdf/ulbrich_mississippidelta.pdf. Retrieved on 2010-04-10. 
  8. J. Ulbrich (2004). "Das Mississippi Delta" (PDF; 354 kB). http://www.ikzm-d.de/seminare/pdf/ulbrich_mississippidelta.pdf. Retrieved on 2010-04-10. 
  9. Scott, Q. (2008). "The Mississippi: A visual biography" (PDF; 376 kB). http://presscm.umsystem.edu/images/assets/File/Scott/assembling.the.mississippi.basin.pdf. Retrieved on 2013-02-04. 
  10. Franz, A. (2008). "Hügelstadt Cahokia - Amerikas mysteriöse Megacity". http://www.spiegel.de/wissenschaft/mensch/0,1518,551650,00.html. Retrieved on 2010-05-02. 
  11. The Powell County Museum and Arts Foundation. "The Fur Trade". http://www.pcmaf.org/fur_trade.htm. Retrieved on 2010-05-02. 
  12. snafu.de (1997). "Geschichte und Technik der Dampfschiffe, insbesondere Raddampfer". Archived from the original on 2008-06-14. http://web.archive.org/web/20080614083736/http://home.snafu.de/jk/radgt_2.htm. Retrieved on 2012-12-26. 
  13. Dziersk, M. (2009). "Mit einem Schaufelraddampfer auf dem Mississippi". http://www.welt.de/reise/article3301473/Mit-einem-Schaufelraddampfer-auf-dem-Mississippi.html. Retrieved on 2010-05-02. 
  14. S. Ambrose (2001). "Great Flood". http://news.nationalgeographic.com/news/2001/05/0501_river4.html. Retrieved on 2010-05-02.