Mittlmea

s Mittlmea

S Mittlmea (Mittelmeer) (lateinisch Mare Mediterraneum), is a Mea zwischn Eiropa, Afrika und Asien. Im Arabischn und Tiakischn weads aa ois „s weiße Mea“ (البحر الأبيض‎ / al-baḥr al-abyaḍ bzw. tiak. Akdeniz ) gnennt.

Zamm mit de drin liegandn Insln und de Ufaregiona vo Sideiropa, Vordaasien und Nordafrika buidd s Mittlmea an Mittlmearaum, dea wo a oagnas Klima hod und vo oana oagnan Flora und Fauna pregt is.

Eadkund

S Mittlmea hod a Fläch vo 2,5 Mio. km², da Rauminhoid is 4,3 Mio. km³. Im Calypsotiaf hods a maximale Tiafn vo 5.267 m.

Geologie

S Mittlmea is a Ibarest vo da Tethys, am Urozian wo iba de ganze Wejt greicht hod und uaspringle an Urkontinent Pangäa umschlossn hod. Wias Pangäa ausanandagrissn hod und drauf de Afrikanische Plottn af Nordn gwandat is, is so s Mittlmea buidd worn.

Vor eppa 7 Milliona Joar is s Mittlmea voistendi ausdrickat, wei da Mearesspiagl wegn ana Eiszeit um eppa 50 Meta gsunkn is. Dees Gebiet is za ana Soizwüstn worn (riesigs Soizlogastettn liegn heit no am Mearesgrund vom Mittlmea). Eascht a poa tausend Joar spada is s Mittlmea duachn Atlantik wieda afgfiit worn.

Klimawandl

S Mittlmea is vo da globaln Eaweamung stoark betroffa. So hom Forscha seit Mitte vom 20. Joarhundat an Ostieg vom Mearesspiagl festgstejt. Dea Ostieg hod si ob de 1970a Joar weida beschleinigt und liegt zua Zeit ba 2,5 bis 10 mm pro Joar. De Wossatemperatur is ebmfois signifikant ogstiegn.

Biacha

• Robert Hofrichter: Das Mittelmeer, Bd. 1: Allgemeiner Teil. Spektrum Akademischer Verlag, 2002, ISBN 3-8274-1050-9.
• Robert Hofrichter: Das Mittelmeer, Bd. 2/2: Bestimmungsführer. Spektrum Akademischer Verlag, März 2006, ISBN 3-8274-1170-X.
• Manfred Leier: Weltatlas der Ozeane – mit den Tiefenkarten der Weltmeere. Frederking und Thaler, Minga 2001, ISBN 3-89405-441-7, S. 226–241.

Im Netz

Wiktionary: Mittlmea – Bedeitungserklärunga, Wortherkunft, Synonyme und Ibasetzunga

Commons: Mittlmea – Buidl, Videos und/oda Audiodatein

• De gresstn Mittelmeer-Inseln
• Planet Ozean – Sunnigs Mittlmea (Europäische Kommission)
• IHO-Koartn vom Mittlmea und vo seine ogrenzendn Randmeare

35187