Mundart

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
da Zesen Filip hod s Woat "Mundart" eafundn

Des Wort "Mundart", auf (boarisch: aa Mundoat ausgschbrocha), is fum Filip Zesen im 17tn Joahundat eafundn woan und is afoch de hochdeitschn Iwasezung fum griachischn Wort "Dialekt" (gr. dialegomai „midanaunda ren“).

Domois hom Sprochschiza und Refoama Fremdwöata vadaidscht, domid de hochdeitsche Sproch ned fu latainische und griachische Werta iwaschwemt wiad - genau aso wia s haid a Diskusion gibt iwa de Anglizismen.

Untaschiad zwischn Dialekt und Mundoat[VE | Weakln]

Im haidign Sprochgebrauch gibt s owa doch kloane Untaschiad zwischn de Weata "Dialekt" und "Mundoat". Em wai des Wort duach a aktife Eideitschung entschdondn is, wiad s fu monche Dialektsprecha, -foascha und -schriftstella ned vawendt und ois Teutonismus ogseng. De vawendn liawa s Fremdwort "Dialekt".

Im oidaglichn Sprochgebrauch wiad owa maistns iwahapt koa Untaschiad gmocht und de zwoa Begrif san fia de mearan Leid gonz oafoch Sinonim (συνώνυμος, synonymos). Oi zwoa Begrif hom owa aa an negatifn Baigschmog, wai "Mundoat" zwor net und liab is, owa heid doch a komische oda schrulige Oboat fum Aigentlichn. Da naitrale und koarekde Ausdruk fia des wos im wissnschoftlichn Sin damid gmoand is, wa "Variantn fu ana Sproch".

In Östareich und Oidbayern moand ma midn Terminus "Mundart" eigentlich meistns de boarische Sproch.