Nåchthemmad
Aus Wikipedia
| Der Artikl is im Dialekt Nordboarisch gschrim worn. |
A Nåchthemmad[1] oda Nåchtgwand[1] is a Gwand, wås noamalaweis zum Schlåufa oozajgt. Wenn ma heind vu am Nåchthemmad redt, moand ma in de meistn Föi d'Nåchtwesch vu ara Frau. Nåchthemmada gibt s aa fia d'Maana, åwa daj håd ma heidzdåch nimma so oft. A klassischs Nåchthemmad is aus Leina oda Baamwoi, s gitt åwa aa edlare Modöi aus Seide, Satin oda Nylon. Manche Modöi san aa mit Spitze vaziat oda bstickt.
A Nåchthemmad ko an Ausschniid håm. Manche håm Öame, andane håm Träga oda wean am Buckl festgmacht. Aa bei da Leng gibt s untaschidliche Oatn. A klassischs Nåchthemmad gejt noamalaweis bis zu de Knaj oda a Stickl weida. A Babydoll gejt bis zu de Hüftn und a Négligé ko bis am Bôn gaj.
Quöin [dro werkln]
- ↑ 1,0 1,1 Ejtråg im Österreich-Wörterbuch. Aa d'Foam Nachtgewand ko ma in de Kommentare lesn
