Nahwa

Der Artikl is im Dialekt Owaöstareichisch gschrim worn.

Nei-Nahwa

Nahwa (arabisch النحوة‎, DMG an-Naḥwa) is a Deafi, des zum Emirat Schardscha gheat, des wieda a Teu vu de Vareinigtn Arabischn Emirate is. S'Bsundane an dem Deafi is, dass's komplett vu am zum Oman ghearadn Gebiet umgem is, des wås Madha (مدحاء‎‎, DMG Madḥāʾ) hoaßt und des wieda gãnz vu de Vareingtn Arabischn Emirate umgem is. Des hoaßt, dass Nahwa ane vu de wening Exklavn zweita Oadnung is.

Nahwa liegt ungefäa åcht Kilometa westlich vu Neu-Madha und is vu duat aus auf ana ned befestigtn Stråßn erreichbåa. Es gibt duat a Krãnknhaus und a modeane Polizeistazion und insgesãmt ziaka 40 Haisa. Nahwa liegt in da Mittn vu Beaggüpfin und teud si in an Åid-Nahwa und a Nei-Nahwa. S'åide Nahwa liegt westlich vum neichn Nahwa, is üwa a schlechte und dreckige Pistn ãufåahbåa und äama wia s'neiche Nahwa. Obwoi d'Låg vu Nahwa strategisch gscheid unguad is, kimmt am Nahwa bessa entwückid via wia s'omanische Madha, des ziemli laa wiakt.

Im Netz

• a Kåatn mit Nahwa
• Infoamazionen, Satellitn- und ãndare Büidln vu und üwa Nahwa