Neistod an da Doana
| Neistod an da Doana |
||
 |
|
|
| Basisdatn | ||
|---|---|---|
| Bundesland: | Bayern | |
| Landkroas: | Kelheim | |
| Hechn: | 354 m ü. NN | |
| Flächn: | 93,57 km² | |
| Eiwohna: |
12.863 (31. Dez. 2011)[1] |
|
| Dichtn: | 137 Eiw. pro km² | |
| Sonstige Datn | ||
| Postleitzoi : | 93333 | |
| Vorwoi: en | 09445 09444 (Mühlhausen) 08402 (Schwaig, Umbertshausen) |
|
| Kfz-Kennzoachn: | KEH | |
| Gmoaschlissl: | 09 2 73 152 | |
| Adress vo da Stadtvawoitung: | Stadtplatz 1 93333 Neistod an da Doana |
|
| Hoamseitn: | ||
| Politik | ||
| Buagamoasta: | Thomas Reimer | |
| Log vo da Stadt Neistod an da Doana im Landkroas Kelheim | ||
 |
||
Neistod an da Doana (amtle: Neustadt a.d.Donau) is a Stod an da Westgrenz vom Landkreis Keaham in Nidabayan. Ma kennt Neistod wengan Kuaoat Bad Gegging.
Inhoitsvazeichnis |
Geografie [dro werkln]
D'Stod liegt in da Mittn vo Inglstod und Rengsbuag, mittn im Toi vo da Doana af a 5 km broadn Schottaehm. Im Südn vo da Stod san de letztn Woidhigl vo da Holladau, de im Tertiär entstandn san und im Nordn find ma de letzn Koichhäng vom bayrischn Jura. Uim und Oms lafan in Neistod ind Doana.
Oatstei [dro werkln]
Zua Stod Neistod ghern foigade Deafa und oaschichtige Hef: Arasting, Bad Gegging, Deisnhofn, Eining, Geimasten, Hodafleg, Heilingstod, Heannam, Irnsing, Kapfastoa, Lina, Macham, Mauan , Mühlhausn , Nidaulro, Obaulro, Schwoag, Sittling, Umbatshausn und Wia.
In de Deafa lem vui Bauan. Hopfa und Spargl san bsondas wichti.
D'Gschicht [dro werkln]
D'Stod Neistod is ausm Doaf Trephenau entstandn, des da Herzog Ludwig da Strenge zu a vui gressanan und neia Stod umbaun lassn hod. Zerst hod de Stod no Seligenstod ghoassn. Unda dem Nam san da Stod d'Stadtrecht valiehn woan und zwa am 11.Mai 1273. Neistod hod domit s'eateste Stodrecht vo Bayern, des unda de Wittelsbacha valiehn woan und schriftli nochgwisn is. Späda hod si statt Seligenstod da Nam Neistod eibirgad. 1277 hod da Abt vo Weatnbuag in a Uakundn s'erste moi vo Neistod gschriem.
Neistod is in da Vagangaheit oft zastert und vo da Doana ibaschwemmt woan. Z'lezt oba, hod si Neistod zu an Industriestandoat entwicket, mit 6900 Abeitspletz. Ogfanga hods mit da Raffanirie Neistod in de 1960er Joa. Weida ganga is in de 1980er Joa, ois si vui Automobilzulifera ogsiedlt hom. Net z'letzt hod Neistod a vom Kuaoat Gegging Nutzn zogn.
D'Oidstod vo Neistod hod si no erhoidn, so wias frias wa. Sie is quadratisch, viaeckig und reglmäßig afbaut. Da sid-estliche Tei vo da Oidstod is net reglmäßig, wesweng ma moand, das des s'oide Trephenau gwen is. Da Stodwoi is a no do, gnauso da Stodgrom und de drei Stoddiam. Afm Stodwoi hams im vorign Jahundat schene Kastanienbam afi pflanzt. Heid kom ma duach a schene Kastanienallee, de net schena sei ko, geh.
Patnaschaftn mid andre Sted [dro werkln]
Neistod is in da Abatsgmeinschaft Neustadt in Europa. 36 Neistod san do drin, sogoa aus Ungan, Tschechien, Poln und da Slowakei. A Freindschaft is ma zua Recoaro Terme,Provinz Vicenza, Italien eiganga.
Wiatschaft und Infrastruktur [dro werkln]
Vakeha [dro werkln]
In Neistod kreizn se de Bundesstrassn B 16 und B2 999. Iba de zwoa Strassn kimd ma zua Audobahn A 9, de nach Minga oda Rengsbuag fiad. An Bahnhof hod Neistod a. In da Näh bei Keaham gibts an Doanahafn und da nexte Flugblooz is in Erding, 60km weid weg.
Seidn im Intanet [dro werkln]
Commons: Neistod an da Doana – Sammlung vo Buidl, Videos und AudiodateienBeleg [dro werkln]
- ↑ Bayerisches Landesamt für Statistik und Datenverarbeitung – Fortschreibung des Bevölkerungsstandes, Quartale (hier viertes Quartal, Stichtag zum Quartalsende) (Hilfe dazu)
Omsberg | Oaglsboch | Attenhofn | Bad Abbach | Biburg | Deing | Elsendorf | Essing | Hausn | Herrngiersdorf | Ihrlerstoa | Kelheim | Kirchdorf | Langquaid | Moaburg | Neistod an da Doana | Painten | Riadnburg | Rohr i.NB | Saal a.d.Donau | Siegenburg | Train | Volkenschwand | Wuidnberg
