New York (Bundesstaat)
Aus Wikipedia
| Der Artikl is im Dialekt Obaboarisch gschrim worn. |
| New York | |||||
|---|---|---|---|---|---|
|
|||||
 |
|||||
| Hauptstodt: | Albany | ||||
| Flächn: | 141.299[1] km² | ||||
| Einwohna: | 24.856.210 (2008) (137 E./km²) | ||||
| Mitglied seit: | 26. Juli 1788 | ||||
| Zeitzone: | Eastern: UTC-5/-4 | ||||
| Hechsta Punkt: | 1.628 m (Mount Marcy) | ||||
| Durchsch. Hechn: | 305 m | ||||
| Tiafsta Punkt: | 0 m Atlantischa Ozean | ||||
| Gouverneur: | David Paterson[2] | ||||
| Post / Amt / ISO | NY / / US-NY | ||||
 |
|||||
New York [nuː jɔːɹk] is a Bundesstaat in de Vaeinigtn Staatn. Zamm mit New Jersey und Pennsylvania wird New York zu dena Mittelatlantikstaatn grechnet.
New York hod a Flächn vo 141.299 Quadratkilometa und is mit 19,3 Muilliona Einwohna (Stand: 2006) noch Kalifornien und Texas beväikarungsmäßig da drittgrässte Bundesstaat vo de USA.
New York hod an offizielln Beinam Empire State (Reichs-Staat). Des kimmt ogeblich vo George Washington, 1. US-Präsident, der vo da wirtschoftlichn Macht und vum Reichtum vum Bundesstaat New York schwaa beeindruckt wor.
De Haptstodt vo New York is Albany; de grässte Stodt is New York City. S'Gebiet außahoib vum Stodtgebiet vo New York City wird Upstate New York gnennt. De grässtn Städt z Upstate New York san Buffalo, Rochester, Syracuse, Albany, Schenectady und Utica.
Inhoitsvazeichnis |
[dro werkln] Erdkunde
[dro werkln] Grässte Städt
- New York City (8.008.367 Eiwohna)
- Buffalo (282.865 Eiwohna)
- Rochester (212.481 Eiwohna)
- Yonkers (197.126 Eiwohna)
- Syracuse (143.101 Eiwohna)
- Albany (94.226 Eiwohna)
- New Rochelle (72.985 Eiwohna)
- Mount Vernon (68.321 Eiwohna)
- Schenectady (61.125 Eiwohna)
- Utica (59.684 Eiwohna)
[dro werkln] Gschicht
Im 17. Joahundat hom Niedalända in da Region Handlspostn fir Pejz vo de Irokesn, Delawarn (Lenape) und andare Indianastämm oglegt. Da erschte Postn wor Fort Nassau (1614, in da Nächn vo Albany). Weidane Handlsplätz worn Fort Amsterdam (1625, heit: New York City), Beverwijck (1647, heit: Albany) und Esopus (1653, heit Kingston).
1621 is de niedaländische Kolonie Nieuw Nederland grindt worn. 1664 is d Kolonie durch Annexion in Bsitz vo da englischn Krone kemma und in New Jersey und New York toalt worn. Da Nam New York kimmt vum Herzog vo York (späda Kini Jakob II.), dea wos de Kolonie vo seim Bruada, Kini Karl II., gschenkt kriagt hod.
1788 hod New York ois 11. Staat an Vatrog fir de amerikanische Union ratifiziat und wor damit oana vo de 13 Kolonien, de wos de USA grindt hom. D erschte Hauptstodt vo da USA is 1789 New York City worn.
[dro werkln] Sport
New York hod vui guade Sportvareine. D Buffalo Bills spuin in da National Football League und d New York Knicks in da National Basketball Association. Drei Eishockey-Club san in da National Hockey League: D Buffalo Sabres, d New York Islanders und d New York Rangers. Zwoa Baseballvareine spuin in da Major League: D New York Mets und d New York Yankees.
Z Lake Placid hom 1932 und 1980 Olympische Wintaspui stottgfundn. Lake Placid is damit oana vo nur drei Ortn, de wos de Wintaspui zwoamoi austrogn hom, sowia aa Inschbruck und St. Moritz.
[dro werkln] Oanzlnochweis
- ↑ http://www.census.gov/population/www/censusdata/density.html
- ↑ spiegel.de: Blinder wird neuer Gouverneur New Yorks
[dro werkln] Weblinks
| Commons: New York – Buidl, Videos und/oda Audiodatein |
| Wiktionary: New York – Bedeitungserklärunga, Wortherkunft, Synonyme und Iabasetzunga |
- Hoamseitn vo New York (englisch)
- Deische Hoamseitn vo New York, Tourismus-Netzseitn
- Deitscha Reisefiahra vo New York, ohne New York City)
