Niadaöstareich
| Niadaestareich Niederösterreich |
|
 |
|
| Laundesflaggn | Laundeswoppm |
|---|---|
 |
 |
| S Wichtigste | |
| Laundeshauptstod: | St. Pötn |
| Greßte Stod: | St. Pötn |
| ISO 3166-2: | AT-3 |
| Haamseitn: | www.noe.gv.at |
| Politik | |
| Laundeshauptmau: | Erwin Pröll (ÖVP) |
| Regiarende Patein: | ÖVP |
| Sitzverteulung im Launddog (56 Sitz): | ÖVP 30 SPÖ 13 Team Stronach 5 FPÖ 4 Greane 4 |
| letzte Woih: | 03. Mäaz 2013 |
| nächste Woih: | 2018 |
| Bevökarung | |
| Eiwohner: | 1.545.804 (15. Mai 2001) |
| – Raung: | 2. vo 9 |
| Bevökarungsdichtn: | 81 Eiwohner/km² |
| Eadkunde | |
| Flächn: | 19.177,78 km² |
| Geografische Log: | 47° 25' - 49° 1' n. Br. 14° 27' - 17° 4' ö. L. |
| Ausdehnung: | Noad-Süd: 178 km West-Ost: 196 km |
| Hechsta Punkt: | 2.076 m (Schnähberg) |
| Tiafsta Punkt: | 139 m (Gemeinde Beag) |
| Vawoitungsgliedarung | |
| Beziake: | 4 Statutarstädte 21 Beziake |
| Grichtsbeziake: | 32 |
| Gmeindn: | 573 |
Niadaestareich (aumtlich: Niederösterreich) is ans vo de nein Bundeslända vo Estareich (oida Naum: Eazheazogtum Estareich unta da Enns). Noch da Flächn is dees gresste, noch da Eiwohnazoi dees zwatgresste Bundeslaund. Es grenzt im Noadn aun de Tschechei, im Noadostn aun de Slowakei, im Südostn auns Burgnlaund, im Süden an de Steiamoak und im Westn an Owaestareich. Es umschliasst dees Laund Wean, dees wos bis 1922 zu Niadaestareich gheat hod. Niadaestareich und dees Nochbabundeslaund Owaestareich san zaum de Keanlända vom Stoot Estareich.
St. Pötn is duach a Voiksobstimmung seit 1986 Laundeshauptstod vo Niadaestareich. Davua hod de Laundesregiarung ian Sitz in Wean ghobt.
Inhoitsvazeichnis |
Eadkunde [dro werkln]
| De Viadln und Beziak vo Niadaestareich | ||
|---|---|---|
Niadaestareich is mit 19.177,78 s flächnmäßig gresste Bundeslaund vo Estareich. Es is laundschoftlich in Viadln eiteut: s Weiviadl und s Woidviadl neadlich, s Mostviadl und s Industrieviadl/Thermenregion südlich vo da Donau. De Viadln hom, geographisch gsegn, a voikommen untaschiedliche Struktur. Daweu 's im Mostviadl de Auslaifa vo de Koikoipen mit Beag um de 2.000 m gibt, is s Woidviadl hauptsächlich a Granitplateau. Im Noadosten liegts higlige Weiviadl, dees wos ins floche Moachföd ofoit und südlich vo da Donau dees Weana Beckn.
Niedaöstareich grenzt auf ana Läng vo 414 km aun de Nochbalända Tschechien und Slowakei, und is s Bundesland mit da zweitlängstn Außngrenz.
Trennt wern de Viadln in westestlicha Richtung vo da Donau, in Noad-Süd-Richtung vom Manhartsberg und im Weanawoid mit da Thermenlinie.
Beag [dro werkln]
- Schnääbeag (Klosterwoppm; 2.076 m)
- Rax (Scheibwoidhechn; 1.943 m; hexte Eahebung: Heikuppm; 2.007 m – Steiamoak)
- Ötscha (1.893 m)
- Diansta (1.878 m)
- Hochkoa (1.808 m)
- Hochwexl (1.743 m)
- Hoche Waund (Plockles 1.132m)
- Diarre Waund (Kotharianenschlog 1.222 m )
- Großa Peusta (1.061 m)
- Hocheck (1.036 m)
- Eibl (1.007 m)
- Sundaberg(704 m)
Oipm-Iwagäng [dro werkln]
- Semmaring (985 m)
- Wexl (980 m)
Fliss [dro werkln]
Niedaestareich wiad fust ausa gaunza iwa de Donau entwässat. Da anzige Fluss, der sein Obfluss iwa de Moidau und de Elbe in de Noadsee hod, is de Lainsitz im Woidviadl.
De wichtigstn Fliss neadlich vo da Donau san da Kamp, de Krems, de Lainsitz, de Maach und de Thaya. Südlich vo da Donau sans de Enns, de Ybbs, da Ealauf, de Mök, de Traisn, de Schwechat, de Fischa, de Schwaza, de Triasting und de Leitha.
Seen [dro werkln]
- Stausee Ottensta (4,3 km²)
- Lunza See (0,69 km²)
- Ealaufsee (etwa zua Höftn in Niedaestareich gleng; 0,56 km²)
Flächnvateulung [dro werkln]
| Kuituaoart | Flächn in km² | % vo da Gesaumtflächn |
|---|---|---|
| Ockalaund | 7.000 | 42 |
| Woid | 6.711 | 40 |
| Wiesn | 1.750 | 11 |
| Oiman und Weidn | 300 | 1,7 |
| Weigeatn | 315 | 1,9 |
Naturschutz [dro werkln]
Im Naturschutz gibts vaschiedane Schutzstufn mit untaschiedlichn Prioritätn.
De Schutzstufn san:
- Landschoftsschutzgebiet: 39 Landschoftsschutzgebiete (22% vo da Gsaumtflächn); im Vagleich zan Naturschutzgebiet san Landschoftsschutzgebiete großflächiga, Auflogn und Nutzungseinschränkungen owa geringa.
- Nationalpark: Niadaestareich is dees anzige Bundesland mit zwa Nationalparks, Thayatoi und Donau-Aun
- Naturpark: 23 Naturparks mit rund 500 km² vo da Landesflächn
- Naturschutzgebiete: 68 Naturschutzgebiete mit ana Flächn vo 133 km²
Gschicht [dro werkln]
Niadaestareich is dees Kernland vo Estareich. Friacha hods nua Estareich ghaßn (späda: unta da Enns) und hod da Dynastie Habsburg bzw. Habsburg-Lothringen („Haus Estareich“) und en jeweuligen Gsamtstoot en Naumen gem.
Aus dem Grund is de Gschicht vo Niadaestareich mit da Gschicht vo Estareich mehr oda weniga identisch.
Bevökarung [dro werkln]
| Bevökarungs- entwicklung |
|
|---|---|
| Datum | Eiwohna |
| um 1527 | 500.000 |
| um 1600 | 580.000 |
| um 1700 | 630.000 |
| 1754 | 922.000 |
| 1780 | 974.000 |
| 1790 | 1.000.000 |
| 1794/1795 | 1.028.300 |
| 1810 | 1.040.700 |
| 1821 | 1.142.600 |
| 1830 | 881.500 |
| 1840 | 896.600 |
| 1850 | 976.600 |
| 1857 | 987.900 |
| 1869 | 1.077.232 |
| 1880 | 1.152.767 |
| 1890 | 1.213.471 |
| 1900 | 1.310.506 |
| 1910 | 1.425.238 |
| 1923 | 1.426.885 |
| 1934 | 1.446.675 |
| 1939 | 1.455.329 |
| 1951 | 1.400.471 |
| 1961 | 1.374.012 |
| 1971 | 1.420.816 |
| 1981 | 1.427.849 |
| 1991 | 1.479.187 |
| 2001 | 1.542.574 |
| 2004 | 1.563.872 |
De Bevökarung nimmt in de zentraln Gebiete im Umlaund vo Wean laufend zua, teuweis duach Zuazug ausm städdischn Bereich, owa a duach Zuazug aus de periphean Gebiete, zum Beispü ausm Woidviadl oder de Raundgebiete vom Weiviadl, de teuweis a Problemgebiete aum Orwatsmoakt san. Seit St. Pötn de Laundeshauptstod is, is a duat a steakare Zuawaundarung feststöboa. Weu in sensible Gebiete wiar im Weanawoid duachn Zuazug de Gfoah vo ana Zasiedlung gem is, wern laufend restriktivare Mossnaumen in da Raumordnungspolitik festglegt.
Der Ausländeraunteu is, gmessn aun gaunz Estareich, mit 6,3 % untaduachschnittlich.
Religion [dro werkln]
Im Joa 2001 woan 79,3 % vo de Bewohna remisch-katholisch, 3,3 % protestantisch mit 60 Kiachn in 27 Pfoan, 3,2 % islamisch und 10,8 % konfessionslos.
Politik [dro werkln]
1918–1934 woa Niadaestareich zeascht in via Woikraas aufteut. Da Launddog hod aus 60 Obgeordnetn bestaund. 1932 hom de letztn demokratischn Woin vua da NS-Zeit stottgfundn: Es san ocht Woikraas buidd wuan und de Zoi vo de Obgeordnetn is auf 56 varingat wuan. So hod ma vasuacht de domolign Großpartein z steakn und de imma steaka weadande NSDAP z schwächn.
1934–1938 is dees Laund ständestootlich regiat wuan, 1938–1945 is a Reichsstotthoida (Gauleita) an da Spitzn vo da Laundesvawoitung und vo da NSDAP im Laund gstaundn.
Seit 1945 wia de Laundespolitik vo da ÖVP dominiat, de wos seit domois aa in Laundeshauptmann stöd. De Buagamoaste ghean aa meaheitlich da ÖVP aun. De SPÖ is de zwatsteakste Kroft im Laund.
Seit 2013 san im niadaestareichischn Launddog fümf Partein vatretn:
- ÖVP mit 30 Sitz
- SPÖ mit 13 Sitz
- Team Stronach mit 5 Sitz
- FPÖ mit 6 Sitz
- De Greanan mit 4 Sitz
- (Staund:2138)
Die Laundesregierung setzt si zaumm ausm Laundeshauptmau, seine zwa Stövatreta und sechs Regiarungsmitglieda, de Laundesrät gnaunnt wean. De Patein entsenden de Mitglieda vo da Laundesregiarung nåch’m Vahötnis vo de eareichtn Wölastimman. Daher san - obwoi de ÖVP mit åbsoluta Meaheit regiat - a SPÖ-Mitglieda in da Laundesregiarung vatretn.
In Bundesråt entsendt es Bundeslaund 12 Mandatare; davo ghean siebane der ÖVP, drei da SPÖ ans da FPÖ und ans denan Greanan.
Im Nationalråt ist de ÖVP mit 11, de SPÖ mit 10, de FPÖ mit 6, is BZÖ und de Greanan mit je 2 Mandatare vatretn (Staund 2005).
Vawoitung [dro werkln]
Niadaestareich is in 21 Vawoitungsbeziake und 4 Statutarstädde gliadat. Seit da letzten emeindereform vo 1970 und a poa klanan Ändarungen gibts 573 Gmeindn.
Noch ana Obstimmung is 1986 St. Pötn de Laundeshauptstod wuan. Da Umzug vo da Laundesregiarung und vo da Vawoitung hod bis 1996 dauat, bis duathin woa da Sitz im Laundhaus in da Herrngossn in Wean im Easchtn Beziak.
Zua gleichn Zeit mit da Iwasiedlung vo da Lanudesregiarung nach St. Pötn is aa a Vawoitungsrefoam eigleit wuan, de a a Dezentralisiarung vo de Beheadn bedeit hod und ma de anzlnan Vawoitungsstön näha in de anzlnan Laundesviadln bei anzlne Beziakshauptmauschoftn augsiedlt hod.
Hauptregionen [dro werkln]
De niadaesterreichische Landesplanung hod aus operativen Gründn dees Laundesgebiet in fümf Aktionsraime vo de Regionaln Entwicklungsvabänd bzw. vom zuaghearign Regionalmanagement untateut:
- Industrieviatl
- NÖ-Mitte (St. Pötn, Krems und Lielienföd)[1]
- Mostviatl
- Woidviatl
- Weinviatl
Die sognanntn Hauptregionen fossn Gebiete zaumen, de wos gmeinsaume Meakmoi (geografische Lagebeziehungen, ähnliche Wirtschaftsstruktur, Ressourcenausstattung) oda ähnliche Probleme hom. Hauptaufgob is, de Aunliegn vo de Regionen z artikulian, entwicklungsstrategisch wichtige Themenschwaapunkte z formulian und passende Leitprojekte zu initiian.
Statutarstädde [dro werkln]
Dees san Gmeindn, de wos ned nua dees Stodrecht besitzn, sundan aa kaana Beziakshauptmaunschoft untastöd san, sundan si in eanan eiganen Stodaumt (Magistrat) söbst vawoitn.
| Statutarstod/Vawoitungssitz | Flächn (km²) |
Einwohna | Kfz-Kenn- zeichn |
|---|---|---|---|
| Krems | 51,61 km² | 23.813 | KS |
| St. Pötn | 108,48 km² | 51.688 | P |
| Waidhofn an da Ybbs | 131,52 km² | 11.527 | WY |
| Weana Neistod | 60,96 km² | 40.708 | WN |
Beziake [dro werkln]
| Beziak | Vawoitungssitz | Flächn (km²) |
Eiwohna 1. Jenna 2010 |
Kfz-Kenn- zeichen |
|---|---|---|---|---|
| Amstettn | Amstettn | 1.187,97 km² | 112.227 | AM |
| Badn | Baden | 753,37 km² | 136.950 | BN |
| Bruck an da Leitha | Bruck an da Leitha | 494,95 km² | 42.580 | BL |
| Gänserndorf | Gänserndorf | 1.271,31 km² | 94.924 | GF |
| Gmünd | Gmünd | 786,24 km² | 38.219 | GD |
| Hollabrunn | Hollabrunn | 1.010,72 km² | 50.420 | HL |
| Horn | Horn | 783,99 km² | 31.529 | HO |
| Korneiburg | Korneiburg | 626,50 km² | 74.450 | KO |
| Krems-Land | Krems | 923,95 km² | 55.604 | KR |
| Lilienföd | Lilienföd | 931,55 km² | 26.730 | LF |
| Mök | Mök | 1.013,62 km² | 76.498 | ME |
| Mistlboch | Mistlboch | 1.291,30 km² | 74.153 | MI |
| Mödling | Mödling | 277,02 km² | 113.329 | MD |
| Neinkirchn | Neinkirchn | 1.146,35 km² | 85.870 | NK |
| St. Pötn-Laund | St. Pötn | 1.121,61 km² | 96.497 | PL |
| Scheibbs | Scheibbs | 1.023,49 km² | 41.227 | SB |
| Tulln|Tuin | Tuin an da Donau | 658,03 km² | 69.894 | TU |
| Waidhofen an da Thaya | Waidhofn an da Thaya | 669,14 km² | 27.098 | WT |
| Weana Neistod-Land | Weana Neistod | 969,72 km² | 74.798 | WB |
| Wean-Umgebung | Klostaneiburg | 484,48 km² | 113.207 | WU, SW |
| Zwettl | Zwettl-Niedaösterreich | 1.399,76 km² | 44.036 | ZT |
Wiatschoft [dro werkln]
De wiatschoftlich stärkstn Regionen im Land liegn entlaung vo da Thermenlinie. De stärkste Wiatschoftskroft hom de Gebiete um Wean, mit da Entfeanung vo Wean sinkt in da Regl de Wiatschoftskroft. Da Beziak Mödling, in da Nähe vo Wean, hod des hechste Steiaaufkommen.
Nochm Zwatn Wödkriag is des Land in da sowjetischn Besotzungszone glegn, wos a Nochtei fia de wiatschoftliche Entwicklung woa. De Zastearung vo Großbetriebm, Demontagen und Reparationen (Eadö vom Marchföd) hom si wiatschoftlich negativ ausgwiakt. Eascht noch Obschluss vom Stootsvatrog 1955 hod in Niadaestareich da wiatschoftliche Wiedaaufbau augfaungt. Owa bis 1989 hod da Eisane Vuahaung de Wiatschoftskroft bremst. So gibts bis heit no an großn Strom aun Doges- und Wochenendpendla noch zu eanan Orwadsplotz noch Wean.
Biachl [dro werkln]
- Karl Gutkas: Geschichte Niederösterreichs. Valog: Böhlau, Wean 1984
Im Netz [dro werkln]
Commons: Niedaösterreich – Oibum mit Buidl, Videos und Audiodateien- Haamseitn vo da Niedaösterreichischen Laundesregiarung
- „Niederösterreich – Hinein ins Leben.“ (offiziös Tourismus- und Kuituaportal)
Beleg [dro werkln]
Burgnland • Karntn • Minga • Niadabayern • Niadaesterraich • Obabayern • Oweresterraich • Owerpfoiz • Nord-, Ost-, und Sidtiaroi • Soizburg • Staiermork • Wean
