Niadabayern
| Der Artikl is im Dialekt Obaboarisch gschrim worn. |
| Niadabayern | |||
|
|||
| Staat: | Deitschland | ||
| Bundesland: | Bayern | ||
| Vawoitungssitz: | Landsad | ||
| Gresste Sted: | 1. Landsad 2. Bossa 3. Straubing 4. Deggndorf |
||
| Flächn: | 10.329,91 km² | ||
| Eiwohna: | 1.191.910 (31.12.2008) | ||
| Beväikarungsdichtn: | 115 Eiwohner/km² | ||
| Bezirkstogspräsident: | Manfred Hölzlein (CSU) | ||
| Regierungspräsident: | Heinz Grunwald | ||
| Hoamseitn: | |||
  Log z' Bayern und Deitschland |
|||
Niadabayern oda Niedabayern is oana vo de siem Regiarungsbeziak vo Bayern. De Haptstodt vum Regiarungsbeziak Niadabayern is Landsad (ca. 60.000 Eiwohna).
Da Regierungsbezirk bschded aus de Landkroas Kelheim, Landsad, Straubing-Bogn, Dinglfing-Landa, Routtoi-Inn, Reng, Degndorf, Freyung-Grafenau und Bossa (vo West noch Ost) und außadem aus de kroasfrein Städd Landsad, Bossa und Straubing.
Inhoitsvazeichnis |
[drå werkln] Eadkund
Niadabayern liagd zwischn de Regiarungsbeziak Obapfoiz (Haptstodt Rengschburg) und Obabayern (Haptstodt Minga) und grenzd an de Tschechei und Esterreich.
Geographische Läng und Broadn: 11,5° bis 13,5° estliche Läng und 48° bis 49° neadliche Broadn.
Gebirg gibts in Niadabayern nur an Boarischn Woid, dea wo a durchschnidliche Heh vo 1000 m hod. De bekanntesdn Berg im Bairischn Woid hand da Einödriegel (1121 m), da Hirschnstoa (1095 m), da Pröller (1048 m), da Grouße Arba (1456 m), da Rachel (1453 m), da Lusen (1373 m), da Dreisessl (1312 m), da Almberg (1139 m) und da Brotjacklriegl (1016 m).
Desweng hand im Winda a vui Schifahra in de Landkroas Regen und Freyung-Grafenau, und a Degndoaf, Bossa und Straubing-Bogn. De Orte beim Groußen Arba (1456 m), am Rachel (1453 m), am Lusen (1373 m) und am Almberg (1139 m) hand bekannd fiar eran Wintersport.
Nennasweat is a da Landesobschnid undahoi da Doana, ungfähr vo Rengschburg bis Vuidshofa, da so genannde Gaibon oda a Dungau. Wei da Bodn durd so fruchdba is, wernd do haubdsächle Zuggaruam obaud. Z Blalleng is desweng a Zuggaruamfabrik, zu dera olle Gaibonbauan erane Zuggaruam hifohrn miassn. Außadem werd sunsd a no Woaz, Gerschn, Gmias, vor oim Erdapfe, und Obsd obaud.
[drå werkln] Gschicht
Da Begriff „Niadabayern“ kimmt zum erschtn Moi im Jahr 1255 bei da boarischn Landesteilung auf. Damois ghern aa da Cheamgau und de Gengad vo Bad Reichahoi no dazua. In da Boarischn Vafossung vo 1808 homs Baiern in Kroas eideid. Da Kini Ludwig I. hod nacha 1837 an "Unterdoanakroas" oafoch Niadabaiern gnennt.
Niadabayern is a traditioneja Nama. Des heitige Niadabayern deckt si owa ba weidn ned mitm historischn Niadabayern. De Bevejkarung identifiziat si heit owa mit dera wuikiale gwejtn Bezeichnung.
[drå werkln] Gliadarung
Da Regiarungsbeziak Niadabayern hod drei kroasfreie Städd und nei Landkroas:
[drå werkln] Kroasfreie Stod
[drå werkln] Landkroas
Friarane Landkroasnama:
- Da Landkroas Dingolfing-Landau wor moi vom 1. Juli 1972 bis zum 30. Aprui 1973 da Landkroas Untare Isar.
- Der Landkroas Freyung-Grafenau wor moi vom 1. Juli 1972 bis zum 30. Aprui 1973 da Landkroas Freyung.
- Der Landkroas Rottal-Inn wor moi vom 1. Juli 1972 bis zum 30. Aprui 1973 da Landkroas Rottoi.
[drå werkln] Vor da Landkroasreform
Vor da Landkroasreform am 1. Juli 1972 hod Niadabayern via kroasfreie Städd und 22 Landkroas ghobt. Da Landkroas Ketzting, und Grund vom Landkroass Mallersdorf kead etz zua Obapfoiz.
[drå werkln] Kroasfreie Stod
[drå werkln] Landkroas
|
|
Omeakung: Bis 1954 han de Regiarungsbeziak Niadabayern und Obapfoiz gmoasam vawoit worn. Tei davo sand bis heid imma no do und wern imma no zam in Landsad vawoit.
[drå werkln] Städd mid mea wia 10.000 Eiwohna (Stand: 31. Dez. 2009)
| Nr. | Stod | Eiwohna |
|---|---|---|
| 1 | Landsad | 62.735 |
| 2 | Bossa | 50.627 |
| 3 | Straubing | 44.493 |
| 4 | Deggndorf | 31.536 |
| 5 | Dinglfing | 18.094 |
| 6 | Vuishofa | 16.286 |
| 7 | Kelheim | 15.471 |
| 8 | Pocking | 14.884 |
| 9 | Mainburg | 13.994 |
| 10 | Eggnfejdn | 12.827 |
| 11 | Neistod | 12.760 |
| 12 | Plattling | 12.673 |
| 13 | Omsberg | 12.659 |
| 14 | Landa | 12.585 |
| 15 | Hauzenberg | 12.054 |
| 16 | Pforrkiach | 11.794 |
| 17 | Regn | 11.784 |
| 18 | Ostahofa | 11.707 |
| 19 | Vuisiburg | 11.517 |
| 20 | Woidkiach | 10.446 |
| 21 | Bong | 10.135 |
[drå werkln] Beziak
[drå werkln] Beziakstog
[drå werkln] Zsammasetzung
| Wahl | CSU | SPD | FW | Greane | ödp | FDP | REP | BP | NPD | GDP¹ | Gesamt |
|---|---|---|---|---|---|---|---|---|---|---|---|
| 2008 | 9 | 3 | 3 | 1 | 1 | 1 | 18 | ||||
| 2003 | 12² | 3 | 1 | 1 | 1² | 18 | |||||
| 1998 | 12 | 6 | 1 | 1 | 20 | ||||||
| 1994 | 12 | 6 | 1 | 1 | 20 | ||||||
| 1990 | 13 | 5 | 1 | 1 | 20 | ||||||
| 1986 | 14 | 5 | 1 | 20 | |||||||
| 1982 | 15 | 5 | 20 | ||||||||
| 1978 | 15 | 5 | 20 | ||||||||
| 1974 | 15 | 5 | 20 | ||||||||
| 1970 | 16 | 5 | 21 | ||||||||
| 1966 | 13 | 6 | 1 | 1 | 21 | ||||||
| 1962 | 14 | 7 | 2 | 2 | 25 | ||||||
| 1958 | 13 | 5 | 4 | 3 | 25 | ||||||
| 1954 | 11 | 5 | 6 | 3 | 25 |
¹ 1954 und 1958 Gesamtdeutscher Block/Bund vo de Hoamatvatrieban und Entrechtetn (GB/BHE)
² Am 27. Feba 2006 hod de ÖDP ihan Beziakstogssitz duach oan Parteiaustritt valorn. Dea Beziaksrot is zua CSU gwexlt.
Im iatzign Beziakstog (2003-2008) buidn Freie Wähler, Greane und ÖDP a Ausschussgmoaschoft.
[drå werkln] Beziakstogspräsident
Beziakstogspräsident is da Hölzlein Manfred (CSU). Sei Stäivatreta is da Jahrstorfer Anton (CSU).
[drå werkln] Regiarungsbeziak
[drå werkln] Regiarungspräsidentn
|
|
[drå werkln] Biacha
- Franz X. Bogner: Niederbayern aus der Luft. Verlag Friedrich Pustet, Regnschburg 2010, ISBN 978-3-7917-2276-4.
- Gerald Huber: Kleine Geschichte Niederbayerns. Pustet, Regnschburg 2007, ISBN 978-3-7917-2048-7.
- Ursula Pfistermeister: Himmlische Ansichten. Niederbayern im Luftbild. Buch & Kunstverlag Oberpfalz, Amberg 2000, ISBN 3-924350-87-6
[drå werkln] Im Netz
| Commons: Niadabayern – Buidl, Videos und/oda Audiodatein |
Burgnland • Karntn • Minga • Niadabayern • Niadaesterraich • Obabayern • Oweresterraich • Owerpfoiz • Nord-, Ost-, und Sidtiaroi • Soizburg • Staiermork • Wean
