Nordische Kombination

Aus Wikipedia
Wexln zua: Navigation, Suach
Piktogramm fia de nordische Kombination

De Nordische Kombination is a Mehrkampfsportart, de wäi in Winter bedriem wird. Zerst doun de Sportler Skispringa, nachernd kimmt Skilanglauf.

Gschichd[VE | Weakln]

De Nordische Kombinatuiin is a Spoatart mid ana langer Gschicht. Vo de easdn Olymbischn Winderspiele is bereits ausdrong woan. Do san de Sportler erst ghupft, nachernd sans 18 km grennd. Mid an komblizierdn Punktesysdem is nachernd da Siega ausgrechert worn. Oana vo de bekanntasdn und erfolgreichsdn Sportler zu deara Zeid woar da Gunder Gundersen. Der hod nachernd de sogenannte Gundersenmethode entwiggld. Do is da Rückstand vom Skispringa in a Zeid umgrecherd worn. Des woar nachernd da Rückstand, mid den wäis lous grennd san. Wer als easda in Züll gwen is, hod gwunger ghod. As Langlaufen hammands iagandwann kirzer gmocht. Wieder schbäder hod ma nachand mearane Disziplinen eigfiahrt, wäi z. B. Sprint. Heizedogs giz wieder sched mea oa Disziplin, waalse kaam oana no auskennd hod. Äitz wird easd oaml ghupft, nachernd 10 km grennd. Owa de Gundersenmethode nimmt ma bis heid her.

Wichdige Wettkämbfe[VE | Weakln]

A näids Johr giz an Weltcup, wous Bungde fia oanzlne Weddbeweabe gidd. Wear aafzletzt de mearan Bungde hod, is Gesamtweltcupsieger. In letzan Johr hod da Koivuranta Anssi vo Finnland gwunga.

Alle zwoa Johr is aussadem de noadische Ski-WM, wous mearane Weddbeweabe in da Nordischen Kombination gidd.

Vo de Olymbischn Spiele hoz bis äitz awl oan oda meara Weddbeweabe in da Nordischn Kombination gem.

Alle de Weddbeweabe giz owa sched fiar d'Mona.

Bekannde Sportla[VE | Weakln]

Einheimische[VE | Weakln]

  • Bayern: Rydzek Hans, Weinbruch Hermann
  • Östareicha: Gottwald Felix, Bieler Christoph, Stecher Mario, Denifl Willi, Klapfer Lucke, Gruber Bernhard, Guaber Miche, Krainer David

Främe[VE | Weakln]

  • Breissn: Ackermann Ronny, Kircheisen Björn, Menz Hias, Hettisch Schorsch, Haseney Wast, Thoma Schorsch, Edelmann Tino, Frenzl Eric
  • Finnen: Koivuranta Anssi, Ryynänen Janne, Manninen Hannu, Larjunen Samppa, Tallus Jaakko
  • Norwega: Moan Magnus, Klemetsen Havard, Tande Petter, Wirkola Bjørn
  • Franzosn: Chappuis Jason, Laheurte Maximilian, Braud François, Lacroix Sebastien
  • Japaner: Kobayashi Norihito, Takahashi Daito
  • Amerikaner: Lodwick Todd, Demong Billy, Spillane Johnny

Im Netz[VE | Weakln]

 Commons: Nordic combined – Sammlung vo Buidl, Videos und Audiodateien