Nutza

Aus Wikipedia
Wexln zua: Navigation, Suach

A Nutza, englisch user is in da Informationstechnik (IT) a Mensch, dea wo a Huifsmittl vawendt, um daduach an Voatei z dalonga.

Da Nutzn ko ned nua im witschoftlichn Voatei (Zeit, Kostn und Qualität) liegn sondan aa im Lustgewinn. Deshoib is jemond wo am Rechna spuit, a Nutza (vo an Spuiprogramm). Nutza nennt ma aa a Mitgliad vo ana Netz-Gmoa (engl. online community).

As Recht a IT-System z nutzn ko aa vom Oleng vo an Nutzakonto (engl. user account) obhängig sein. Es ko oba aa so sein, dass a Nutzakonto ondane Rechte hod ois wia a Nutza, dea wo si ned ogmäid hod (vgl. Wikipedia). Nutzakonten bzw. Nutzagruppm kennan si oba aa duach vaschiedane Rechte untascheidn (vgl. Otto-Normal-Nutza, Administrator, Birokrat, Steward usw. in da Wikipedia).