Oarlengde Woimuichsau
Aus Wikipedia
| Der Artikl is im Dialekt Obaboarisch gschrim worn. |
De oarlengde Woimuichsau war a Sach, vo de a jeda Baur dramt. S' is aba erst amoi a Fablwesn wia da Woiperdinger. Der Begriff hod heitzdog vor oim a Vabreitung in da modernen Technik und Wirtschaft. Ma moant damit Sachan, de bsundas vui kenna, oda vui Vorteile in si vaeinen. Oft werds dann aba ironisch gmoant, wenn de Sachan doch ned so guad han, wia da Herstella vaspricht. Ab und diam moant ma damit a Forderunga, de oafach ned erfüllt wern kenna. Wenn zum Beispui nach am Mitarbeiter gsuacht werd, de a abgschlossns Studium und vui Berufserfahrung ham soi, aba ned älta ois 28 Johr sei deaf. Dann is do woi jemand auf da Suach nach da oarlengde Woimuichsau.
[dro werkln] Heakunft voo dem Begriff
1968 is beim Barras dea Begriff eierlegendes und milchgebendes Wollschwein im Rekrutnjargon s erschte Moi auftauchd. Boid scho hod se awa da Begriff oarlegade Woimuichsau duachgsetzt. Bezeichned homs damid z'erscht an Panavia Tornado. Um 1985 håm se den Begriff nacha d'EDV-Leid z'eign gmacht und damid håd a se recht schnäij in da Beväikarung vabreidt.
[dro werkln] Quäijn
- Zua Heakunft vo dem Woat:Heinz Küpper: Illustriertes Lexikon der deutschen Umgangssprache in 8 Bänden. Bd. 8. Stuttgart 1984, S. 3117. Fundstäijn füa den Begriff Wollmilchsau im Online-Archiv vom Magazin Der Spiegel, in Google Books und in der Fachpresse-Datenbank von GBI-Genios.
