Owazentrum
Aus Wikipedia
| Der Artikl is im Dialekt Ståd-Såizburgarisch gschrim worn. |
A Owazentrum is in da deitschn Raumplànung und drüwa auße in da Wirdschåftsgeogràfie a zentràla Ort vo da hechstn Stufm im System vo de zentràln Orte, des wås si da Christaller Walter ausdåcht håd, a deitscha Geogràf.
Åmtli féstglégt wern de Owazentren - genau a so åis wia d'Mittlzentren - in de Pläne und Programme vo da Låndes- und Regionàlplànung vom jeweuling Bundeslånd. Rund um so a Owazentrum - in dem sein Eîzugsgebied - gibt's normàlaweis mehrane Mittlzentren und då rundumadum wieda mehrane Untazentren. In Owazentren griagt ma néd netta Såchn und Dienstleistungen, de wås ma dauand oda régümäßig brauchd, sondan à spezialisierte Såchn und Dienstleistungen, zum Beispüi:
- bsondane Wårnhaisa
- Speziàlgschäftln
- Fåchklinikn
- Theata
- Museen
- Unis, Fåchhochschuin und åndane Hochschuin
- regionàle Behördn
[dro werkln] Owazentren in Åidbayan
- Amberg
- Båssa
- Deggndorf/Plattling
- Ingoiståd
- Låndshuad
- Minga
- Rengschburg
- Rosnheim
- Straubing
- Weidn in da Obapfåiz
