Palatschinken
| Der Artikl is im Dialekt Weanarisch gschrim worn. |
Palatschinken, aa Balatschinkn, san a Möhspeis aus da ungarischn Kuchl, de aa in Österreich seah beliabt is.
Dabai wiad a Dag aus Eia, Möh und Müch und a bissl Soiz in an Pfandl mid a weng Butta oda Schmoiz aussabockn. Waun des gaunze vo da Hitz fest wiad, muass de ganze umdraht wern. Won mas kon, kan ma des so in die Heh schupfn, das si die Palatschinken in der Luft umdraht, so dass mit der wachn Seitn nach untn ins Pfandl kummt. Erst wan beide Seitn fest san und a braune Foab ham, duad ma a Fü eini und roid s zaum oda schlogt s zaum. Daun kummt no bei da siassn Palatschinkn no aa Staubzucka driwa.
Inhoitsvazeichnis |
[drå werkln] Da Naum Palatschinken
S Woat Palatschinkn kummmt woahscheinlich ausn Rumänischn „placinta“, wos wida fum latainisch „placenta“ fia Kuacha kummt. Iwa s ungarische „palacsinta“ is dees Wuat ins Boarische kumma.
Hochdeitsch kemman de Palatschinken ois Eierkuchen, Omelette oda Crepes daher. Dees Rezept kon do a teuweis bissl andast sei, des Prinzip is a seibe. Es gebt aa no de Bliny, wo aus da osteiropäischn Kich kemman und mid am Hefndoag aus Buachwoaznmeih gmacht wern, und de American Pancakes, wo oba kloana und dicka san wia de boarische Variantn.
In Bayern haaßn de Palatschinkn Pfannkuacha oda Pfannakuacha, es werd dann oba meistns a bissl weniga Aufwand mit da Füllung und da Dekoration gmocht. Ma schmiat hoid a Marmelad drauf oda neimodean a Nutella, oda ma straat oafach Staubzucka auffe und tripfet no an Zitronasaft dazua. Nochhea roid ma s zaum.
[drå werkln] Variantn
De klassisch Palatschinken san in Österreich mid Marmelad, Powidl oda Topfn gmocht woan. In Ungarn hods do scho friaha vü meah Variantn gebm.
Heitzdog kaun ma mit Palatschinken-Rezeptln gaunze Kochbiachl füin, so vüi Mäglichkeit san do bekaunt. Palatschinken mit Schokolad, mit Niss, mit Eis, mit Spinod, mit Lachs oda Rahm und vüi meah.
Koide, in Ringal gschnittane Pfannakuacha kaun ma aa in d Suppn einehaun. In Bayern nennt ma des Pfannakuachasuppn, in Österreich Frittatnsuppn.
[drå werkln] Biacha
- Grössing, Sigrid: Palatschinken sind kein Schinken Ein Buch für Österreichfreunde, Landesverlag, Linz 1985 ISBN 3-85214-423-X
[drå werkln] Im Netz
| Wiktionary: Palatschinke – Bedeitungserklärunga, Wortherkunft, Synonyme und Ibasetzunga |
